اندونیزیاده تلفات سانی آرتیب بارماقده

مینگلب کیشی اولیب یره لندی

اندونیزیاده تلفات سانی آرتیب بارماقده

اندونیزیانینگ سولاویسی آرالیده 28 سپتامبرده یوز بیرگن زلزله آرتیدن تسونامی طوفانی عاقبتیده اولگنلر سانی 1944 کیشی گه کوتاریلیب کیتدی.

اندونیزیا اورته سولاویسی حربی قومندانلیگی معلومات باشلیغی محمد طاهر، ایککی فلاکت حادثه سیده اولگنلر سانی نینگ 1 مینگ 944 گه چیققن لیگینی بیلدیردی.

طاهر، قیدیروو و قوتقروو فعالیتلری نینگ دوام ایتیب تورگن لیگینی قید ایتدی.

اندونیزیا ملی آفت اداره سی آژانسی سوزچیسی ستوپو پروو نوگروهو هم 2 مینگ 600 دن آرتیق یره لی نینگ کسلخانه لرگه انتقال بیریلگن لیگینی اعلان قیلدی.

مذکور حادثه لرده 67 مینگ اوی – جای و 3 مینگ اطرافیده یول نینگ زیان کورگن لیگی 63 مینگ اطرافیده کیشی نینگ خیمه لرده قالگن لیگی معلوم قیلیندی.

اوشبو طبیعی آفاتلرنینگ حلی گچه 658 میلیون دالر زیات ییتکیزگن لیگی افاده ایتیلدی.

پالو و دونگاله ده قیدیروو و قوتقروو فعالیت لریگه 7 مینگدن آرتیق پولیس و عسکر اشتراک ایتماقده.



علاقه لی ینگی لیکلر