کوردلر خیانت گه دوچ قالگن می؟

تورکیه و جهان کوز قره شی 52

کوردلر خیانت گه دوچ قالگن می؟

امریکا قوشمه ایالتلری دولت باشلیغی دونالد ترامپ، ینه‌ بیر بار امریکالیک حربي خدمتچیلر نینگ سوريه‌دن چیقیشینی معلوم قیلدی. ترامپ نینگ امریکا نینگ موجود تیزیمی (establishment) گه تسلیم بولمسلیگینی امید قیله‌میز. ایتگنی کبی، سوريه‌ده‌گی امریکالیک عسکرلر ساغ سلامت اویلریگه قَیته‌دی.

امریکا قوشمه ایالتلری نینگ نیمه‌ اوچون بو قرارنی بیرگنی، چیقیب چیقمه‌سلیگی، چیقگن تقدیرده حدودده باشقه‌ عنصرلر بولیب بولمسلیگی کبی موضوعلر محاکمه‌ قیلینماقده. اسرائیل امریکا قوشمه ایالتلری چیقگن تقدیررده قنده‌ی بیر سیاست ایزله‌یدی، امپریالیزمگه تویمه‌گن فرانسه چیققن تقدیرده، امریکا قوشمه ایالتلری نینگ اورنینی آلیشگه کوچی ییته‌دی می؟ چیقیش نینگ ایران، روسیه، سوريه رژیمی، سعودی بیلن باشقه‌ عرب دولتلری نینگ سیاستیگه قنده‌ی تأثیر قالدیریشی کبی موضوعلر قطعیاً کوزدن کیچیریلیشی کیره‌ک. مین بوگونگی یازووده خلق‌ارا میدیا نینگ کوپراق کورتلر بیلن علاقه‌لی اسلوبیگه توخته‌لماقچیمن.

انقره ییلدیریم بیاضید عالی بیلیم یورتی سیاست بوییچه بیلیملر فاکولته سی فاکولته سی باشلیغی پروفیسور دوکتور قدرت بلبل نینگ موضوع بیلن تیگیشلی یازووینی تقدیم ایته میز.  

غربلیک اَیریم میدیا تشکیلاتلری امریکا قوشمه ایالتلری نینگ چیقیشینی، امریکا قوشمه ایالتلری نینگ دنیا نینگ قوریقچیی بولیب بولمسلیگی و سوريه‌ده‌گی کورتلرنینگ یالغیز قالدیریلگنیگه کینگ ا‌ورین بیرماقده. فرانسه دولت باشلیغی مکرون نینگ، اتفاقداشلر نینگ بیرگه‌ حرکت قیلگن تامانلرنی ایشانتیریشی کیره‌کلیگینی بیلدیریشی هم بونگه اوخشه‌ش بیر توشونچه‌ بولگنینی کورسه‌تماقده.

امریکا قوشمه ایالتلری دنیا نینگ قوریقچیی می؟

امریکا قوشمه ایالتلری دنیا نینگ قوریقچیسی بولیشی کیره‌ک می؟ قوریقچی دیب افاده‌ ایتیش بلکه‌ ناتوغری. لیکن اصلیده امریکا قوشمه ایالتلری هم بولیب، برچه‌ دولتلر گلوبال عدالتنی قوللب-قوّتلشی کیره‌ک. انسان حقلرینی پایمال ایتیش، اوز خلقینی جمعیتینی قیریش، اولکه‌ نینگ ایچکی مسأله‌سی صفتیده کوریلمه‌یدی. بو، اتنیک قیرغینگچه بارگن انسان حقلری پایماللرینی اولکه‌لر نینگ ایچکی مسأله‌سی صفتیده توشونیش حقیقتنی اوزگرتیرمه‌یدی.

کورتلر ینه‌ بیر مرته‌ خیانتگه اوچره‌دی می ؟

اَیریم غرب میدیا اورگانلری اوز جمعیتلرینی PKK و پید نینگ کورتلردن نماینده لیک قیلگنیگه ایشانتیرگن بولیشی ممکن. لیکن فقط کورتلرنی ایشانتیره آلمه‌یدیلر. چونکه‌ کورتلر، PKK و PYD ترور تشکیلاتلریدن اینگ کوپ ضرر کورگنینی هر کون تیلگه آلیب کیلماقده. تورک اصیللی گودکلر، عیاللر، یاش قیزلر کبی اوقیتووچیلر، بی‌گناه‌ انسانلر، پولیسلر، حربي خدمتچیلر هم شهید ایتیلگندیر. لیکن PKK قتل ایتگن 40 مینگدن آرتیق انسان نینگ اکثریتی کورتلر بولگن. PKK مارکسیست، لینینیست توتالیتار مفکوره‌گه قرشی چیققن، ترور یولینی ایزله‌مه‌گن کورتلرگه اولیمدن باشقه‌ چیقیش یولی کورسه‌تمه‌یپتی.

PKK نینگ سوريه‌ده‌گی قنادی PYD هم بونگه اوخشه‌یدی. اوزیگه قوشیلمه‌گن کورت و عربلرنی اتنیک یوق قیلیشیگه ینه‌ کورتلر گواه بولگندیر. PKK و PYD تروریدن قاچگن کورتلر ایسه، بو تشکیلاتلرنینگ ینگلیش تبلیغلریگه‌ قره‌مه‌ی ینه‌ تورکيه‌دن باش پناه‌ سوره‌ماقده. افسوسکی غرب میدیا‌سی تورکيه‌دن باش پناه‌ سوره‌گن کورت عیاللر، باله‌لر و مخالف تامانلر بیلن علاقه‌لی خبرلرگه دییرلی هیچ ا‌ورین بیتیمه‌یدی. اَیریم غرب میدیا اورگانلری، اوزلرینی قیرگن، آزادلیک قهرمانی کبی کورسه‌تسه هم، مظلوم کورت خلقی حقیقتلرنی بیله‌دی.

تورکيه‌ده‌گی 4 میلیون پناهنده کیملردن تشکیل تاپماقده؟

بیر نیچه‌ یوز مینگ سوريه‌لیک پناهنده نینگ غرب دولتلریگه باریشی بیلن غرب دموکراسیسی نینگ نیو-ناسیزم و نیو-فاشیزم تهدیدی آستیده قالگنی و بو نینگ اوجلنیب بارگنی بیلینماقده. تورکيه 4 میلیون پناهنده گه قوچاق آچیب غرب دموکراسیسی اوچون مخصوص رول اوینه‌ماقده. اَیریم غرب مرکزلری PYD بیلن کورتلرنی اوزلشتیرر ایکن بو 4 میلیون قَیسی ملتدن عبارت؟ آره‌لریده عیسوي و تورکمنلر هم بولیب، البته‌‌ اکثریتی سوريه‌لیک عربلر و کورتلردن تشکیل تاپماقده. بو حقیقت اورته‌ده ایکن PYD شدّتیدن قاچگنلر ایمس، PYD کورتلری نینگ وکیلی کبی کورسه‌تیلماقده.

غربده عدالت قالگن می؟

اَیریملرینگیز، «حقیقت نیمه‌ بولسه هم، غرب استخباراتچی و خبر کاناللریده، غرب اهالیسی، PYD نینگ کورت نینگ نماینده سی بولگنیگه ایشانتیریلگن وضعیتده. بیکارگه ایته‌سیز» دیب ایتیشینگیز هم ممکن. ینه‌ بونگه قره‌مسدن غرب هم بولیب برچه‌ دولتلرده، امپریالیزم ایمس، ارزش گه کوره بیر دنیاگه بها بیرگن عدالتنی استخبارات تشکیلاتلری نینگ منفعتیگه تاپشیرمه‌گن انسانلر هم بار. یقینده بولمه‌سه‌ هم اوزاق مدتده منه‌ شو عدالتی دنیانی اوزگرتیره‌دی. شو نینگ اوچون اونلرنینگ حقیقتلرنی بیلیشی کیره‌ک. قنده‌ی کی داعش عربلر، هیتلر آلمانلردن نماینده لیک قیلالمسه، PYD هم کورتلر نینگ نماینده سی ایمس. هیچ بیر خلق ترور تشکیلاتی بیلن اوزلشتیریلمسلیگی کیره‌ک. بونی یره‌شتیریش او خلققه حقارت بوله‌دی.

نتیجه‌ده اورته‌ده بیر خیانت ویا یریم یولگه تشلب قوییش بحث موضوعسی ایسه، بو کورتلر ایمس. PKK، PYD، داعش و سوريه رژیمی نینگ باسیملری آستیده قالگن کورت خلقی، امریکا قوشمه ایالتلری نینگ چیقیشیدن نیمه‌ اوچون نا راحت بوله‌دی؟ حدودده ترور تشکیلاتی نینگ کوچینی بای بیریشی بیلن اینگ کوپ اولر حضور تاپه‌دی. شو نینگ اوچون کورتلر اورته‌ده قالمه‌گن، کورانه مفکوره‌لرینی زوره وانلیک بیلن‌ کورتلرگه قبوللنتیریش اوچون تورلی یوللرنی سینه گن ترور تشکیلاتلری دیر.

انقره ییلدیریم بیاضید عالی بیلیم یورتی سیاست بوییچه بیلیملر فاکولته سی فاکولته سی باشلیغی پروفیسور دوکتور قدرت بلبل نینگ موضوع بیلن تیگیشلی یازووینی تقدیم ایتدیک.



علاقه لی ینگی لیکلر