سویدن ده بیر باب مسجد اوتگه بیریلدی

سویدن نینگ جنوب تامانیده جایلشگن سکان منطقه سیده گی هاسلهولم شهریده 200 کیشی لیک مسجدنینگ اوتگه بیریلگن لیگی بیلدیریلدی.

سویدن دولت رادیوسی (SR) نینگ خبریگه کوره،  آقشام وقتی یوز بیرگن یانغین حادثه سی هاسلهوم اسلامی مدنیت اویوشمه سی نینگ آپارتمانی نینگ آستیده جایلشگن مسجدگه بویوک ضرر ییتکزگن.

خوددی شو خبرگه کوره، قوتقروو گروهی اعضالریدن کرلوس، بیر کیشی نینگ مسجدگه کیریب اوتگه بیرگن لیگینی ایتگن.

مذکور اویوشمه باشلیغی اسماعیل دراجی مسلمانلرنینگ اینگ کوپ عبادت قیلگن رمضان آییده بو حادثه نینگ یوز بیرگن لیگی اوچون متاثر ایکن لیکلرینی ایتدی.

دراجی 200 کیشی نینگ بو مبارک آیده مسجدسیز قالگنینی معلوم قیلیب 12 ییلدن بیری بو جایده حیات کیچیریب تورگنینی و ایلک مرته بونقه بیر حادثه یوز بیرگنینی افاده ایتدی.

حادثه ده اولگن ویا یره لنگن یوق. بیراق حادثه بیلن علاقه لی تیکشیروو دوام ایتماقده.