امریکا، روسیه لیک 2 کیشی اداره چی نی اولکه دن چیقردی

مسکوده روسیه لیک خوفسیزلیک کوچلری اعضالری تامان امریکالیک دیپلوماتلرگه هجوم اویوشتیریلگن

525928
امریکا، روسیه لیک 2 کیشی اداره چی نی اولکه دن چیقردی

امریکا، روسیه لیک 2 کیشی اداره چی نی اولکه دن چیقردی

امریکا قوشمه ایالتلری تشقی ایشلر وزیرلیگی، امریکانینگ مسکو بویوک ایلچی لیگیده وظیفه آلیب باره یاتگن بیر کیشی دیپلومات گه روسیه لیک پولیس نینگ هجوم اویوشتیرگن لیگی باعث روسیه لیک 2 کیشی اداره چی نینگ امریکادن چیقریلگن لیگینی بیلدیردی. بیراق مذکور اداره چیلرنینگ آتی افشا ایتیلمه دی.

امریکا تشقی ایشلر وزیرلیگی سوزلاوچیسی جان کربی روس پولیس نینگ مسکو بویوک ایلچی لیگیمیزده گی دیپلومات گه هجوم اویوشتیرگن لیگی باعث 17 نچی جون کونی ایککی کیشی روسیه لیک اداره چینی اولکه دن چیقردیک، دیدی.

کربی روسیه لیک اداره چیلر حقیده مفصل بیلگی بیرمه ی، روسیه لیک اداره چیلر نا توغری بیانات بیرگن لیکلری اوچون معلومات بیرماقچی بولگن لیگینی اورغولب، 6 نچی جون کونی امریکالیک بیر دیپلومات ایلچی لیک قاعده لرینی مراعات قیلیب، ایلچی لیککه کیرگن، بیراق روسیه لیک ملازیم تامان هجوم اویوشتیریلگن دیر. روسیه لیک ملازیم نینگ انیق تانیمه گن بیر کیشی گه قره ته امریکا قوشمه ایالتلری نینگ بویوک ایلچی لیگینی محافظه قیلگن لیگی بهانه سی بیلن هجوم اویوشتیرگن لیگی توغری بیر حرکت ایمس دیر، دیب بیان ایتدی.

مذکور سوزلاوچی اوشبو هجوم حادثه سیدن تشقری روسیه لیک خوفسیزلیک کوچلری نینگ امریکالیک دیپلوماتلرنی فشار آستیگه آلگن لیکلرینی و اوزلری نینگ روسیه نی بو توغریده آگاه لنتیرگن لیکلرینی بیلدیردی.

روسیه تشقی ایشلر وزیرلیگی امریکالیک دیپلوماتلرنینگ امریکا قوشمه ایالتلری استخبارات مرکزی (CIA) اوچون فعالیت آلیب بارگن لیکلرینی ادعا ایتیب، مذکور دیپلومات نینگ روسیه لیک خوفسیزلیک اعضاسیگه کیم لیک کورستیش نی رد ایتیب، بوکس اورگن لیگینی بیان ایتگن ایدی.



علاقه لی ینگی لیکلر