امریکاده بیر مکتوب تقریباً اوچ میلیون دالر گه ساتیلدی

اوشبو مکتوب انشتاین نینگ قول یازمه مکتوبی بولگن

امریکاده بیر مکتوب تقریباً اوچ میلیون دالر گه ساتیلدی

تنقیلی فزیک عالمی آلبرت انشتاین نینگ, آلمان لیک فیلسوف ایریک گوتکین گه یازگن, تنگری فکری, دین و یهودیلیک بیلن علاقه لی فکر لری نینگ اورین آلگن قول یازمه مکتوبی نیویورکده مزایده بیلن 2,9 میلیون دالر گه ساتیلدی. 

بی بی سی تامانیدن بیریلگن خبر گه کوره, اوشبو قول یازمه مکتوب مزایده بیلن ساتیلگن. 

1954 – ییلده یازیلگن اوشبو مکتوبده انشتاین نینگ مسیحی لیک, تنگری فکری و یهودی لیک بیلن علاقه لی فکر لری گه اورین اجره تیلگن. 

74 یاشیده یازگن اوشبو مکتوبده انشتاین, اونینگ جهتیدن تنگری فکری نینگ هیچ قنده ی بیر اهمیت گه ایگه ایمس لیگی و دین لرنینگ ایسه بیر افسانه دن عبارت ایکن لیگی نی ادعا قیلگن. 

تنگری مکتوبی اوله راق بیلینگن اوشبو مکتوبده انشتاین, "مینینگ جهتیمدن تنگری کلمه سی فقط گینه بیر سوزدن عبارت بولگن و انسان ضعیف لیگی نینگ محصولیدیر.  انجیل, حرمت گه سزاوار. لیکن قالاق افسانه لر توپلمی دن باشقه بیر نرسه ایمس" شکلیده گی فکر لری گه اورین اجره ترایکن, "هیچ بیر نرسه مینی اوشبو فکریمدن واز کیچیره آلمیدی" دییه قید ایتگن. 

اوشبو مکتوبده انشتاین نینگ, یهودی لیک بیلن علاقه لی ایسه, "منسوبی بولگن لیگیم اوچون فخرله نه من.  بیراق مینینگ جهتیمدن یهودی خلقی نینگ باشقه خلق لر دن هیچ قنده ی بیر فرقی یوق" دییه قید ایتگن لیگی کورینماقده. 



علاقه لی ینگی لیکلر