سعودی عربستان ولیعهد شهزاده سی ایراننی تهدید ایتدی

سعودی عربستان ولیعهد شهزاده سی محمد بن سلمان، اولکه سی نینگ نوکلر بمب خواهله مه گنینی معلوم قیلیب، ایران نوکلر بمب ایشلب چیقرگن تقدیرده اوزلری نینگ هم تیزلیکده بونی عمکلی قیلیشلریدن خبر بیرد ی.

سعودی عربستان ولیعهد شهزاده سی محمد بن سلمان نینگ امریکا قوشمه ایالتلریده مرکزی بولمیش CBS کانالیگه بیرگن مصاحبه سیدن بعضی بیر گپلری نشر قیلیندی.

ولیعهد شهزاده اوز مصاحبه سیده؛

"سعودی عربستان نوکلر بمبی بولیشینی خواهله مه یدی. بیراق شبهه سیز ایران نوکلر بمب ایشلب چیقرگنده بیز هم ممکن بولگنی قدر تیزلیکده خوددی شونقه بمب ایشلب چیقره میز" دیب ایتدی.

ولیعهد شهزاده تولیق شکلده یکشنبه کونی نشر بوله دیگن اوز مصاحبه سیده ایران نینگ روحانی رهبری آیت الله علی خامه یینی هم نازی رهبری ادولف هیتلرگه (1889-1945) اوخشه تیب قویدی.