ایندی سعودی عربستانده خاتین – قیزلرنینگ هم موتر هیده شی ممکن

سعودی عربستان شاهی سلمان بن عبدالعزیز السعود، مملکتده عیاللرگه موتر هیده ش حقوقی بیرگن قرارنامه‌گه قول قویدی.

شاه سلمان بن عبدالعزیز قرارنینگ، 2018- ییل نینگ جون آییگچه عملی بولیب کیریشی باره‌ سیده بویروق هم بیردی. 

سعودی عربستان عیاللرگه، عایله‌ اعضالریدن بیر ایرککسیز اتوموبیل هیده شگه رخصت بیرمه‌گن دنیاده‌گی یگانه‌ دولت ایدی.

اتوموبیل هیده ش حقوقی اوچون کوره ‌شگن عیاللر ایسه قماققه آلینه یاتگن ایدی.

سعودی ملي اخبارات اداره سی اوشبو معلوماتنی، «شاه حاکمیتی، عیال و ایرککلرگه تینگ اساسده هیداوچیلیک گواهنامه سی بیریلیشی داخل یول حرکتی قاعده‌ لرینی ینگیدن ترتیبگه سالماقده» دییه ترقه ‌تدی. 

شاه نینگ بویروغیگه کوره‌، سعودی عربستانده مخصوص کمسیون تشکیل ایتیلماقده. ایچکی ایشلر وزیرلیگی، مالیه‌ وزیرلیگی، محنت و اجتماعي حمایه‌ وزیرلیگی نماینده لریدن عبارت بوله‌ دیگن اوشبو کمیسیون، شاه نینگ بو باره ‌ده ‌گی قراری نینگ قنده‌ی کوچگه کیریشینی بیلگیله ‌یدی.

سعودی عربستان شاهی سلمان بن عبدالعزیز سعودنینگ بو قراری حقیده دنیانینگ باشقه‌ دولت مسؤللری بیانات بیرر ایکن امریکا قوشمه ایالتلری ییتکچیلری بو وضعیتنی، «توغری یول تامان تشلنگن شخدم قدم» دییه بهاله‌ دی. 

آق سرایدن بیریلگن بیاناتده قوییده‌گی افاده‌ لرگه هم ا‌ورین بیریلدی:

«دولت رهبری دونا‌لد ترامپ سعودی عربستان نینگ عیاللرگه اتوموبیل باشقریش حقوقی بیرگن قرارنامه نی ایجابي بهاله‌ ماقده. بو سعودی عربستانده‌گی عیاللرنینگ حقوقی و امکانلرینی یاییش جهتیدن شخدم قدم حسابلنه‌ دی. بو و 2030 هدفی کبی اصلاحاتلر یولی بیلن سعودی خلقی و اقتصادیاتی کوچیگه - کوچ قوشیش سعی-حر‌کتیده سعودی عربستاننی قوللب- قوّتلشنی دوام ایته ‌میز».