امریکا قوشمه ایالتلریده اوقوتووچی لر اعتصاب قیلدی

اون مینگلب اوقوتووچی اعتصاب قیلگن

امریکا قوشمه ایالتلریده اوقوتووچی لر اعتصاب قیلدی

امریکا قوشمه ایالتلری نینگ کالیفرنیا ایالتی گه باغلیق لوس انجلس شهریده, 32 مینگ دن آرتیق اوقوتووچی بیلن مکتب پرسونلی اعتصاب قیلدی. 

خوددی شوو اعتصاب سببلی 600 مینگ دن آرتیق اوقووچی نینگ تعلیم و تربیه پروسه سی نینگ توختب قالگن لیگی بیلدیریلدی. 

اوقوتووچی لرنینگ طلب لری نینگ بجا کیتیریلمس لیگی آرتیدن اوشبو اعتصاب باشله گن. 

تامان لر, منطقه ده قریب بیر مینگ باب اوچون کیچیک صنف لر, اوقوتووچی لرنینگ آیلیک لری نینگ آرتیریلیشی و ینه ده کوپراق روانشناس بیلن نرس تعین قیلینیشی بوییچه کیلیشیب آلرایکن, فوند مقداری خصوصیده ایسه کیلیشه آلمه دی. 

شوباعث شهر ده گی 32 مینگ دن آرتیق اوقوتووچی و مکتب پرسونلی اعتصاب قیله باشله دی. 

اوشبو اعتصاب گه قره می ینگی تعین قیلینگن 2 مینگ اداره چی و تقریباً 400 قوشیمچه اوقوتووچی بیلن مکتب لرده گی درس لرنینگ دوام ایته دیگن لیگی بیلدیریلدی. 

لوس انجلیسده اوقوتووچی لر 30 ییلدن آرتیق بیر مدت دن بیری بیرینچی مراتبه اعتصاب قیلماقده. 



علاقه لی ینگی لیکلر