ترامپ: ترور تشکیلاتی داعش کیلگوسی 30 کون جریانیده برطرف بولیب کیته دی

امریکا قوشمه ایالتلری دولت باشلیغی دونالد ترامپ مملکتی نینگ ترور تشکیلاتی داعش گه قرشی جوده موفق بیر شکلده کوره شگنینی ادعا ایتدی.

آق اویده اوتکزیلگن و سوریه بیلن عراقده گی اقلیت لرنی قولب – قوتلش بوییچه لایحه نینگ امضالش مراسمیده گپیرگن ترامپ، ترور تشکیلاتی داعش بیلن تیگیشلی قیزیق بیانات بیردی.

ترور تشکیلاتی داعش نینگ بو منطقه ده حیات کیچیریب تورگن هر کیم گه یمان یانداشوو ایچیده بولگن لیگینی افاده ایتیب؛

"داعش گه قرشی بویوک بیر ایش عملگه آشیردیک. دنیانینگ او منطقه سیده سانلری جوده کمه ییب کیتدی و کیلگوسی 30 کون جریانیده ترور تشکیلاتی منسوبی بیرته سی هم قالمه یدی" دیدی.

ترور تشکیلاتی داعش تامانیدن زیان ییتکیزیلگن دینی و اتنیک اقلیتلرنی امریکا قوشمه ایالتلری نینگ قولب – قوتلش گه دوام ایته جگینی قید ایتگن ترامپ، آرتیدن کمره لرنینگ قاشیده مذکور لایحه نی امضاله دی.