یا اضمحلال, یا خلق ارا عدالت

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

یا اضمحلال, یا خلق ارا عدالت

تورکیه و جهان کوز قره شی 44

20 نچی عصر, بشریت نینگ اینگ کوپ وحشت گه دوچ کیلیب قالگن عصردن عبارت بولدی.  خوددی شوو عصرده فقط گینه انسان لر ایمس, بلکه تشلنگن جایلرده گی اوسیم لیک لرنی هم یوق ایتیب قویگن اتم بمبی دن استفاده قیلینگن ایککی قانلی اوروش هم بولیب اوتدی.

ایککینچی دنیا اوروشی آرتیدن قوریلگن نظام, یوز بیرگن حادثه لردن عبرت آلینیب, اوروش لرنینگ کیره کسیز ایکن لیگی نی کورسه تیب بیریاتگن بیر نظام دن عبارت بولمه دی. شونده ی قیلیب اوز موقعیتی نی اسره ب قالیش گه حرکت قیلیاتگن غالب لر نظامی دن عبارت بولدی اوشبو نظام. خلق ارا پول سیستمی نی کورسه تیاتگن و امریکا دالری نی دنیا پولی گه ایلنتیریب قویگن بریتون وودز سیستمی و بیرلشگن ملت لر تشکیلاتی نظامی غالب لر تامانیدن قوریلگن بیر نظام صفتیده دوام ایتماقده.    

ساووق اوروش دوریده یخشی بیر سیستم دن عبارت بولگن لیگی اویلنگن بریتون وودز سیستمی و بیرلشگن ملت لر تشکیلاتی نظامی وضعیتی نینگ حاضرگی کونده انچه یمان ایکن لیگی کورینماقده. 

اساساً اوزی بیر ائتلاف دن عبارت بولگن بیرلشگن ملت لر تشکیلاتی خوفسیزلیک کینگشی بیش دایمی اعضاسی بولگن امریکا قوشمه ایالتلری, روسیه, انگلستان, فرانسه و چین اورته سیده خلق ارا کوچ فرقلی لیق لری نینگ موجود ایکن لیگی کوزگه تشلنماقده. 

دنیاده گی ایککی قطبلی نظام نینگ اداققه ییتیشیشی آرتیدن خلق ارا اکتور لر, ینگی بیرلیک لر و ائتلاف لر بیلن موجود نظام نی دوام ایتتیریش گه انتیلماقده.  عدالت گه تینمه گن اوشبو خلق ارا ائتلاف لرنینگ عراق, افغانستان, بوسنیا, قیریم, سوریه و اراکانده قنده ی قوریلگن لیگی و قنده ی قوریله آلمه گن لیگی یاکه کیچ قوریلگن لیگی نی یققال کوردیک. 

جهانی له شیش پروسه سی بیلن همه نرسه نینگ آیدینله نیشی آرتیدن ساووق اوروش دوری نینگ میراثی دن عبارت موجود خلق ارا نظام گه قره تیلگن تنقید لر میزانی هم کونساین آرتیب بارماقده.  اوشبو دایره ده تورکیه جمهوریتی جمهوررئیسی رجب طیب اردوغان هردایم دنیا نینگ فقط گینه بیش اولکه تامانیدن باشقریلمس لیگی کیره ک ایکن لیگی نی بیلدیریب کیلماقده.  خلق ارا مخابراتی و تکنالوژیک امکانیت لر, هر خیل عدالتسیزلیک نینگ دوام ایتتیریلیشی نی قیین لشتیرماقده.  هرخیل معلومات گه ایگه بولیش امکانیتی نینگ موجود بولگن و عدالتسیزلیک لرنینگ انیق روشده کورینه آله دیگن خوددی شوو کونلرده, ساووق اوروش دوریدن قالگن نظام نینگ دوام ایتتیریلیشی ممکن ایمس. 

حاضرگی کونده سابقده گی وضعیت نینگ دوام ایتتیریلیشی نینگ ممکن بولمه گن بیر شرایطده یشه ماقده میز. شونده ی قیلیب حاضرگی شرایطده خلق ارا اکتور لر تاریخده هیچ کورینمه گن بیر شکلده فقط گینه انسان لر ایمس, بلکه برچه جانلی لرنی هم یوق قیلیب قویه دیگن کیمیاوی قوراللر و هایدروجن بمب لری گه ایگه.  حاضرگی کونده کورینیاتگن لیگی دیک, موازنه سیز سیاسی بیر رهبرلیک نینگ موجودیتی, دنیا کیله جگی نینگ تهدید گه دوچ کیلیب قالیشی معنی سی گه کیلماقده.  ساووق اوروش دوری نظامی حقیده کوپلب سئوال لرنینگ موجود بولگن و ینگی نظام نینگ هم قوریله آلمه گن خوددی شونده ی بیر شرایطده, ینگی بیر تهدید گه دوچ کیلمسلیک اوچون خلق ارا جامعه نینگ اوشبو قورال لر دن قورتیلیشی و خلق ارا عدالت نینگ تامین ایتیلیشی اوچون کیره کلی ائتلاف لرنینگ قوریلیشی کیره ک. 

خلق ارا مقیاسده عدالت نینگ تامین ایتیلیشی اوچون فقط گینه دولت لر مقیاسیده ائتلاف لر قوریش باره سیده اویله مسلیک کیره ک. دنیاده کیله جک باره سیده باش قاتیریلیاتگن خوددی شوو شرایطده برچه ساحه لر بوییچه خلق ارا عدالت ائتلاف لری توغریسیده اویلش ضروری.  اکادمسین لر, سرمایه دارلر, مسلکی سازمانلر, اتحادیه لر, نادولت تشکیلات لر, سپورت تیم لری, آیدین لر و اوقووچی جمعیت لری نینگ خلق ارا عدالت ائتلافی نینگ بیر بولگی دن عبارت بولیش لری ممکن.  اوشبو دایره ده آلدین بیر بیر لری نی تنیب کیین چه لیک بیر یقه دن باش چیقاریش لری کیره ک.  ساووق اوروش دوریده اکثریتچیلیک نینگ مطرح بولمه گن بیر شرایطده ساووق اوروش میدیاسی گه قرشی فرقلی بیر ایش قیلیش گه انتیلیش اونچه لیک ممکن ایمس ایدی. حاضرگی کونده ایلغار تکنالوژی و اوزگریب کیتگن باشقه امکانیت لر فرقلی اولکه لرده گی انسان لرنینگ بیر بیر لری بیلن علاقه قوریشی اوچون امکانیت یره تیب بیرماقده.  اوقووچی بولیشی میز تقدیرده, ایندی هر تامانده دنیا نینگ فرقلی جایلریدن کیلگن اوقووچی لرنینگ موجود ایکن لیگی کورینماقده.  سرمایه دار بولیشی میز تقدیرده, خلق ارا مقیاسده ارتباط قوریشی میز اوچون یخشی بیر امکانیتی میز بار دیمک.  برچه ساحه لر بوییچه بونده ی بیر امکانیت قیدیریشی میز کیره ک. 

ایریم پیتلرده اوشبو ساحه بوییچه موفق بولیشی میز ممکن.  امریکا قوشمه ایالتلری نینگ بیت المقدس بیلن علاقه لی بیر تامانلمه قراری گه قرشی بیرلشگن ملت لر تشکیلاتی خوفسیزلیک کینگشیده اولکه لر مشترک روشده عکس العمل کورستدی.  عینی دمده وحشیانه بیر شکلده اولدیریلگن سعودی عربستانلیک ژورنالست جمال قاشقچی قضیه سی گه قرشی کورسه تیلگن مشترک عکس العمل هم انسان لرنینگ بیر یقه دن باش چیقاریشی بوییچه امید گه سبب بولماقده. 

فرقلی مسئله لر بوییچه خلق ارا عدالت اوچون فرقلی ائتلاف لرنینگ قوریلیشی ممکن. اوشبو خصوصده بیت المقدس, اراکان, سوریه, انسان حق لری, اسلام هراسلیک, تبعیض گه قرشی کوره ش بوییچه همکارلیک, نیونازیزم, فاشیزم, کیمیاوی قوراللر و خلق ارا انحصار گه قرشی مشترک سیاست کبی مسئله لر نی مثال قیلیب کورسه تیش ممکن. 

برچه ساحه لر بوییچه خلق ارا عدالت سیزلیک گه قرشی کوره ش آلیب باریب عدالت نی تامین ایتیش گه انتیلیش کیره ک. بیرته گینه دولت یاکه جمعیت نینگ خلق ارا مقیاسده گی عدالتسیزلیک لرنی توخته تیش کوچی گه ایگه ایمس لیگی سببلی تیل, دین, نژاد, عقیده و آیدیولوژی میز نینگ نیمه بولیشی گه قره مسدن, خلق ارا مقیاسده ظلم نی محکوم قیلیش بوییچه موفقیت قولگه کیریته آلمس لیگی میز تقدیرده البته که یوق بولیب کیته میز. 

حاضرگی کونده ینگی بیر خلق ارا نظام نینگ قوریله آلمه گن لیگی کورینماقده.  دنیا بویلب عادلانه بیر نظام نینگ قوریلیشی اوچون حاضرگی کونده امکانیت لری میز موجود. ایرته گه عدالت گه تینمه گن ینگی بیر دنیا نظامی نینگ قوریلیشی و هر قنده ی بیر خلق ارا اکتور نینگ قولیده گی بمبلردن فایده له نیب بشریت نی یوق قیلیب قویشی تقدیرده کیچ بولگن بوله دی.         



علاقه لی ینگی لیکلر