سوریه نینگ کیله جگی نیمه بوله دی؟

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

سوریه نینگ کیله جگی نیمه بوله دی؟

تورکیه و جهان کوز قره شی 37

سوریه ده گی اوروش لر 7 ییلدن بیری دوام ایتیب کیلماقده.  ایندی ایسه آستانه مذاکره لری دایره سیده اوروش بولمیدیگن منطقه اعلان قیلینگن ادلبده سوریه رژیمی بیلن روسیه هجوم لری نینگ حاضرگی کونده دنیا کون ترتیبیده اورین آلیب کیلیاتگن لیگی کورینماقده.  شونده ی قیلیب هیچ بیر نرسه قیلمسدن, اوشبو هجوم لر آرتیدن نیچه میلیون سوریه لیک نینگ اوز یورت لری نی ترک ایته دیگن لیک لری, کیمیاوی قوراللر دن استفاده قیلینه دیگن لیگی یاکه قیلینمیدیگن لیگی باره سیده باش قاتیریلماقده. اوشبو وضعیت ایسه وجدانسیز و قیغوسیز بیر شکلده هر قنده ی بیر سریالده گی صحنه نینگ تماشا قیلینیاتگن لیگی گه اوخشه ماقده.       

آستانه پروسه سی اورتاق لریدن عبارت تورکیه, ایران و روسیه اوتگن هفته ده تهرانده بیر ییغیلیش اوتکزدی. اوشبو ییغیلیش جریانیده ادلب و عموماً آلیب قره گنده سوریه نینگ کیله جگی باره سیده بحث ایتیلدی.  تهرانده گی اوشبو رهبر لر ییغیلیشی, غرب نینگ اوزاقدن تعقیب ایتیاتگن, خلق ارا جامعه نینگ هیچ قنده ی بیر عکس العمل کورستمَیاتگن سوریه لیک لرنینگ قیرغین قیلینیشی گه مانع بولینیشی بوییچه تورکیه نینگ قنچه لیک یککه قالیب کیتگن لیگی نی کورسه تیب بیردی.  بونگه قره مسدن تورکیه اوشبو خصوصده گی صمیمی کوره شی نی دوام ایتتیرماقده.  تورکیه و روسیه نینگ معلوماتی بولمَسدن اوشبو ییغیلیش نینگ ایران تامانیدن جانلی اوله راق کورسه تیلیشی خوددی شوو حقیقت نینگ دنیا اولکه لری تامانیدن ایشیتیلیشی گه سبب بولدی.  افسوس که باشقه رهبر لرنینگ سوریه لیکلر نینگ وضعیتی توغریسیده قیغولنمه گن لیک لری کورینماقده.  تورکیه جمهوریتی جمهوررئیسی رجب طیب اردوغان بیر نیچه مراتبه آتش بس اورنه تیلیشی نینگ ضروری ایکن لیگی نی بیلدیردی.  عینی دمده اردوغان تورکیه نینگ کوپچیلیگی سوریه لیک لردن عبارت توپلم 4,5 میلیون مهاجرنی اوز بغری گه باسگن لیگی نی معلوم قیلدی.  تورکیه نینگ هم باشقه کوپلب اولکه لر سنگری اوشبو مهاجر لرنی اوز بغری گه باسمس لیگی ممکن ایدی.  شونده ی قیلیب بیر نیچه مینگ مهاجر نی کورگچ برچه ارزش لری, ایرکین لیک, تینگ لیک و قرداش لیک شعار لری نی ایسدن چیقاریب قویگن و مهاجر لردن نفرت قیلیب قالگن اوروپا بیرلیگی اولکه لری سنگری بیر سیاست آلیب باریشی ممکن ایدی تورکیه نینگ هم.  بیراق تورکیه نینگ بونده ی قیلیشی ممکن ایمس ایدی. تورکیه نینگ اوشبو اولکه لردن فرقلی تامانی هم خوددی شوندن عبارت. 

اوروش لرنینگ باشلب کیتگن لیگی گه 7 ییل بولگن لیگی گه قره مسدن افسوس که تامان لرنینگ سیاست لریده هیچ قنده ی بیر اوزگریش بحث موضوعی ایمس.  روسیه, سوریه ده گی حربی مرکز لری واسطه سی بیلن آقدینگیزده فعال رول اوینَش و قیریم, گرجستان, اوکرائین اورنیگه اوزاق بیر جغرافیه ده غرب بیلن کوره شیش مقصدی بیلن بشار الاسد تیزیمی نی حمایت قیلیب کیلماقده. 

ایران منطقه ده توسعه طلب لیک سیاست لرینی دوام ایتتیرماقده.  دینی رهبر علی خامنه ای گه یقین ایکن لیگی بیلینگن, ایران پارلمانی تهران وکیلی علیرضا ذکایی نینگ, "حاضرگی کونده اوچ عرب اولکه سی ایران نینگ قولیده و ایران اسلامی انقلابی گه باغلیق.  صنعا, ایران انقلابی گه قوشیلیاتگن تورتینچی عرب پایتختی دن عبارت" شکلیده گی سوز لری, ایران نینگ توسعه طلب لیک سیاست لری نی یققال کورسه تیب بیرماقده.  عراق نینگ ایککینچی اینگ کتته شهری و اینگ مهم بندری شهریدن عبارت بصره ده کوپچیلیک نینگ شیعه لردن عبارت ایکن لیگی گه قره مسده, انسان لرنینگ ایران گه قرشی مظاهره قیلگن لیگی و ایران باش قنسلگرلیگی نی یاندیرگن لیک لری, ایران نینگ توسعه طلب لیک سیاست لری دایره سیده کیرگن اولکه لرده قالدیرگن تاثیری بوییچه عبرت بوله دیگن بیر وضعیت نی تشکیل ایتماقده.  عینی دمده سوریه لیک لرنینگ دنیا نینگ اینگ اوزاق منطقه لری گه کیتیش لری گه قره مسدن, ایران گه کیتمه گن لیک لری, اوشبو کیشی لرنینگ ایران نینگ قوشنی چیلیک, مذهبی و انسانی ارزش لری توغریسیده هیچ قنده ی بیر امیدلری نینگ بولمه گن لیگی نی کورستمَیدی می؟

سوریه اوروشی بوییچه یاشیرینچ روشده رول اوینَیاتگن اینگ مهم اولکه نینگ اسرائیل دن عبارت ایکن لیگی بیلینگن بیر حقیقت.  اسرائیل, منطقه ده گی رقیب لری نینگ اوز کوچی نی قولدن بیریب قویشی اوچون اوشبو اوروش نینگ دوام ایتیشی نی تامین ایتیش مقصدی بیلن چقور بیر سیاست آلیب بارماقده.  اوشبو سیاست اسرائیل نینگ چیگره لری نی, صهیونیست لرنینگ ارض موعود ادعاسی دایره سیده, تورکیه نینگ جنوبشرقی منطقه لرینی هم اوز ایچی گه آله دیگن شکلده کینگتیریشی نی قمره گن "کتته اسرائیل" ستراتیژی سی بیلن مطابقت کورستماقده. 

امریکا قوشمه ایالتلری نینگ سوریه بوییچه سیاست لری ایسه اسرائیل بیلن باغلیق.  امریکا, داعش تهدیدی نینگ یوق بولگن لیگی گه قره مسدن, ترور تشکیلاتی پی کا کا/پی وای دی گه برچه حربی امکانیت لر نی تامین ایتیب بیرماقده.  ظاهراً امریکا نینگ ایران نی اوره ب آلیش اوچون بونده ی بیر ایش قیلیاتگن لیگی بیلدیریلماقده.  تورکیه نینگ هم بولینیشی هدفی گه ایگه, اوشبو حمایت نینگ فقط گینه ایران نینگ اوره ب آلینیشی اوچون بحث موضوعی بولیاتگن لیگی نی بیلدیریش ممکن می؟  یاکه اوشبو تروریزم دهلیزی نینگ اوزاق مدت لیک اسرائیل هدف لری نینگ قولگه کیریتیلیشی اوچون قیلینیاتگن تشبث لردن عبارت می؟

افراطی راست گرا لرنینگ اقتدارگه کیلیاتگن و بیرته گینه درد لری نینگ بیر نیچه سوریه لیک قاچقین نینگ کیلمس لیگی دن عبارت بولگن اوروپا بیرلیگی اولکه لری نینگ سوریه توغریسیده هر قنده ی بیر سیاست گه ایگه ایکن لیگی نی معلوم قیلیش ممکن می؟

امریکا قوشمه ایالتلری نینگ فقط گینه اسرائیل نینگ حمایت قیلینیشی دایره سیده آلیب باریاتگن سیاست لریدن واز کیچمس لیگی و اوروپا بیرلیگیده تطبیق ایتیلمه گن وعده لریدن تشقری انیق ایش لر قیلمس لیگی تقدیرده, روسیه و باشقه تامان لر طرفیدن حمایه له نیاتگن سوریه رژیمی هجوم لری نینگ توخته تیلیشی نی کوتیش ممکن ایمس.  اوروپا بیرلیگی و امریکا قوشمه ایالتلری, سوریه لیک لرنینگ اوز اولکه لریده جان بیریش لری یاکه تورکیه ده قالیش لری تقدیرده, سوریه ده هیچ قنده ی بیر معما نینگ موجود ایمس لیگی نی اویلَیاتگن دیک کورینماقده. 

دنیا اولکه لری سوریه ده ایریم ملیت لرنینگ یوق ایتیلیاتگن لیگی نی کورماقده.  اولکه ده نفوس ساختاری اوزگرتیریلماقده.  سوریه رژیمی و حمایه چی لری, ایریم پیتلرده غربی اولکه لر, قولگه کیریتیش نی آرزو قیلیاتگن شهر لرنی ترورچی لردن تولیق ایکن لیگی نی بیلدیریب بمباران قیلماقده.  نتیجه ده میلیونلب کیشی اوز اولکه سی نی ترک ایتیب مهاجر بولیب قالماقده.  میلیونلب کیشی نینگ ترورچی بولیشی ممکن می؟ خوب, ایریم ملیت لرنی یوق ایتیش و شهر لرنینگ نفوس ساختاری نی اوزگرتیش دن باشقه قنده ی بیر مقصد نینگ بحث موضوعی بولیشی ممکن؟ هدف نینگ ترور تشکیلات لری گه قرشی کوره ش دن عبارت بولیشی تقدیرده, اوشبو ایش نینگ بیرته گینه یولی ترورچی لر بیلن بیرگه معصوم انسان لرنی هم یوق ایتیش دن عبارت می؟

مالی عذابی نی اوروشیاتگن لر ایمس, بلکه تورکیه کبی انسان لیک جهتی دن قیغوله نیاتگن لر چیکیاتگن سوریه ده گی اوروش لرنینگ اداققه ییتیشیشی کیره ک.  اوروش نینگ اداققه ییتیشیشی آرتیدن اوزاق ییل لر دوام ایته دیگن انسان لرنینگ دردی گه مرهم بولیش پروسه سی نینگ باشلب کیتیشی ضروری.  اوشبو اوروش لر جریانیده تیریک بیر شکلده یاقیلگن باله لر نینگ گناهی نیمه ایدی؟ ایندی ینه قنچه سوریه لیک قاچقین نینگ دینگیزگه توشیب اولیشی نی کوتیب توره میز؟

بشریت تاریخیده کوپلب ظالم لر بولیب اوتدی.  اوشبو خصوصده ستالین, هیتلر و موسولونی کبی ظالم کیشی لرنی مثال قیلیب کورسه تیشی میز ممکن.  بیراق قیسقه بیر مدت مابینیده بولمه سه هم, مظلوم لرنینگ هردایم ظالم لرگه قرشی تاریخده غلبه قازانیب کیلگن لیگی کورینماقده.  حاضرگی کونده اوشبو ظالم لرنینگ همه تامانیدن بیلیانیاتگن لیگی و لعنت له نیاتگن لیگی, اوزاق مدتده انسان لیک نینگ غلبه قازانگن لیگی نی کورستماقده. 

قراقچی لرنینگ دنیا گه حکمدار بولیش لری ممکن ایمس.       



علاقه لی ینگی لیکلر