انگلستان نینگ اروپا بیرلیگیدن چیقیش (BREXIT جریانی 48

تحلیل و تیکشیروو 48

انگلستان نینگ اروپا بیرلیگیدن چیقیش (BREXIT جریانی 48

تحلیل و تیکشیروو 48

انگلستان نینگ اروپا بیرلیگیدن چیقیش (BREXIT جریانی

بوندن ایکّی ییل مقّدم یعنی 2016- ییل نینگ جون آییده انگلستان اروپا اتفاقی ترکیبیدن چیقیب کېتیش حقیده‌گی قرارینی انیقلب آلیش اوچون رفراندوم اۉتکزدی. مذکور رفراندوم نتیجه‌سی انگلستان نینگ اروپا اتفاقی ترکیبیدن چیقیب کېتیشینی قوللر ایکن مملکت حکومتی اروپا اتفاقی و اتفاق ترکیبیده‌گی باشقه‌ 27 ته اعضا دولت بیلن مذاکره‌لر آلیب باردی. بیر نیچه‌ بریتانیا‌لیک وزیر ایش تشله‌گن مذکور جریان نینگ آخریده بویوک بریتانیا و اروپا اتفاقی اورته‌سیده اَیریلیک مضمونیده، اتفاق ترکیبیدن چیقیش نینگ «باتفصیل شرطلری» شونینگدیک، کیله‌جکده‌گی مناسبتلر نینگ «کینگ شرایطلری» بوییچه‌ 600 صحیفه‌لیک کیلیشووگه قول قوییلدی. شو ییل نینگ 25-نوامبری کونی تامانلر اورته‌سیده قبول قیلینگن کیلیشوو متنی 11-دسامبر کونی بریتانیا پارلمانی تامانیدن تصدیقلنیشی درکار. شونده ی قیلیب، بریتانیا پارلمانی نینگ کوپچیلیک اعضاسی کیلیشوونی یوقتیرمه‌گنلیگینی، شو نینگ اوچون هم تصدیقلش نیتیده ایمسلیگینی قید ایتگن ایدی. نتیجه‌ده کیلیشوو نینگ تصدیقلنیش مسأله‌سی خوف آستیگه کیرگن.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

انگلستان اروپا اتفاقی ترکیبیدن چیقیب کیتکونگه قدَر تامانلر اورته‌سیده کیلیشووگه قول قوییلیب، پارلمان تامانیدن تصدیقلنمه‌گودیک بولسه اونده بویوک بریتانیا اروپا اتفاقی ترکیبیدن کیلیشووسیز چیقیب کیته‌دی. بو وضعیتگه توسیقلیک قیلیش اوچون ترزا می باشقه‌رگن بویوک بریتانیا حکومتی بیلن اروپا اتفاقی اورته‌سیده قرارلشتیریلگن کیلیشوو متنی یاردمیده مهم‌ قدم تشلنگن بوله‌دی. اروپا اتفاقی ترکیبیده‌گی دولتلر بویوک بریتانیا‌ نینگ چیقیب کیتیشیدن تشویشده ایکنلیکلرینی افاده‌ ایتیشلری بیلن بیرگه‌، کیلیشووگه ایریشیلگنیدن خورسند ایکنلیکلرینی هم بیان ایتتیلر. کوپراق انگلستان نینگ اتفاق ترکیبیدن چیقیب کیتیشی آرتیدن اتفاق ترکیبیده‌گی باشقه‌ دولتلر نینگ هم بویوک بریتانیا‌ نینگ یولیدن کیتمسلیگی اوچون، بویوک بریتانیا‌ نینگ، اروپا اتفاقی تامانیدن تأمینلنگن امتیازلردن سیزیلرلی درجه‌ده محروم قالیشی اوچون چاره‌ کورگنلیکلری کوزه‌تیلدی.

اروپا اتفاقی ترکیبیده‌گی دولتلر اورته‌سیده Brexit کیلیشوویگه انچه‌دن بیری قرشی چیققن مملکت اسپانیا‌دیر. اسپانیا‌ نینگ جَنوبیده‌گی جبل طارق ولایتی نینگ اورنی اسپانیا حکومتی نینگ رد خطریگه یول آچدی. جبل طارق نینگ 1713-ییلدن بیری بریتانیا‌گه قره‌شلی ایکنلیگیگه قره‌مه‌ی اسپانیا حکومتی جبل طارق اوستیدن حق طلب قیلیشنی دوام ایتتیرماقده. Brexit کیلیشووی نینگ مادّه‌لری آره‌سیده چیگره‌دن اوتیش نقطه‌لری نینگ انیقلنیشی اسپانیا‌گه جبل طارق مسأله‌سی جهتیدن سلبي تأثیر کورسه‌تیشی ممکن. شو مسأله‌ده اسپانیا حکومتی اوز ناراضیچیلیگینی اروپا اتفاقی نماینده لریگه ییتکزدی و یوقاریده نامی تیلگه آلینگن ولایت اوچون برچه‌ طلبلریگه جواب بیریلگنیدن کیین ویتو حقوقینی فایده‌لنیشدن واز کیچدی.

انگلستان نینگ اروپا اتفاقی ترکیبیدن چیقیب کیتیشی آرتیدن قوریقلیکده پیدا بوله‌دیگن ایکّینچی چیگره‌ ایسه ایرلند و شمالي ایرلند اورته‌سیده‌دیر. ایکّله‌ منطقه‌ اورته‌سیده کیسکین چیگره‌نی خواهله‌مه‌گن تامانلر 2020-ییلگچه اوتیش دورینی یولگه قوییشنی و ایرلند طلبیگه جواب بیریش اوچون علیحده‌ یول تاپیشنی قرارلشتیردی. بو باره‌ده بریتانیا اوتیش دوریده اروپا اتفاقی نینگ چیگره‌ اتفاقی ایچیده ا‌ورین آله‌دی لیکن اروپا اتفاقی ترکیبیده هیچ قنده‌ی حقوقگه ایگه‌ بولمه‌یدی.

انگلستان و اروپا اتفاقی اورته‌سیده‌گی Brexit کیلیشووی بریتانیا پارلمانیده توسیقلیککه دوچ کیلیشی ممکن لیکن شونگه قره‌مه‌ی بیر نیچه‌ جهتدن آلیب قره‌گنده‌‌ «کتّه‌ ینگیلیک» دیر. باشقه‌ هیچ قنده‌ی نمونه‌سی بولمه‌گن Brexit کیلیشووی بویوک بریتانیا‌ نینگ فقط‌گینه اروپا اتفاقی بیلن ایمس عینِ وقتده اروپا اتفاقی ترکیبیده بولگن و بولمه‌گن دولتلر اوچون هم اورنک حسابلنیش احتمالی بار. بو جهتدن آلیب قره‌گنده‌‌ تورکيه و بالقان دولتلری نینگ اروپا اتفاقی ترکیبیگه قوشیلیش اوستیدن آلیب بارگن مذاکره‌لری توخته‌ب قالگودیک بولسه اونده بویوک بریتانیا بیلن اروپا اتفاقی اورته‌سیده توزیلگن کیلیشوو اورنک تشکیل ایتیب، باشقه‌چه شریکلیک یره‌تیشی ممکن.

باشقه‌ جهتدن قره‌گنده‌‌، انگلستان نینگ اروپا اتفاقیدن چیقیب کیتیشی جیو ستراتیژیک عاقبتلرگه آلیب کیله‌دی. روسيه تامانیدن شرقي اروپاده اروپا اتفاقیگه قرشی آلیب بارگن کوره‌شی، بویوک بریتانیا‌دیک مهم‌ دولتنی قولدن بای بیرگن اروپا اتفاقینی اوّلگیگه قره‌گنده‌‌ ینه-ده‌ کوچسیز، وضعیتگه توشیریب قویه‌دی. شونینگدیک اروپا اوردوسی محاکمه‌ قیلینه‌یاتگن بیر دورده بریتانیا‌دیک اروپا نینگ اینگ کوچلی اوردوسیگه ایگه‌ بولگن بیر دولت نینگ اروپا اتفاقی ترکیبیدن چیقیب کیتیشی، اروپا اوردوسی فکری حقیده‌گی تشویشلری و شبهه‌لرنی کوچه‌یتیره‌دی. اوندن تشقری بویوک بریتانیا‌ نینگ اروپا اتفاقی ترکیبیدن چیقیب کیتیشی بیلن بیرگه‌، اروپاده‌گی کوچ موازنتی و اتفاقلر اوزگریشی ممکن. اروپا اتفاقی بیر تاماندن روسيه، افریقا و تورکيه‌گه قوشنی ایکن بریتانیا‌ نینگ اتفاقنی ترک ایتیشی بیلن شمالده ینگی قوشنیگه ایگه‌ بوله‌دی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.


لیبل: تحلیل

علاقه لی ینگی لیکلر