طالبان اوروشماقچی بولسه اوروشه میز مذاکره قیلماقچی بولسه مذاکره قیله میز

اوشبو مطلب نی امریکا نینگ نماینده سی زلمی خلیلزاد بیلدیردی

طالبان اوروشماقچی بولسه اوروشه میز مذاکره قیلماقچی بولسه مذاکره قیله میز

امریکا قوشمه ایالتلری نینگ افغانستان بوییچه خاص نماینده سی خلیلزاد, "طالبان اوروشماقچی بولسه اوروشه میز, مذاکره قیلماقچی بولسه مذاکره قیله میز" دییه قید ایتدی. 

خلیلزاد, پایتخت کابلده امریکا ایلچی خانه سیده ترتیب له گن مطبوعاتی کنفرانسی جریانیده بیرگن بیانات لریده, تینچ لیک مذاکره لری دایره سیده طالبان گروهی گه باسیم قیلینیشی نینگ مهم ایکن لیگی نی معلوم قیلدی.

خلیلزاد, "طالبان اوروشماقچی بولسه اوروشه میز, مذاکره قیلماقچی بولسه مذاکره قیله میز" دییه قید ایتدی. 

منطقه اولکه لری نینگ تینچ لیک پروسه سی نی قوللب – قوتلیاتگن لیگی نی بیلدیرگن خلیلزاد, اوشبو خصوصده یقینده مثبت ینگی لیک لرنینگ یوز بیریشی نی امید قیلیاتگن لیگی نی معلوم قیلدی. 

خلیلزاد, طالبان بیلن بولگن مذاکره لرده, امریکا نینگ افغانستانده گی مرکز لری نینگ دایمی بوله دیگن لیگی نی بیلدیرمه گن لیک لری نی معلوم قیلرایکن, اولکه سی نینگ هم بونده ی بیر آرزو گه ایگه ایمس لیگی نی ایسله تیب اوتدی. 

خلیلزاد, "امریکا قوشمه ایالتلری افغانستان بیلن اوزاق مدتلیک و کینگ کولملی همکارلیک نی آرزو قیلماقده.  اوشبو همکارلیک حربی, دیپلماتیک و اقتصادی ساحه لر نی قمره ماقده" دییه قید ایتدی. 

افغانستان جمهوررئیسی محمد اشرف غنی رهبریتی اوچون کتته بیر تهدید دن عبارت طالبان گروهی نینگ ایریم منطقه لرده حاضرگی کونده هم حاکمیتی دوام ایتماقده. 

اوتگن ییل لرده افغانستان دولتی بیر نیچه مراتبه طالبان گروهی بیلن مذاکره قیلماقچی بولدی.  حتی اوشبو دایره ده تینچ لیک کینگشی هم قوریلدی. بیراق اوشبو خصوصده گی سعی و حرکت لر هیچ قنده ی بیر نتیجه بیرمه دی.

سابق جمهوررئیس حامد کرزی نینگ حکومتیده هم افغانستان رهبریتی طالبان بیلن مذاکره قیلیش گه حرکت قیلدی. اوشبو مذاکره لرنینگ 2013 – ییل جون آییده دوحه ده بولیب اوتیشی ریجه لنگن ایدی.  بیراق طالبان نینگ دوحه ده گی دفتری نینگ لوحه سی گه "افغانستان اسلام امیرلیگی" شکلیده یازدیریشی و سوزده بیراغی نی آسیشی آرتیدن افغانستان حکومتی مذاکره دن واز کیچگن ایدی. 

شونده ی قیلیب طالبان نینگ دوحه ده گی دفتری یاپیلرایکن, تینچ لیک مذاکره لری هم توختب قالدی. 



علاقه لی ینگی لیکلر