دنیا رهبرلری رمضان بیره مینی تبریکله دی
امریکا قوشمه ایالتلری دولت رهبری دونالد ترامپ امریکا قوشمه ایالتلری و دنیا مسلمانلری نینگ بیره مینی تبریکله دی
امریکا قوشمه ایالتلری جمهور رئیسی دونالد ترامپ، انگلستان باش وزیری ترزا می، روسیه دولت رهبری ولادیمیر پوتین و فلسطین دولت رهبری محمود عباس برچه مسلمان لرنینگ رمضان هییتینی تبریکله دی.
امریکا قوشمه ایالتلری دولت رهبری دونالد ترامپ امریکا قوشمه ایالتلری و دنیا مسلمانلرینی قوییدهگیچه تبریکله دی:
«مین و تورموش اورتاغیم ملانیا امریکا خلقی نامیدن، رمضان هییتینی نشانله گن برچه مسلمانلرنی چین قلبیمیزدن تبریکله یمیز. اوشبو بیره م بیزگه کیچیریشنی، رحم - شفقت قیلیش و یخشی نیتلی بولیشنی ایسله ت هدی. امریکا قوشمه ایالتلری، دنیا نینگ تورلی نقطه لریده گی مسلمانلر کبی بو ارزشلر نینگ دوام ایتیشی اوچون محنت قیلماقده» دیدی.
انگلستان باش وزیری ترزا می، بویوک بریتانيا و بوتون دنیا مسلمانلری نینگ رمضان هییتینی تبریکله دی.
ترزا می اوز پیامیده، انتگلستانلیک مسلمانلر نینگ اوز یورتیگه اولکن و ارزشلی حصه قوشگن لیکلرینی قید ایتدی.
روسیه دولت رهبری ولا دیمیر پوتین هم مسلمان یورتداشلرینی رمضان هییتی بیلن تبریکله دی.
رمضان هییتینی «چوقور، معنوي مناگه ایگه بولگن بیره م» دییه بهاله گن روسیه دولت رهبری، «رمضان بیره می ینگیلنیش، یخشیلیک و یاردمگه محتاجلرگه یاردم بیریش رمزی دیر» دیگن افاده لرگه اورین بیردی.
روسیه لیک مسلمانلر نینگ اوز اجدادلری نینگ بای، معنوي و تاریخي میراثینی دوام ایتتیرگن لیکلرینی تأکید لهگن ولادیمیر پوتین، مسلمانلر نینگ انسانلر اورته سیده تینچلیک، دوستلیک و اوز ارا توشونچه نی قوللب - قوّتلش باره سیده مهم رول اوینه گن لیگینی تأکیدله دی.
فلسطین دولت رهبری محمود عباس ایسه، دنیا نینگ بوتون مسلمانلرینی فلسطین اوچون بیر یاقه دن باش، بیر یینگدن قول چیقریشگه اوند ه دی.
رمضان هییتی نمازینی رام الله شهریدهگی فلسطین باشقرووی مرکزی قرارگاهیده گی التشریفات نامیدهگی جامع مسجدیده اوقیگن عباس، مرحوم فلسطین دولت رهبری یاسر عرفات نینگ قبریگه گل قویدی.
عباس، عرفات نینگ قبریده اویوشتیریلگن مراسم آرتیدن سوزله گن نطقیده اوز وطنلریده، مسلمان و عرب توپراغی نینگ تورلی منطقه لریده گی فلسطین خلقی نینگ رمضان هییتینی چین یوره کدن مبارک بات ایتگنلیگینی افاده لب، «بو بیره م نینگ اسلام دینی امتیگه، خلقیمیزگه یخشی لیک و برکت آلیب کیلیشینی شونینگدیک بیت المقدس نینگ آزاد ایتیلیشی بولیب قالیشینی اللّه تیله ب قاله میز» دیدی.
علاقه لی ینگی لیکلر
اسرائیل اردوسی لبنان گه هجوم اویوشتیردی
اسرائیل اوروش اوچاقلری نینگ لبنان نینگ جنوب تامانینی بمباردمان قیلگن لیگی معلوم قیلیندی