ارزشلرنینگ سونگی می؟

ارزشلرنینگ سونگی می؟

ارزشلرنینگ سونگی می؟

ارزشلرنینگ سونگی می؟

ارزشلرنینگ سونگی می؟

اوتگن هفته‌ ارزشلر یوق بوله‌یاتگن، اساس، فضیلت، با هملشیش، عدالت  کبی توشونچه‌لر

گویا اونوتیلیشگه باشله‌گن بیر دورگه کیریب کیله‌یاتگنیگه اشاره‌ قیلیب، بو دورنی « ارزشلر نینگ یکونی» (the end of values)  دیب  اتش ماس بوله‌دی دیب اشاره‌ قیلگن ایدیک.

دنیاگه نظر تشله‌ گنده  ارزشلر قنده‌ی  یوق بوله‌یاتگنیگه دچار ایکنیمیزنی کوریه‌پمیز دیگن ایدیک.  ارزشلر جهتیدن بیرلشگن ملتلر تشکیلاتی و اروپا بیرلیگی ده‌گی سلبي اوزگریشلر اوستیده توخته‌گن ایدیک. قالگن جایدن دوام ایته‌میز.

انقره ییلدیریم بایزیدعالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

امریکا قوشمه ایالتلری

یقین  بیر پیتگچه امریکا قوشمه ایالتلری " american dream " دیب اته‌لماقده  ایدی. امریکا حیاتی (American way of life)   برچه‌ مملکتلرده مود‌ ایدی. اگر بوگونگی کونده‌ سوراو تیکشیروولر اوتکزیلسه، امریکا قوشمه‌ ایالتلری نینگ توشونچه‌سی، احتمال، برچه‌ مملکتلرده هر حالده  تاریخی نینگ این توبیده بولسه کیره ک.

بوگونکی کونده‌ لاتین امریکالیک  فقط‌گینه 6000 ( یازوو بیلن فقط آلتی مینگ) نفر  قاچقین آیلردن بیری امریکا قوشمه ایالتلری چیگره‌لریده کوتیب تورماقده. تورکيه، لبنان، اردون کبی اولکه‌لر بعضاً بیر  کیچه ده  بو رقمدن  کوپراغینی قبول قیلر ایکن دنیا نینگ بیرینچیسی   بولگن اولکه‌، حالی حاضر هر حالده دنیاده چیگره‌ده اینگ کوپ قاچقین کوتیب تورگن  اولکه‌ وضعیتیده‌دیر. بوندن هم یامانی دنیا نینگ اینگ بای اولکه‌لریدن بیری  بولگن اروپاده ییقیلگن برلین دیواری کبی چیگره‌ دیوار قوریلیب قاچقینلرگه قرشی قوشیندن فایده‌لنیشدن تشقری بیر ییچیم یولی تاپیلمه‌دی. بولمسه، قیلینه‌دیگن بو قدَر خرجت، قاچقین معماسی نینگ ییچیمی اوچون صفلنسه بلکه ینه‌ آز مالی کلفت بیلن معما یکونلنه‌دی.

موجود امریکا قوشمه ایالتلری مشروعیت قیغوسیگه هیچ احتیاج حس ایتیلمسدن، فقط اوز منفعتیگه قره‌ب « اوّلا امریکا»، ینه‌ کتّه‌راق امریکا قوشمه ایالتلری» شعاری بیلن برچه‌ خلق‌ارا بیتیملردن باش تارتیشنی نظرده توتماقده. امریکا قوشمه ایالتلری گلوبال ایسیش نینگ آلدینی آلیشنی مقصد قیلیب آلگن پاریس اقلیم بیتیمی بیرلشگن ملتلر تشکیلاتی نینگ تعلیم، فن و مدنیت تشکیلاتی بولگن یونیسکو UNESCO دن چیقیب کیتیش قراری دنیاده قیغو بیلن کوزه‌تیب باریلماقده.

دولت باشلیغی ترا‌مپ آخرگی بیرلشگن ملتلر تشکیلاتی عمومی کینگشیده  ایتگنیدیک « گلوبال آیدیولوژی‌گه قرشیمیز» سوزی اوزاق ایمس بیر نیچه‌ ییل آلدین  بیر اوچینچی دنیا رهبری یاکه آیدیولوژی‌ تامانیدن ایتیلگن بیر سوز ایدی. بیر امریکا قوشمه ایالتلری دولت باشلیغیی نینگ بونده‌ی بیر نرسه‌ ایتیشی حتا خیال قیلینمس ایدی.

 بوگونکی کونده‌ امریکا قوشمه ایالتلری بیلن بیر قطارده غرب نینگ احوالی، دموکراسی، انسان حقلری، ایرکینلیکلر کبی ارزشلرنی مدافعه‌ قیله‌یاتگن کبی کورینسه هم،فقط اوزلریگه فایده‌سی بولمه‌گنینی توشونگنده انجیلده‌گی آیتلرنی فرقلی تحلیل قیلگن غرب مدنیتی تاریخیدن فرقلی ایمس.

چین- روسیه

چین و روسیه سونگی عصرگه عاید ستندردنی بیلگیلب بیرووچی مشترک عمومی ارزشلرینی ایشلب چیقرووچی دولتلر قطاریده ایمس. بو نینگ بیلن بیرگه‌لیکده چین جوده‌ تیز رواجلنگن بیر اولکه‌دیر. هر ایکّی دولت هم گلوبال سیاستده  تأثیرلی ایکّی اولکه‌دیر. بیرلشگن ملتلر تشکیلاتی خوفسیزلیک کینگشیده رد قیلیش حقیگه ایگدیر.

هر ایکّی اولکه‌، ییترلی درجه‌ده آچیق جمعیت ایمسلیگی اوچون، ایچکی سیاستده‌گی  ترتیب و تطبیقلر خلق‌ارا جمعیت تامانیدن ییترلی درجه‌ده بیلینمه‌یدی. پوتین نینگ مخالفلرگه قرشی قیلگن تطبیقلری تنقید قیلینماقده. چینده ایسه،خلق‌ارا مطبوعاتده افاده‌ ایتیلگن شرقي تورکستانده‌گی قورقینچ انسان حقلری پایماللری و اسیمیله ایشلری حقیقتنی عکس ایتتیره‌دی.  چین   آچیق سیاستی کوزه‌تمه‌گنی  سببلی، یخشی بیلینمه‌یدی.

اسلام عالمی

اسلام عالمی، مسلمان اولکه‌لر  گلوبال سویه‌ده آخرگی بیر نیچه‌ عصردیر استندرد بولگن، مشترک ینگی ارزشلر چیقرگن اولکه‌لر قطاریده ایمس. اوزلرینی لایک ، مونرشیک‌، شریعت دولت یاکه قنده‌ی تعریف قیلسه قیلسین، بو اولکه‌لر دموکرا‌ت، سیاستمدار و توتالیتار شکللریدن بیریگه تینگ کیلماقده.

 اینیقسه‌ اورته شرققه قره‌گنیمیزده، باشقرگنلر، باشقریلگنلرنینگ  رضاسیگه هیچ قره‌مه‌یدی. حاکمیتنی باشقرگن خلقلریگه ایمس، عموماً دنیا اکتورلریگه منّتدارلر.  گلوبال  اکتورلری  هم بو وضعیتنی تارتینمسدن تیلگه آلماقده‌لر. یگانه‌ جوابگر اوزلری بولمه‌سه‌ هم، موجود حاللری بیلن بعضی اورته شرق اولکه‌لری تاریخی نینگ بلکه اینگ اچینرلی شرایطیده یشه‌ماقده‌لر. بو اولکه‌لر نینگ خلقلری، امان قالیش اوچون اولکه‌لرینی  ترک ایتماقده‌لر.

 اورته شرق اولکه‌لری نینگ کوپچیلیگی، ارزش ایشلب چیقریشنی بیر تامانگه قویینگ. گویا برچه‌ ارزشلرگه، خلقلریگه قرشی حاکمیتلرینی دوام ایتتیریش اوچون سعی- حرکت قیلماقده.

آیدینلنووچی عقل نینگ سونگی: "فرانکینستایندن "صنعي عقل

انگلیس عیال یازووچی ماری شیللیی 1818- ییلیده، هنوز 19 یاشده ایکن یازگن " فرانکشتاین" یره‌تگن فقط‌گینه بیر رومان بولیشدن تشقری، عنعنوي دین و تشکیلاتلردن اوزاقلشگن،  آیدینلنیش، دنیاويلیک و مثبتگرالیک نینگ اساسچی رسیونالیتسي‌گه تسلیم بولگن بیر عقل نینگ بیره‌دیگن  بیر نتیجه‌ صفتیده  کوریله‌دی. 

بوگونکی کونده‌ عینِ  آیدینلنمه چی عقل، صنعی عقل انسان ایشلب چیقریش ایزیده.  هیچ بیر ارزش و فضیلتنی تن آلمه‌گن، یاریتیلگن عقل  1- و 2- جهان اوروشیده انسانیتنی و سیاره‌میزنی قنده‌ی فلاکتگه آلیب بارگنلیگیگه انسان باله‌سی گواهدیر. برچه‌ ارزشلرنی تازه‌له‌گن، فقط میخانیک  بیر کوچگه و رواجلنیشگه سیزگیر، بیولوژیک انسانلردن ینه‌ کوچلی  و  اولرنی  نظارت قیلگن، صنعي عقل« انسانیت» عالمینی  قه‌ییرگه آلیب بارماقچی؟ انسانیت نینگ آخرینی باشقه‌ بیر نرسه‌ ایمس، بیذا‌تحی اوزی آلیب کیله‌دیگن کبی کورینه‌دی.

هیدانیست انسان

آیدینلنیش، دنیاوي، ارتباطلش‌ و خبرلش تکنالوژي‌لریده‌گی ترقیاتلر، امید قیلینگن آیدیولوژی‌لر، دین و تشکیلاتلر بارگن سری امید بولیشدن چیقیش بیلن بیرگه‌لیکده آدم اولادینی  هیدانیستلشتیرماقده. یاشلرده ینه‌ هم کوپراق کوریلماقده. فقط‌گینه  ذوق-شوق ایزیده بولگنلر نینگ سانی تاباره‌ آرتیب بارماقده. عایله‌سی، دوستلری، مکتبی، اطراف- محیطی، ایش عالمی، طبیعت، حیوانلر و باشقه‌ جانلیلر بیلن فقط‌گینه ذوق- شوق علاقه‌سی اورنه‌تگن انسانلر سبب بولگن فاجعه‌لر شو حاضردن قورقیتماقده. هیچ بیر باشقه‌ ارزشی بولمه‌گن، فقط ذوق- شوق ایزیده بولگن بیر موجوديتگه ایلنگنده، بو موجوديت هر حالده انسانیتدن  تشقری بیر نرسه‌گه ایلنه‌دی.

بو نقطه‌گچه تیلگه آلینگنلرگه کوره‌، اساسن دولتلر، تشکیلاتلر کبی اویوشگن تشکیلاتلر جهتیدن ارزشلر  یوق بولیشیدن بحث ایتیش ممکن. یوقاریده اشاره‌ قیلگنیمیزدیک سلبي اوزگریشلر بولسه هم، شخصلر، میگا-شخصیتلر، بویوک آیدیولوژی‌لر، خلق‌ارا تشکیلاتلر یاکه دولتلر نینگ سایبانی آستیده ایمس. بولردن مستقل، اکثریت بیر ارزش یاکه فضیلت قیغوسی بولمه‌گنی ایلگری سوریلماقده. هه تشکیلاتلنمه‌گن شخصلر کوپراق ارزشلی بولیب کیلماقده. ارزشلرنی کوپراق حمایه‌ قیلیش ظرفیتگه ایگه‌ بولیش جهتیدن تشکیلاتلنمه‌گن توزیلمه‌لرگه ینه‌ کوپراق خوشبخت بولیشیمیز ممکن. بو نینگ بیلن بیرگه‌لیکده، دنیانی اکثریت تشکیلاتلنگن توزیلمه‌لر شکیلنتیرگنینی بیلیش، بیزنی ینه‌ هم امیدلی بولیشیمیزنی یوق قیلماقده.

انسانیت عایله‌سی صفتیده همیشه‌ بیرگه‌لیکده چاره‌- تدبیر آلیب «ارزشلر نینگ یکونی» جریانینی توخته‌تووچی ینگی بیر  ییچیم یول تاپه آلمه‌سک بیرگه لیکده  تیارلنه‌یاتگن خطرناک آخر تیزلیک بیلن یقینلشیب کیلماقده.

انقره ییلدیریم بایزید عالی بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.

 



علاقه لی ینگی لیکلر