ناتو نینگ کیله جَگی نیمه بوله دی؟

ناتو بیلن علاقه لی اوزبیک تیلیده بیر مقاله

ناتو نینگ کیله جَگی نیمه بوله دی؟

ناتو, ایککینچی دنیا اوروشی آرتیدن حاضرگی کونده روسیه دن عبارت بولگن سابق سویت اتفاقی گه قرشی قوریلگن بیر تشکیلات دن عبارت ایدی. شونده ی قیلیب ناتو, میلادی 1949 نچی ییلی اپریل آیی نینگ 4 نچی کونیده امریکا قوشمه ایالتلری, انگلستان, بیلجیم, فرانسه, هالند, ایتالیا, آیسلند, دنمارک, لوکسمبورگ, ناروی, پرتگال و کانادا سنگری غربی اولکه لر تامانیدن سابق سویت اتفاقی دن کیله دیگن هر قنده ی بیر تهدید گه  قرشی قوریلگن بیر اتفاق دن عبارت.  ترکیه ایسه اوشبو بیرلیککه میلادی 1952 نچی ییلیده قوشیلدی.  اوشبو اتفاق نینگ اساسی هدفی اعضا لر نی اونگه قره تیلگن تهدید لر گه قرشی قوریش و سیاسی, اجتماعی و اقتصادی ساحه لر بوییچه همکارلیک قیلیشدن عبارت البته که.  اوشبو مقصد بیلن قوریلگن لیگی سببلی میلادی 1991 نچی ییلیده سویت اتفاقی نینگ قولب کیتیشی آرتیدن ناتو نینگ ضرورتی خصوصیده بحث و مناظره لر باشلب کیتدی. 

بیراق, خودی منه شوو تاریخ دن بیر نیچه آی آلدین عراق نینگ کویت نی اشغال ایتیشی و ینگی بیر ترور تهدیدی نینگ پیدا بولیشی ناتو نینگ ضرورتی توغری سیده یخشی بیر سبب بولدی. 

خودی منه شوو دور نینگ اوزیده ایتالیاده ناتو نینگ ناقانونی قوراللی بیر تشکیلاتی بحث موضوعی بولیب قالدی.  ایتالیا باش وزیری گیولیو اندریتی, میلادی 1990 نچی ییلی اکتوبر آیی نینگ 24 نچی کونیده اولکه سیده "گلادیو" موجودیتی نی رسماً اعتراف ایتدی.

لاتین تیلیده قلیچ معنی سیده گی گلادیو کلمه سی نی اوز اسمی صفتیده استفاده ایتگن اوشبو تشکیلات میلادی 1952 نچی ییلیده امریکا و انگلستان نینگ بیر تشکیلاتی دن عبارت STAY BEHIND  تامانیدن قوریلگن. سی آی ای تامانیدن باشقریلگن و تمویل ایتیلگن اوشبو تشکیلات, میلادی 1956 نچی ییلیده امریکا قوشمه ایالتلری نینگ همکارلیگی بیلن جاسوسلیک و چریکی اوروش لر گه اشتراک ایته باشله دی. 

گلادیو بیلن علاقه لی بحث و مناظره لر آرتیدن ناتو نینگ برچه اعضا اولکه لر ده نظامی بولمه گن حربی میتود لر دن استفاده ایتگن لیگی یاکه بونده ی بیر ایش نی قیلیش گه حرکت ایتگن لیگی ادعا ایتیلدی.  کوپلب اولکه لر ده اوشبو موضوع بوییچه ایریم دلیل لرنینگ پیدا بولیشی آرتیدن ناتو نینگ ضرورتی هم بحث موضوعی بوله باشله دی. 

ناتو نینگ موجودیتی توغری سیده بحث و مناظره لرنینگ باشلب کیتگن کون لرنینگ اوزیده, یوگسلاویا ایچکی اوروشی باشلب کیتدی. اوشبو ایچکی اوروش ایسه بیر نسل نی یوق ایتیش اوروشی گه ایله نیب قالدی. شونده ی قیلیب ناتو نینگ اوشبو قیرغین لرنینگ توخته تیلیشی نی طلب ایتیتگن انسان لرنینگ امیدی گه ایله نیب قالگن لیگی کوریندی. 

کیین چه لیک عراق بیلن افغانستان نینگ اشغال ایتیلیشی ناتو نینگ ضرورتی گه تیگیشلی بحث و مناظره لرنینگ یوق بولیب کیتیشی گه سبب بولدی.  ناتو نینگ قانونی بولمه گن فعالیت لری ایسدن چیقاریلرایکن, ترکیه ده خلق ارا جاسوس لیک و خیانت شبکه سی دن عبارت فتح الله چی ترور تشکیلاتی قانلی بیر کودتا گه تشبث قیلدی. 

ترک خلقی, رهبر لری جمهوررئیسی رجب طیب اردوغان نینگ طلبی گه بناً کوچه لر گه چیقیب اوشبو کودتا تشبثی نی موفقیت سیزلیک گه اوچره تدی.  کودتا تشبثی گه اشتراک ایتگن کوپلب یوقاری مرتبه لی منصبدار لرنینگ اکثریتی ناتو اعضا سی اولکه لر گه قاچیب کیتدی.  عینی دمده ناتوده وظیفه اجرا قیلیتگن فتح الله چی ترور تشکیلاتی اعضاسی کوپلب منصبدار هم خودی منه شوو اولکه لر گه باریب یشش نی طلب ایتدی. 

حتی اوشبو منصبدار لرنینگ بویوک بیر قسمی نینگ ترکیه جمهوریتی قوراللی کوچ لری تامانیدن برکنار ایتیلگن لیک لری گه قره مسدن, ینه بیر مدت ناتو ده وظیفه اجرا قیلگن لیک لری کوریندی. 

ترک پولیسی تامانیدن تروریستیک فعالیت لر گه اشتراک ایتگن لیک لری تثبیت ایتیلگن بعضی کیشی لر ناتو نینگ ایریم مراسم لری گه اشتراک ایتدی.  اینگ مهمی ایسه, سونگگی کونلرده ناتو تطبیقاتی جریانیده ترکیه جمهوریتی اساسچی سی مصطفی کمال اتاترک بیلن ترکیه جمهوریتی جمهوررئیسی رجب طیب اردوغان نی دشمن تامانده کورستگن کیشی لر سنگری, اوشبو کیشی لر ناتو دن معاش آلیتگن کیشی لر دن عبارت. 

میلادی 2016 نچی ییلی جولای آیی نینگ 15 نچی کونیده ترکیه ده قیلینگن کودتا تشبثی جریانیده ناتو و ترکیه نینگ غرب ده گی متفق لری نینگ ترک خلقی نی حمایه له مه گن لیگی دقت گه سزاوار بیر موضوع نی تشکیل ایتماقده. 

ناتو و ترکیه نینگ متفقی بولگن غربی دوست لری نینگ, کودتاچی تروریست لر نی اوز بغری گه باسگن لیک لری ایسه اینگ قیزیق بیر موضوعدن عبارت. 

ایندی ایسه جولای آیی نینگ 15 نچی کونیده گی کودتا تشبثی آرتیدن کورینگن فتح الله چی ترور تشکیلاتی بیلن ناتو آره سیده گی مناسبت لر حقیده بحث ایتیلیک. 

ناتو ده وظیفه اجرا ایتیتگن تورت نفر ترک منصبدار بیلن بیر عسکری اتشه نینگ جولای آیی نینگ 15 نچی کونیده گی کودتا تشبثی آرتیدن ناروی گه باریب یشش طلب لری ناروی مقام لری تامانیدن قبول قیلیندی. 

فتح الله چی ترور تشکیلاتی نینگ ایریم کیشی لر نی چیتلب قویش اوچون ترقتگن جعلی اسناد لری نی "توغری" دیب قبول قیلگن خودی منه شوو ترور تشکیلاتی نینگ همکاری مینگباشی احمد اردوغان حاضرگی کونده هم انگلستانده انگلستان نینگ عسکری بیر لوژمانیده یشه ماقده. 

جولای آیی نینگ 15 نچی کونیده گی کودتا تشبثی گه اشتراک ایتگن و امریکا ده گی متفق قوماندان لیگیده وظیفه سی بولگن جنرال زکی مصطفی اوغورلو کودتا تشبثیدن کیین هم اوشبو ییرده گی وظیفه سی نی دوام ایتتیردی.  ترکیه جمهوریتی قوراللی کوچ لری تامانیدن اخراج ایتیلگن لیگی گه قره مسدن, ناتو ده جنرال صفتیده وظیفه اجرا قیلیتگن لیگی کورینگچ, امریکا قوشمه ایالتلریدن باش پنه سوره دی. 

ترک اردوسیدن فتح الله چی ترور تشکیلاتی اعضاسی بولمه گن کیشی لرنینگ چیتله نیشی توغری سیده گی فعالیت لر گه اشتراک ایتگن ترکیه علمی تحقیقات لر کینگشی سایبر خوف سیزلیک انستیتوتی نینگ سابق رئیسی خیرالدین بخشی نینگ, استونیا ده ناتو اولکه لری نینگ اشتراک ایته دیگن سایبر خوف سیزلیک تطبیقاتیده وظیفه اجرا ایتیتگن لیگی کوریندی. 

جولای آیی نینگ 15 نچی کونیدن کیین وظیفه سیدن اوزاق لشتیریلگن بیش یوقاری مرتبه لی منصبدار نینگ بیلجیمده گی ناتو قرارگاهیده ایکن لیگی معلوم بولدی.  معلوم بیر مدت کیین ایسه اوشبو کیشی لر بیلجیم تامانیدن مهاجر صفتیده قبول قیلیندی. 

دعوت ایتیلمه گن لیگی گه قره مسدن, فتح الله چی ترور تشکیلاتی منسوبی ایمره چیلیک   اوتگن آی لرده امریکا قوشمه ایالت لریده بولیب اوتگن ناتو پارلمنتر لر ییغیلیشی گه اشتراک ایتدی.  ناتو ایسه اوشبو خصوصده هیچ قنده ی بیر بیانات بیرمه دی.  ترک هیئتی نینگ اوشبو جلسه نی تَرک ایتیشی آرتیدن باشقه اولکه لرنینگ هیئت لری هم خودی منه شوونده ی بیر عکس العمل کورستدی. 

بو قدر دلیل لرنینگ موجود بولیشی گه قره مسدن, اعضا لری نینگ ناتو حقیده سئوال بیریشی ممکن ایمس می؟



علاقه لی ینگی لیکلر