ایردوغان اوباما اوچره شووی بولیب اوتدی

ایردوغان اوباما اوچره شووی بولیب اوتدی
جمهور رئیس رجب طیب ایردوغان جی 20 جلسه سی اوچون ترکیه نینگ انتالیا ولایتیگه کیلگن امریکا قوشمه ایالتلری نینگ دولت رئیسی بارک اوباما بیلن اوچره شدی. مذکور اوچره شوو ده ترکیه تشقی ایشلر وزیری فریدون سینیر اوغلی، امریکا قوشمه ایالتلری تشقی ایشلر وزیری جان کری، ترکیه مالیه وزیری محمد شیمشک، ترکیه استخبارات باشلیغی خاقان فیدان و عدالت توسعه حزبی نینگ بعضی بیر ملت وکیللری هم قتنشدی.
اوشبو اوچره شوونینگ آرتیدن ایکّی دولت اربابی مشترکاً بیانات بیردی.
جمهور رئیس ایردوغان پاریس ده گی تروریستیک حادثه نی محموم ایتگن لیکلرینی معلوم قیلیب، جی 20 جلسه سی نینگ معلوم عنوان لر بوییچه دوام ایترلیگینی بیلدیردی. ایردوغان جنابلری دنیاده گی خلق ارا تروریزم گه نسبتاً مناسبتیمیز جی 20 جلسه سیده انیق اوله راق نتیجه گه باریله دی، دیدی. بارک اوباما بیلن سوریه ده داعش گه قرشی مجادله و ائتلاف کوچلری بوییچه موضوعلر توغریسیده صحبت قیلگن لیکلرینی معلوم قیلیب، استراتیژیک همکارلر اوله راق بوندن کیین کی مدت جریانیده بیردملیک بیلن دنیا تینچ لیگی اوچون مجادله میزگه دوام ایته میز، دیب اورغوله دی. جمهور رئیس تروریزم نینگ دینی، ملتی، وطنی یوق، پاریس، انقره، غازی انتیب، سوروچ و دیاربکر ده گی حادثه لر کبی منسجم بیر تروریزم حادثه سی بیلن دوچ کیلدیک، دیدی.
بارک اوباما ایسه انقره ده گی حادثه کبی پاریس ده هم معصوم انسانلرنی آماج قرار بیریلگن لیگینی، اوشبو هجوم لرنینگ برچه انسانلرگه قره ته عملگه آشیریلگن لیگینی اورغوله دی. ضرر کورگن کیشی و عایله لر بیلن بیردم لیک ایچیده بولرلیک لرینی عین دمده حادثه نی عملگه آشیرگن کیشی لرنینگ عدالت اورنیگه چیقریلیش لری اوچون قوللریدن کیلگن فعالیتنی آلیب باررلیک لرینی بیلدیردی. اوباما ترکیه نینگ عراق و سوریه ده گی داعش کوچلریگه قره ته اویوشتیریلگن ائتلاف کوچلری نینگ مهم اورتاغی بولگن لیکینی معلوم قیلدی. مهاجرلر مسأله سینی هم مطرح قیلگن لیکلرینی معلوم قیلگن اوباما ترکیه ده گی 2 ملیون قاچقین نینگ آغیر بیر یوک بولگن لیگی نی ایفاده ایتیب، خودی شو موضوع توغریسیده ایریم اولکه لرنینگ همکارلیگی حقیده هم صحبت قیلگن لیکلرینی بیلدیردی.اوشبو اوچره شوونینگ آرتیدن دولت ارباب لری عایله عکسی آلگندن کیین جی 20 جلسه سیگه باشله دیلر.