پوتین بیلن ایردوغان نینگ اوچره شووی بولیب اوتدی

جمهور باشلیغی رجب طیب ایردوغان بیل سونگی 10 کون جریانیده 2 – مرته اوچره شوو اوتکزگن روسیه دولت باشلیغی ویلادیمیر پوتین، سوریه نینگ ادلب منطقه سیده قوراللردن تمیزلنگن منطقه ایجاد ایتیلیشی توغریسیده کیلیشیب آلدیلر.

ایککی تینگداش، سوچیده یوزمه یوز و هیئتلر ارا ملاقات نینگ آرتیدن مشترک مطبوعاتی کنفرانس اویوشتیردیلر.

روس دولت باشلیغی پوتین، جمهور باشلیغی ایردوغان بیلن تجارت قاله ویرسه اوز ارا مناسبتنی قولگه آلگن لیکلرینی ایتدی.

تجارتده ملی پولدن استفاده قیلیشنی اورغوله گن پوتین، مشترک انرژی پروژه لری نینگ دوام ایتیشیدن خبر بیردی.

روسیه لیک رهبر مدنیت و توریزم موضوعلرینی هم قولگه آلگن لیکلرینی معلوم قیلیب، اساسی موضوع نینگ ادلبدن عبارت ایکن لیگینی و بو توغریده مهم تصمیم لر آلگن لیکلرینی ایتدی.

سوریه ده گی روس حربی قرارگاهلریگه هجوم خطریدن خواطرده ایکن لیکلرینی معلوم قیلگن پوتین؛

"مخالف گروپلرنینگ سقیله قوراللری بیلن ادلبده 15-20 کیلومترلیک قورالسیز منطقه ایجاد ایتیش اوچون کیین گه باریشلری قرارینی آلدیک" دیدی.

ایردوغان ایسه اولاً روسیه سفری باعث ممنون قالگن لیگینی تیلگه آلیب، اوز ارا همکارلیک نینگ تورلی ساحه ده مشترک سیاسی أراده اساسیده آلغه بارگن لیگینی اورغوله دی.

پوتین بیلن سوریه خصوصیده فکر المه شووی عملگه آشیرگن لیکلرینی اورغوله گن ایردوغان جنابلری؛

"ادلبده 15 اکتوبردن اعتباراً قورالدن تمیزلنگن، خوفسیز منطقه قوریب، مخالفلر بیلن رژیم کوچلری نینگ هم موجود جایلریگه توختب قالیشلری توغریسیده کیلیشدیک" دیدی.

قورالسیزلشتیریلگن منطقه نینگ امنیتی نینگ تورک و روس کوچلری تامانیدن بیرگه لیکده تامین ایتیله جگینی معلوم قیلیب، شونده ی قیلیب ادلبده کتته بیر بشری فاجعه گه مانع بولگن لیکلریگه اشاره قیلدی.

سوریه اساسی قانون کمیته سی نینگ ایشلرینی توگه تیشی و اونینگ آرتیدن اوتکزیله دیگن سیلاولرده سوریه خلقی نینگ اوز ترجیحینی قیلیشینی تمنا قیلگن لیگینی اورغوله گن ایردوغان؛

"تروریست گروهلری فقط ادلبده یوق. کتته خطر فرات دریاسی نینگ شرقیده فعالیت قیلیب تورگن (بولووچی ترور تشکیلاتی پی کاکانینگ سوریه ده گی ترماغی) PYD دیر" دیب اورغوله دی.

ایردوغان و پوتین 7 – سپتامبرده هم ایران نینگ پایتختی تهرانده میزبان حسن روحانی بیلن ادلب موضوعسی بوییچه اوچ کیشی لیک جلسه اوتکزگن ایدیلر.