پوتین، ترامپ گه منتدارچیلیک بیلدیردی
روسیه دولت رهبری امریکالیک تینگداشی گه داعش لیک تروریست لرنینگ اوشلب آلینیشی توغریسیده همکارلیک قیلگنی اوچون تشکر ایتدی.
روسیه دولت باشلیغی ویلادیمیر پوتین، سنت پترزبورگده تروریستیک هجوم اویوشتیرماقچی بولگن کیشی لرنینگ اوشلب آلینیشی توغریسیده استخباراتی معلومات بیرگن لیگی اوچون امریکا قوشمه ایالتلری دولت رهبری دونالد ترامپ گه منتدارچیلیک بیلدیردی.
کرملین مطبوعات مرکزیدن بیریلگن بیاناتده، پوتین بیلن ترامپ نینگ تیلفون آرقه لی صحبت عملگه آشیرگن لیکلری بیلدیریلدی.
مذکور بیاناتده، سنت پترزبورگده تروریستیک هجوم اویوشتیرماقچی بولگن کیشی لرنینگ اوشلب آلینیشی توغریسیده استخباراتی معلومات بیرگن لیگی اوچون پوتین نینگ امریکا قوشمه ایالتلری دولت رهبری دونالد ترامپ گه منتدارچیلیک بیلدیرگنی قید ایتیلگن.
روس خوفسیزلیک کوچلری نینگ، امریکا قوشمه ایالتلری مرکزی استخبارات تشکیلاتی (CIA) تامانیدن معلوماتیگه بناً سنت پترزبورگده تروریستیک هجوم اویوشتیرماقچی بولگنلرنی اوشلب آلگن لیکلری اورغولندی.
پوتین نینگ بوندن بویان امریکاده تروریستیک هجوم اویوشتیریلشیدن خبرلری بولگن تقدیرده بو معلومات نینگ امریکالیک اداره چیلرگه بیریشلریدن اطمنانلیک بیرگنی معلوم قیلیندی.
روس استخبارات اداره سی (FSB) تامانیدن بیریلگن بیاناتده، سنت پترزبورگ شهریده تروریستیک هجوم ریجه له گن ترور تشکیلاتی داعش اعضالری نینگ اوشلب آلگنلیکلری بیلدیریلگن ایدی.
علاقه لی ینگی لیکلر
اورته ییر دینگیزیده یوزلب قاچقین حیاتینی یوقاتدی
اورته ییر دینگیز ساحه لریده 23 اپریل تاریخیده یوزبیرگن کیمه حادثه سی گه تیگیشلی معلومات بیریلدی
