تورکیه مدافعه صنایع سی بوییچه کتته موفقیتلر قولگه کیریتدی

تورکیه سیاسی, اجتماعی و اقتصادی تحقیقات لر مرکزی یازوچیسی جان آجون نینگ تورک تیلیده یازیلگن مقاله سی نینگ اوزبیک تیلیده گی ترجمه سی

تورکیه مدافعه صنایع سی بوییچه کتته موفقیتلر قولگه کیریتدی

کون نینگ آجنداسی حقیده بیر تحلیل- 28

سونگگی ییل لرده تورکیه نینگ مدافعه صنایع سی بوییچه کتته موفقیت لر قولگه کیریتگن لیگی کورینماقده. تورکیه ایندی کوپلب سلاح سیستمی و مهمات نی اوزی ایشلب چیقارماقده.  شونده ی قیلیب تورک مدافعه صنایع سی بیر تاماندن تورکیه قوراللی کوچلری گه کیره کلی حربی امکانیت لر تامین ایتیب بیررایکن, باشقه بیر تاماندن ایسه تورکیه اقتصادی و تشقی سیاستی گه هم مهم تاثیر قالدیرماقده. تورک مدافعه صنایع سی نینگ انچه اوتمیش گه تَیَنگن بولیشی گه قره مسدن, اوشبو ساحه بوییچه اینگ جدی موفقیت نینگ میلادی 2002 نچی ییلیده عدالت و توسعه حزبی نینگ حکومت قوریشی آرتیدن قولگه کیریتیله باشلنگن لیگی کورینماقده.  بیر نیچه ییلده ایشلب چیقاریلگن سلاح سیستم لری بیلن تورکیه و تورکیه قوراللی کوچلری نینگ کوچی انچه آرتیب کیتگن وضعیتده. 

تورکیه نینگ مدافعه صنایع سی بوییچه قولگه کیریتگن موفقیت لری سببلی, پیاده, دینگیز و هوائی کوچلری اوچون کیره کلی واسطه لر نینگ تولید ایتیلیشی, مخابره و الکترونیک سیستم لر, سلاح سیستم لری, رادار و الکترونیک حرب, لوژستیک و ترینینگ ساحه لری بوییچه جدی آلغه سیلجیش لر بحث موضوعی بولدی.  کیرپی, بی ام سی ایفه, قایا, پارس, ایجدر, ایجدر یالچین, کوبرا و اورال اسم لری گه ایگه زرهی واسطه لر تولید ایتگن تورک مدافعه صنایع سی, خوددی شوو واسطه لرنی بیر تاماندن تورکیه قوراللی کوچلری گه تاپشیررایکن, باشقه بیر تاماندن ایسه چیت ایللرگه صادر قیلماقده.  اینیقسه تروریزم گه قرشی کوره ش بوییچه موفقیتی نینگ اثباتله نیشی آرتیدن اوشبو زرهی واسطه لر گه بولگن قیزیقیش نینگ انچه آرتیب کیتگن لیگی کورینماقده.  اوشبو تورک محصولاتی نینگ ناتو استندرت لری دن هم یوقاری بیر سویه ده ایکن لیگی, تولید مصرفی نینگ کم ایکن لیگی و چیت ایل لر گه ساتیش فعالیت لری نینگ سیاست بیلن باغلیق ایمس لیگی, خوددی شوو زرهی واسطه لر گه قیزیقیش نینگ ینه ده آرتیب کیتیشی گه سبب بولماقده.  تورکیه نینگ پیاده کوچ لری اوچون کیره کلی واسطه لر بوییچه قولگه کیریتگن موفقیت لری نی دینگیز و هوائی کوچ لر اوچون هم قولگه کیریتگن لیگی کورینماقده. 

مثال قیلیب آلگنده تورکیه نینگ اوز امکانیت لری بیلن تولید ایتگن میلگَم دینگیز واسطه لری بیلن اتاک هلیکوپتر لری جدی بیر شکلده ساتیلماقده.  پاکستان نینگ تورکیه دن 1,5 میلیارد دالر گه 30 اتاک هلیکوپتری ساتیب آلگن لیگی, هم تورک اقتصادی و همده تورکیه بیلن پاکستان اورته سیده گی مناسبت لرنینگ ینه ده مستحکم له نیشی گه کتته حصه قوشگن وضعیتده.  پاکستان نینگ اوشبو هلیکوپتر لرنی آلیشی آرتیدن ینه 4 میلگَم کیمه سی آلیشی اوچون کیلیشوو امضاله گن لیگی نینگ اوزی تورکیه نینگ اینگ کتته مدافعه صنایع سی صادرات رقمی نی تشکیل ایتماقده.  تورکیه نینگ هوائی کوچ لر تامانیدن استفاده ایتیله دیگن واسطه لر بوییچه موفقیتی توغریسیده گی اینگ مهم مثال ایسه قوراللی یاکه قورالسیز بیرقدار اسمی گه پیلوت سیز اوچاق لرنینگ تولید ایتیلگن لیگی دن عبارت.  قطرده بولیب اوتگن دیمدیکس 2018 کورگزمه سی دایره سیده قطر گه 6 بیرقدار تی بی 2 پیلوت سیز اوچاق نینگ ساتیلیشی توغریسیده کیلیشوو امضالندی.  عینی دمده اوشبو کورگزمه دایره سیده بی ام سی, آمازون, کیرپی و ایجدر یالچین کبی حربی واسطه لرنینگ صادر ایتیلیشی بوییچه 700 میلیون لیره لیک کیلیشوو تامین ایتیلگن لیگی هم معلوم قیلیندی.

اوکرائین گه بیرقدار پیلوت سیز اوچاق لرنینگ ساتیلیشی بوییچه ایککی اولکه اورته سیده کیلیشوو امضالنگن لیگی نینگ اوزی تورک مدافعه صنایع سی نینگ هوائی واسطه لر بوییچه موفقیتی توغریسیده گی اینگ مهم مثال لردن بیری نی تشکیل ایتماقده. 

مدافعه صنایع سی موفقیتی نینگ کورسه تیلیشی جهتی دن فرات قالقانی و زیتون ناوده سی عملیاتی اوزی گه خاص بیر اهمیت گه ایگه.  تورکیه قوراللی کوچلری نینگ ترور تشکیلات لری داعش و پی کا کا/وای پی جی گه قرشی کوره ش آلیب بارگن اوشبو عملیات جریانیده اساساً تورک مدافعه صنایع سی محصولاتی دن استفاده ایتیلگن لیگی کورینماقده.  تورکیه قوراللی کوچلری نینگ سوریه ده گی یمان شرایط گه قره مسدن اوشبو ایککی عملیات جریانیده موفقیت قولگه کیریتگن لیگی نینگ اساسی سببی تورک مدافعه صنایع سی نینگ خوددی شوو موفقیتی دن عبارت. 

فرات قالقانی و زیتون ناوده سی عملیات لری جریانیده تقریباً 100 فایز تورک مدافعه صنایع سی محصولاتی دن استفاده ایتیلگن لیگی تورکیه نینگ ایندی حربی تجهیزات نی اوزی تولید ایتیش بوییچه امکانیت لری نی انچه آرتیرگن لیگی نی کورسه تیب بیرگن وضعیتده. خوددی شوو عملیات لر جریانیده اساساً اینگ کوپ ملی پیاده سلاحی, تورک توپ لری, بیرقدار اسمی گه ایگه پیلوت سیز اوچاق لر, اتاک هلیکوپتر لری, ایجدر یالچین و کیرپی دن استفاده ایتیلدی. 

اصلی گه قره گنده تورکیه قوراللی کوچلری نینگ ملی پیاده سلاحی دن استفاده ایتگن لیگی, سوریه ده گی هدف لرنینگ پیلوت سیز اوچاق لر بیلن انیق لشتیریلیب یوق ایتیلگن لیگی, تورک توپ لری نینگ سوریه چیگره لری ایچیده گی هدف لرنی انیق روشده اورگن لیگی, اتاک هلیکوپتر لریدن عفرین کبی تاغلیق منطقه لرده ترورچی لرنینگ هدف لری نینگ اوریلیشی اوچون استفاده ایتیلگن لیگی, ایجدر یالچین و کیرپی کبی زرهی واسطه لرنینگ تورک حربی لری نی ترورچی لرنینگ هجوم لری گه قرشی قوریگن لیگی تورک مدافعه صنایع سی اوچون اینگ کتته سیناودن عبارت بولدی. تورک مدافعه صنایع سی محصولاتی نینگ حقیقی اوروش ساحه سیده موفقیت کورستگن لیگی, خلق ارا مقیاسده اوشبو ساحه بوییچه جدی بیر موفقیت دن عبارت. 



علاقه لی ینگی لیکلر