روسیه امریکا گه هوشدار بیردی

روسیه امریکا نینگ حربی جایلشتیریش فعالیت لری نی اوزی گه قرشی بیر تهدید صفتیده قبول قیلماقده.  

کریملین, امریکا قوشمه ایالتلری نینگ پولند گه حربی یوباریشی بیلن علاقه لی بیانات بیررایکن, "اوشبو تشبث لر بیز نینگ منفعت لری میز و ملی امنیتی میز گه قرشی بیر تهدید دن عبارت" دییه قید ایتدی.  

اوشبو مطلب نی روسیه جمهوررئیس لیگی قصری دن عبارت کریملین نینگ سوزلاوچی سی دیمیتری پیسکوف بیلدیردی.  

پیسکوف سوز لری نی, "اوروپا اولکه سی بولمه گن اوچینچی بیر اولکه نینگ چیگره لری میز گه یقین جای لر گه حربی جایلشتیرگن لیگی کورینماقده" شکلیده دوام ایتتیردی.  

پولند مطبوعاتی ایسه, شرقی اوروپا ده روسیه نینگ حربی تهدید لری بیلن علاقه لی تشویش لرنینگ یوق ایتیلیشی گه تیگیشلی "اتلانتیک قرارلی لیک عملیاتی" دایره سیده ناتو نینگ شرقی چیگره سیده جایلشتیریلیشی پلانلنگن امریکالیک حربی لرنینگ, آلمان آرقه لی پولند گه ییتیب کیلگن لیک لری نی بیلدیردی.