سونگگی مرکز ادلب

اوشبو مطلب تورکیه سیاسی, اجتماعی و اقتصادی تحقیقات لر مرکزی یازوچیسی جان آجون نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

سونگگی مرکز ادلب

کون نینگ آجنداسی حقیده بیر تحلیل- 38

روسیه و ایران نینگ همکارلیگی بیلن سوریه ده بشار الاسد رژیمی حربی میتود لر بیلن کوپلب منطقه لر نی قیته باشدن اوز کنترولی آستی گه آلگن وضعیتده. سوریه ده حربی مخالف لر و منطقه ده یشیاتگن ملکی لرنینگ حمص, غوطه, درعا و باشقه منطقه لردن ادلب گه انتقال ایتتیریلیشی آرتیدن, ادلب حربی و سیاسی جهت دن رژیم مخالف لری نینگ سونگگی مرکزی گه ایله نیب قالدی.  اوروش لر باشله مسدن آلدین 700 مینگ نفوس گه ایگه بولگن ادلبده حاضرگی کونده اوشبو رقم نینگ تقریباً 3 میلیون گه کوتریلیب کیتگن لیگی کورینماقده.  آستانه مذاکره لری دایره سیده اوروش لرنینگ کمیتیریلیشی کیره ک ایکن لیگی بیلدیریلگن 4 منطقه دن بیری بولگن اینگ سونگگی مرکز ادلبدن عبارت.  عینی دمده آستانه مذاکره لری چوکاتیده تورکیه جمهوریتی قوراللی کوچلری ادلبده گی جبهه خطیده 12 نظارت مرکزی قوردی.  

اوزاق بیر مدت دن بیری روسیه و ایران نینگ همکارلیگی بیلن ادلب گه قره تیلگن عملیات لر کون ترتیبیده اورین آلیب کیلماقده. شونده ی قیلیب اوشبو دایره ده ینه کوپلب کیشی نینگ منطقه نی ترک ایتیب مهاجر بولیب قالیش لری و تورکیه گه کیلیش لری کوتیلماقده. تورکیه دنیا ده اینگ کوپلب مهاجر قبول قیلگن اولکه لردن بیری نی تشکیل ایتماقده. اوشبو وضعیت نینگ اوزی ایسه ایندی تورکیه نینگ بوندن آرتیق مهاجر نی قبول قیلیشی نینگ ممکن ایمس لیگی نی کورستماقده.  ادلب عملیاتی نینگ خساره لری توغریسیده برچه دنیا اولکه لری خواطرده ایکن, دیپلماسی ساحه سیده اوشبو بحران گه مانع بولینیشی اوچون سعی و حرکت قیلیاتگن بیرته گینه اولکه نینگ تورکیه دن عبارت ایکن لیگی کورینماقده. 

آستانه پروسه سی دایره سیده ایران, روسیه و تورکیه اورته سیده گی سونگگی ییغیلیش ایسه ایران پایتختی تهرانده بولیب اوتدی.  تهران ده گی اوشبو رهبر لر ییغیلیشی نینگ تورکیه و روسیه گه معلومات بیریلمسدن ایران تامانیدن جانلی روشده کورسه تیلیشی نتیجه سیده برچه دنیا اولکه لری تورکیه جمهوریتی جمهوررئیسی رجب طیب اردوغان نینگ  منطقه ده آتش کیسین نینگ تامین ایتیلیشی و هر قنده ی بیر بحران نینگ آلدی نینگ آلینیشی بوییچه قنچه لیک سعی و حرکت قیلیاتگن لیگی نی یققال کوریب قالدی.  تهرانده گی رهبر لر ییغیلیشی جریانیده روسیه و ایران نینگ مخالفتی سببلی آتش کیسین گه قرار قیلینمه دی.  بیراق, اوشبو ییغیلیش جریانیده تامان لر سلاح لری نی ییر گه قویش گه چقیریلدی.  شونده ی قیلیب تورکیه نینگ معقول سیاستی نتیجه سیده ادلبده احتمالی حربی بیر عملیات هیچ بولمه سه معطل قیلیندی و ساحه ده تینچ لیک نینگ اورنه تیلیشی بوییچه قدم تشله نیشی اوچون زمینه یره تیلگن بولدی. 

ادلب نینگ کیله جگی بیلن علاقه لی احتمالی الترناتیف سناریولر موجود. روسیه و متفق لری تورکیه نینگ نظارت مرکز لریدن چیکیلیب ادلب گه قره ته کینگ کولملی بیر عملیات اویوشتیریلیشی نی قبول قیلیشی اوچون باسیم قیلماقده.  تورکیه ایسه الترناتیف سناریو لر نی مطرح قیلیش گه انتیلماقده.  تورکیه نینگ سناریو لریدن بیری ایسه تورکیه و رژیم مخالفی نظامی لرنینگ اوز تاثیری نی کینگیتیریب هیئت تحریر الشام کبی تامان لرنینگ هیچ بولمه سه شمال دن چیکیلیب جنوب گه اوتیش لریدن عبارت. 

هر قنده ی بیر بحران گه قرشی تورکیه نینگ اوزیگه طرفدار تامان لر بیلن ساحه گه کیریب, ادلب نینگ مرکزی داخل امنیت بیر منطقه تشکیل ایتیشی اینگ یخشی سناریو لر دن بیری نی تشکیل ایتگن بوله دی.  سوریه ده رژیم مخالف لری نینگ اوز توپراق لری نی بوتونلی قولدن بیریب قویشی نینگ توسیق له نیشی و احتمالی بیر بحران نینگ آلدی نینگ آلینیشی, ترور تشکیلاتی پی کا کا/وای پی جی نینگ اوشبو پروسه دن فایده له نیب سیاسی موفقیت قولگه کیریتیشی گه مانع بولینیشی معنی سی گه کیلماقده.  اوشبو وضعیت ایسه تورکیه جهتی دن جدی بیر موفقیت دن عبارت بوله دی.  ادلبده هر قنده ی بیر عملیات اویوشتیریلیشی تقدیرده, ترور تشکیلاتی پی کا کا نینگ سوریه ده گی قسمی هم اوشبو وضعیت دن فایده له نه باشلَیدی.  اینیقسه ایران گه باغلیق جنگری لر و حزب الله نینگ منطقه ده سوریه دموکراتیک کوچلری جنگری لری گه ترینینگ بیریاتگن لیگی بیلینماقده.  اولر نینگ هم اوشبو عملیات گه اشتراک ایتیش لری تقدیرده, ینه عفرین نی قولگه کیریتیش گه حرکت ایتیش لری ممکن.  عینی دمده تل رفعت منطقه سیده اوشبو مقصد بیلن کوچ ییغیاتگن لیک لری هم انیق.  بونده ی بیر وضعیتده تورکیه نینگ ساحه ده جوده هم فعال بیر رول اوینه شی کیره ک.     



علاقه لی ینگی لیکلر