ایردوغان بیلن دونالد ترامپ نینگ اوچره شووی بولیب اوتدی

مذکور اوچره شوو 50 دقیقه دوام ایتدی

811820
ایردوغان بیلن دونالد ترامپ نینگ اوچره شووی بولیب اوتدی

بیرلشگن ملتلر تشکیلاتی 72 – کینگشی اوچون امریکا قوشمه ایالتلریده بولگن جمهور رئیس رجب طیب ایردوغان، نیویورکده دولت رهبری دونالد ترامپ بیلن اوچره شوواوتکزیدی.

جمهور رئیس لیک منبع لری 50 دقیقه دوام ایتگن اوچره شوونینگ آرتیدن؛

"اوچره شووده منطقوی مسئله لرنینگ ییچیم یولی اوچون همکارلیک نینگ توسعه بیریلیشی و برچه ترور تشکیلاتلریگه قرشی مجادله نینگ قاطعانه بیر شکلده آلیب باریلیشی توغریسیده کیلیشیلگن دیر. ایککی رهبر 2017 - ییلی 25 سپتمبرده عراق کرد منطقوی اداره سی ریجه له گن رفراندوم گه قرشی ایکن لیکلرینی افاده ایتیب، بو کبی بیر آدیم نینگ جدی نتیجه لرگه باعث بولرلیگی اورغولنگن دیر" دیب، افاده ایتیلگن.

امریکا قوشمه ایالتلری دولت باشلیغی مذکور اوچره شوو بیلن تیگیشلی اجتماعی ترماق آرقه لی معلومات بیردی.

ترامپ، "جمهور رئیس ایردوغاننی امریکاده کوتیب آلیش جوده گوزه ل بیر حادثه دیر،" دیدی.

ایردوغان و ترامپ اوتکزگن اوچره شوولری نینگ مطبوعات آچیق روشده آلیب بارگن بولیمیده بیانات بیردیلر.

ایردوغان اوز بیاناتیده "بیرلشگن ملتلر تشکیلاتی نینگ کینگشی باعث امریکاده قدرلی دوستم دونالد بیلن بوگون هیئت لر ارار و یوزمه – یوز اوچره شه میز" دیب ا وز گپی گه باشله دی.

"امریکا قوشمه ایالتلری – تورکیه مناسبتلری قاله ویرسه منطقوی اوزگریش لر و دنیاده گی ایریم موضوعلرنی مطرح قیلیش فرصتی تاپه میز دیب  اویله ی من. بو فرصت یراتیلگن لیگی اوچون اوزیگه صمیمی منتدارچیلیک بیلدیره من" دیدی.

ترامپ ایسه؛

"اورتاغیم جمهور رئیس ایردوغان بیلن معرفی بولیش بویوک بیر شرف دیر. او دنیانینگ قیین بیر منطقه سیده وظیفه آلیب بارماقده. آچیق ایتیش کیره بو کوپ نمره قولگه کیریتماقده عین دمده امریکا بیلن بیرگه لیکده ایش قیلماقده. اولکه میز آره سیده جدی بیر دوستلیک موجود. بیز جوده یخشی مناسبت ایچیده میز بونینگ کوپراغی شخصی مناسبت بیلن تیگیشلی دیر" دیب، افاده ایتدی.

ایردوغان گه منتدارچیلیک بیلدیرگن ترامپ سوزلرینی "سیزنی امریکا قوشمه ایالتلریده کورگن لیگیم اوچون فخرلنه من" دیگن گپی بیلن نهائی قیلدی.



علاقه لی ینگی لیکلر