عبدالحمیدخان دوریدن حاضرگی کونگه عکس ایتگنلر

تحلیل و تیکشیروو

عبدالحمیدخان دوریدن حاضرگی کونگه عکس ایتگنلر

عبدالحمیدخان دوریدن حاضرگی کونگه عکس ایتگنلر

عبدالحمیدخان دوریدن حاضرگی کونگه عکس ایتگنلر

سلطان 2- عبدالحمید 1918-ییلی 10-فبروری کونی عالمدن اوتدی. بو هفته‌ اولیمیگه 101 ییل بولدی. اصلیده تاریخ اوتمیش ایمس. استقبالنی آیدینله‌تگن چیراغدیر. شو باعث تاریخنی مقتش اورنیگه کیلجک اوچون بیزگه عبرت بولیشی گه اعتبار قره‌تیش کیره‌ک. مِحمد عاکیف ایتگنی کبی «تاریخ»نی «تکراردن عبارت» دیب ایته‌دیلر.

انقره ییلدیریم بایزیدعالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

تاریخدن عبرت آلگنده تکرار بولر میدی؟ بو نقطه‌ی نظردن قره‌گنده عبدالحمید و او دورلر زمانه‌میزنی توشونیش اوچون حصه‌ قوشه‌دی. شبهه سیز بو دورلر رواجلنیش تشبثلری، قوریلگن مکتبلر، یوللر، اوزاق جغرافیه لر بیلن اورنه‌تیلگن مناسبتلر، گلوبال موازنت سیاست کبی اوستیده توخته‌له‌دیگن قطار موضوعلر بار. مین بیر نیچه‌ موضوعدن بحث ایتگندن کیین، اصل او دورلر باشیمیزدن اوتگنلردن درس آلیب حاضرگی دوریمیزده کون ترتیبیده بولگن موضوعلرگه توخته‌لماقچیمن.

سلطان عبدالحمید نینگ مقصدی، ترقه‌لیش عرفه‌سیده بولگن اولکن امپراطورلیک، او دور امپریال دولتلر بیلن موازنتلی سیاست ایزلب آیاقده توریشگه حرکت قیلگنینی ایتیش ممکن. بوتون حیاتی «کسل آدم» دیب توشونیلگن عثمانی دولتینی ایاقده  توتیش اوچون تشقی و ایچکی کوچلر بیلن همکارلیک آلیب باریش بیلن اوتگن. شو نینگ اوچون تهمتلرگه هم اوچره‌گندیر. اونی ظلم قیلیب باشقه‌ریش بیلن عیبله‌گن اتحاد و ترقی اوزی باشقرووگه کیلگندن کیین ینه‌ کوپ باسیم تطبیق ایتگنی سِر ایمس. او دور، انگلستان‌ نینگ دسته‌گی بیلن سيانیست یهودیلر نینگ عثمانی توپراقلریده بیر یهودي دولتی وجودگه کیلتیریش تشبثلرینی هم ایتیش کیره ک. کاتب چلبی، دولتلرنی ابن خلدون کبی انسانلرگه اوخشه‌تگن. اونلر هم باله‌لیک، بلاغت و قرّی لیک دورلریدن اوتیشینی بیلدیرگن. کاتب چلبی عثمانی دولتی باله‌لیک و یاشلیک دوری اوتگندن کیین کیکسه‌لیک دوریده بولگندیر. داکترلر نینگ بیمارنی عمرینی اوزه‌تیشی کبی، دولتلر هم عاقل و ملَکه‌لی باشقرووچیلر قولیده معمالرینی کیینگه تشلب باره دی. شو نینگ اوچون عثمانی دولتی باشقرووی، چلبی نظریده عاقل بیر انسانگه تاپشیریلیشی کیره‌ک.

سلطان عبدالحمیدنی، کاتب چلبی ایتگن بو عاقل انسان صفتیده کوریش ممکن. لیکن زمان و دوران اوزگرماقده. امپراطورلیک دوری اوتماقده. 20: عصر نینگ باشیده تاریخ صحنه‌سیدن چیتلنگن نه‌فقط عثمانی. روس امپراطورلیگی، اتريش، هنگری امپراطورلیگی هم 1. جهان اوروشی بیلن تاریخ صحنه‌سیدن چیققندیر. او دور اینگ کوچلی اکتور صفتیده بیلینگن انگلستان امپراطورلیگی نینگ ایسه 2. جهان اوروشیدن کیین دوری اوتگنینی ایتیش ممکن.

حاضرگی کونگه عکس ایتگنلر

منه‌ سلطان عبدالحمید نینگ او دورلر گلابه‌ل کولمده دنیا مسلمانلریگه کورسه‌تگن علاقه‌سیدیر. شو نینگ اوچون جاپان‌دن چین گه، افریقادن اورته شرققه و اروپاگچه هر تامانده عبدالحمید قالدیرگن بیر اثر، بیر مناسبت گه اوچره‌تیش ممکن. عثمانی پادشاه‌لری آره‌سیده عبدالحمید بلکه‌ دولتنی بو درجه‌ امکانسیزلیگی گه قره‌مه‌سدن، کینگ کولمده اینگ کوپ اثر قالدیرگن بیر پادشاه‌ بولگندیر.

سلطان عبدالحمید پارلاق دورده پادشاه‌ بولمه‌گنی اوچون، دولتنی قوریقلش و قوتقریش غیرتیده بولیب اوزیدن و او دوردن قالگنلر بو غیرتلر نینگ عکسیدیر.

عبدالحمیدنینگ تختی تونتریلیشی نینگ نتیجه‌سی، او کونگچه عملگه آشیریلگن تونتروو عنعنه‌سی نینگ چوققه‌سی دیب توشونسه بوله‌دی. تونتروو نینگ ایچکی معمارلری اتحادچیلر نینگ تونتروو عنعنه‌سی بیلن، حریت و ائتلافگه اورین آلگن مندریس، اوزال و ایردوغان ایزله‌گن دموکراسی عنعنه‌سینی محافظه‌ ایتیش کوره‌شی نینگ جمهوریت تاریخی بویلب دوام ایتگندیر. آق حزبی دوریده عملگه آشیریلگن دموکرا‌تیکلشوو و ناحربيلشوو جریانی بیلن تورکيه‌ده تونترووچی عنعنه‌ کوچینی انچه بای بیرگندیر. دولت رئیس لیک تیزمیگه اوتیش بیلن تورکيه‌ده تونتروو عنعنه‌سی تماماً ضعیفله‌گن دیر.

عبدالحمیدنی تختدن تونتریش اوچون قیلینگنلر، اساسن ینگی اتحادچیلر نینگ فعالیتلری، ملت نینگ صادر بولگنلردن بی خبرلیگی، میدیا، بروکرات، قوشین کبی ایچکی عنصرلر نینگ تشقی عنصرلر بیلن یقین همکارلیک قیلگنی، بو همکارلیک نینگ نتیجه‌سیده، ملت و دولتگه قرشی مشکل جریاننی هم میراث قالدیرگندیر. مندرس، اوزال، ایربقان و ایردوغان قره‌مه قرشی بولگنلر، اوتمیشده موفقیتگه ایریشگن بو جریانینگ دوامیدیر. سلطان عبدالحمید، هم ایچکریده هم تشقریده یامان ایشلر قیلگن کبی کورسه‌تیلگن، او ییقیلگنده همه‌ نرسه‌ نینگ موازنتگه کیریشیگه ایشانیلگن. نفرت عباره‌لری بیلن بیر کیشینی یامانلیکلرنینگ منبعی کبی کورسه‌تیش توشونچه‌سی مندرس، اوزال و ایردوغا‌ن دوریده هم یره‌تیلیشگه حرکت قیلینگنی بیلینماقده.

پشیمانلیکلر و حرمت سیزلیکلر

عبدالحمید تختدن تونتریلگندن کیین صادر بولگنلرگه گواهلیک قیلگن اَیریم ضیالیلر افسوسلنگنلیکلرینی بیلدیرگندیر. بونلردن بیری شاعر رضا توفیق قلمیگه منسوب «سلطان عبدالحمید خان نینگ رویخطیدن استا‌نبول» شعری بولگن. رضا توفیق یازگن شعریده پُشیمانلیگینی آچیقچه اعتراف ایتگن:

«نامینگ تاریخده ذکر ایتیلگنده

سینگه تن بیرگه‌یلر ای اولوغ سلطان

بیز ایدیک تهمت قیلگن اویتسیزلر

عصر نینگ سیاسي پادشاهیگه

لیکن بو پُشیمانلیک نینگ عبدالحمیدگه قرشی بولگن عثمانی ضیالیلری و بروکراتلری آره‌سیده کوپ بولگنینی ایتیش قیین. کمال طاهر افاده‌ ایتگنی کبی، بو ضیالیلر و بروکراتلر، غرب پر‌ستلیک جریانیده عثمانی دولتینی قوتقریش اوچون تشبث ایتگنلر. دولت نینگ ضررگه اوچره‌گنینی کوریب یوللریدن قَیتمه‌گنلر، بونگه قرشی چیقگنلرنی ایسکیچیلیک بیلن عیبله‌گنلر. کمال طاهر ایتگندیک "بیر دور خیانت گچه قدر قول اوردیلر. بو نقطه‌ی نظرده قره‌گنده‌‌ غرب لشگن عثمانی ضیالیکلری و بروکراتلری آره‌سیده 1918-ییلی ترقه‌لیشینی تقدیر تقاضاسی کبی کوردیلر. حقلی چیققنی اوچون خرسند بولگنینی هم ایتیش ممکن.»

کمال طاهر نینگ عثمانی ضیالی و بروکراتلری اوچون ایتگنی بیر قطار جمهوریت ضیالی لری و بروکراتلریگه هم تعلقلی ایمس می؟ بو ضیالیلر، مرحوم شهید باش وزیر عدنان مندرسگه اولیم فرمانی بیرگنده، تورگوت اوزال، مینیمچه اولدیریلگندن کیین، تورکيه قره‌مه قرشی بولگن معمالر طفیلی افسوسلنگن میکن؟ قاله‌ویرسه ایردوغانگه قرشی، اَیریم غرب دولتلر نینگ تبلیغلرینی طوطی قوش مثالِ تکرارلشدن باشقه‌ نرسه‌ بیلمه‌گن حاضرگی کونده‌گی ضیالیلر، خدا سقله‌سین، تورکيه ضرر کورسه قیلگنیگه پُشیمان بولرمیکن؟ بولمه‌سه‌ قیلگنینی تن آلمه‌سلیک اوچون اوزینی حقلی کوریشگه دوام ایته‌دی می؟

انقره ییلدیریم بایزید عالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.

 



علاقه لی ینگی لیکلر