ایککی اولکه رهبری تیلیفون آرقه لی اوز ارا کیلیشیب آلدی

 افریقا اولکه سیدن عبارت سنگال, قطر بیلن عرب اولکه لری آره سیده باشلب کیتگن بحران آرتیدن چیقارگن دوحه سفیری باره سیده ینگی بیر تصمیم آلدی. 

قطر تشقی ایش لر وزیرلیگی مطبوعات شعبه سی نینگ مسئولی تویتر آرقه لی بیرگن بیانات لریده, "سنگال, دوحه ایلچی سی نی قیته باشدن قطر گه یوباریش گه قرار بیردی" دییه قید ایتدی.

قطر رسمی خبر آژانسی QNA ایسه قطر امیری شیخ تمیم بن حمد آل ثانی نینگ توناوون سنگال دولت رهبری ماکی سال بیلن بولیب اوتگن تیلیفونی صحبتی آرتیدن بونده ی بیر قرار نینگ آلینگن لیگی نی بیلدیردی.

سنگال, قطر بیلن عرب اولکه لری آره سیده باشلب کیتگن بحران آرتیدن جون آیی نینگ 7 نچی کونیده دوحه سفیری نی اوشبو اولکه دن چیقارگن لیگی نی اعلام قیلگن ایدی.

سعودی عربستان, بیرلشگن عرب امیرلیک لری, بحرین و مصر رهبریتی نینگ جون آیی نینگ 5 نچی کونیده قطر بیلن بولگن دیپلماتیک ارتباط لری نی توخته تیب قویشی آرتیدن کورفزده بیر بحران باشلب کیترایکن, خودی منه شوو ینگی لیک آرتیدن ایسه ایریم اولکه لر قطر بیلن بولگن دیپلماتیک مناسبت لری نی اداغگه ییتیشتیرگن ایدی.