جمهوررئیسی اردوغان روسیه گه جونب کیتدی

تورکیه جمهوریتی جمهوررئیسی رجب طیب اردوغان بیر کونلیک رسمی بیر سفر بیلن بوگون توشدن کیین روسیه نینگ سوچی شهری گه جونب کیتدی. 

جمهوررئیسی اردوغان اوشبو سفری دایره سیده روسیه دولت رهبری ولادیمیر پوتین بیلن اوچره شه دی. 

اردوغان اتاتورک قونلغه سی دولت مهمانخانه سیدن جمهوررئیسی اورینباسری فواد اوکتای, تشقی ایش لر وزیری مولود چاووش اوغلی, استانبول والی سی وصیب شاهین, استانبول شهرداری مولود اویسال و باشقه مسئول کیشی لر تامانیدن کوزه تیب یوباریلدی. 

اوشبو سفری جریانیده انرژی و طبیعی منبع لر وزیری فاتح دونماز, هزینه و مالیه وزیری برات آلبیرق, ملی مدافعه وزیری خلوصی آقر و تجارت وزیری رخسار پیکجان جمهوررئیسی اردوغان بیلن همراه لیک قیلماقده.