تورکیه قرارلی توریشی بیلن سوریه ده موفق 52

تحلیل وتیکشیروو 52

تورکیه قرارلی توریشی بیلن سوریه ده موفق 52

تورکیه قرارلی توریشی بیلن سوریه ده موفق

جاری ییل نینگ 19-دسامبری کونی امریکا قوشمه‌ ایالتلری دولت باشلیغی دونالد ترامپ امریکا قوشمه ایالتلری عسکرلری نینگ سوريه‌نی ترک ایتیشی حقیده‌گی معلوماتنی اعلان قیلر ایکن عینِ وقتده سوريه‌ده‌گی وضعیت یاکه توازن‌لر ینگیدن شکللنه باشله‌دی. ترامپ نینگ مذکور بیاناتیگه یول آچگن جریانده تورکيه‌ نینگ قرارلیلیگی اعتبارلرنی اوزیگه قره‌تماقده. دولت باشلیغی رجب طیب ایردوغان نینگ فرات نینگ شرقیده‌گی تروریستلرگه قرشی عملگه آشیریله‌دیگن حربي عملیات اعلانی آرتیدن تورک قوراللی کوچلری بیلن سوريه‌ده بیرگه‌لیکده فعالیت آلیب باره‌دیگن ملي اوردو عملیات اوچون اوز تیارگرلیگینی تیزلشتیرگن ایدی. کوپ اوتمه‌ی تورک حربي-هوا کوچلری قوماندانلیگی عراقده‌گی PKK ترور تشکیلاتیگه قرشی هوادن عملیات باشله‌تدی. نتیجه‌ده سوريه-عراق چیگره‌سیگه یقین نقطه‌ده‌گی سینجار تاغی بیلن بیرگه‌لیکده، محمور کمپیده‌گی قاره قاجاق تاغیده‌گی ترور اویه‌لری نینگ ویران قیلینیشی، تورکيه‌ نینگ بو مسأله‌ده قنچه‌لیک قرارلی ایکنلیگینی یقّال کورسه‌تدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

2018-ییل نینگ 14-دسامبری کونی دولت باشلیغی رجب طیب ایردوغان بیلن امریکا قوشمه‌ ایالتلری دولت باشلیغی دونالد ترامپ اورته‌سیده تیلفون آرقه‌لی بولیب اوتگن صحبت چاغیده دونالد ترامپ، امریکا عسکرلرینی سوريه‌دن آلیب چیقیب کیتیشی حقیده قرار قبول قیلدی. امریکا قوشمه ایالتلری دولت باشلیغی شو بیلن بیرگه‌ دولت باشلیغی ایردوغاندن داعش ترور تشکیلاتیگه قرشی کوره‌ش نینگ تورکيه تامانیدن قبول قیلیب آلینیشینی تکلیف قیلر ایکن بو تکلیف دولت باشلیغی تامانیدن قبول قیلیندی.

امریکا قوشمه‌ ایالتلری نینگ سوريه‌نی ترک ایتیشی حقیده‌گی قراری نینگ اعلان قیلینیشی امریکاده بولگنیدیک هم سوريه، هم خلق‌ارا جمعیت کون ترتیبیده کینگ کولملی ا‌ورین آلدی. امریکا قوشمه‌ ایالتلری نینگ مدافعه‌ وزیری جمیس متیس بیلن داعش ترور تشکیلاتیگه قرشی کوره‌ش مسأله‌سی بوییچه‌ خاص نماینده سی بریتت مک گورک ایش تشله‌دی. 

امریکا قوشمه ایالتلری دولت باشلیغی دونالد ترامپ نینگ سوريه‌دن چیقیب کیتیشی حقیده‌گی قراری نینگ سوريه‌ده‌گی وضعیتنی انچه‌ اوزگرتیریشی کوتیلماقده. امریکا عسکرلری نینگ سوريه‌دن چیقیشی آرتیدن یوز بیره‌دیگن بوشلیک نینگ ایسه کیم تامانیدن تولدیریلیشی، سوريه‌ نینگ کیله‌جگی اوچون کتّه‌ اهمیت کسب ایته‌دی. امریکا عسکرلری نینگ سوريه‌نی ترک ایتیشی تورکيه‌ نینگ YPG/ PKK ترور تشکیلاتیگه قرشی بولگن کوره‌شی نینگ یولینی آچر ایکن روسیه و ایران تامانیدن قوللب-قوّتلنگن بشار الاسد تیزیمی نینگ YPG بیلن کیلیشیب آلگن حالده امریکا عسکرلری بوشه‌تیب قویگن منطقه‌لرگه اورنه‌شیب آلیشیگه هم امکان یره‌تیشی ممکن.

PKK ترور تشکیلاتی تشکیل تاپگن بیرینچی کونیدن باشلب اسد رژیمی بیلن علاقه‌ده. سوريه‌ده‌گی اوروش باشله‌گن دورده، اسد رژیمی تورکيه چیگره‌سیده‌گی اوچته منطقه‌نی YPG ترور تشکیلاتیگه تاپشیرگن ایدی. اوندن تشقری ایکّی تامان اورته‌سیده بولیب اوتگن اوچره‌شوولر نتیجه‌سیده YPG ساحه لرنی قولگه کیریتیش بیلن بیرگه‌لیکده خودمختار توزیلیشینی طلب قیلگن لیکن بو طلب اسد رژیمی تامانیدن رد ایتیلگن. امریکا عسکرلری نینگ چیقیب کیتیشی بیلن بیرگه‌ اسد رژیمی نینگ YPG ترور تشکیلاتیگه بولگن طلبلری ینه-ده‌ آرته‌دی و بو وضعیت ایکّی تامان نینگ تورکيه آلدیده‌گی کیلیشووینی قیینلشتیره‌دی. شونینگدیک روسیه و ایران نینگ YPG بیلن اسد رژیمی اورته‌سیده‌گی قَیسیدیر کیلیشیوگه قنده‌ی کوز قره‌شده بولیشی اهمیت قازانه‌دی.

هر احتمالگه قرشی YPG بیلن رژیم شرطنامه‌لریگه توسیقلیک قیلیش اوچون تورکيه امریکا قوشمه‌ ایالتلری بیلن امریکا عسکرلری نینگ سوريه‌دن چیقیب کیتیش ایشلرینی یخشیلب اویوشتیریشی درکار. امریکا قوشمه ایالتلری دولت باشلیغی دونالد ترامپ نینگ اجتماعي ترماق آرقه‌لی بیرگن بیاناتی امریکا عسکرلری نینگ سوريه‌دن چیقیب کیتیش فعالیتلری نینگ استه‌ - سیکین دوام ایتیشینی و تورکيه بیلن عالي درجه‌لی اتفاقده بولیشینی افاده‌ ایتیشی، بوشه ییب قاله‌دیگن میدان نینگ باشقه‌لری تامانیدن تولدیریلمسلیگی نینگ آلدینی آلیش جهتیدن مهم‌ حسابلنه‌دی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر