اروپا مسلمان آیدینلر کنگره سی 46

برنامه

اروپا مسلمان آیدینلر کنگره سی 46

اروپا مسلمان آیدینلر کنگره سی

اروپا مسلمان آیدینلر کنگره سی

اوتگن دستوریمیزده «اروپاده‌گی اسلام» حقیده صحبت ایتگن ایدیک، منه‌ بو هفته‌ ینه‌ صحبتیمیزنی دوام ایتتیره‌میز.

انقره ییلدیریم بیاضید عالی بیلیم یورتی سیاست علملری بوییچه فاکولته سی باشلیغی پروفیسور دوکتور قدرت بلبل نینگ موضوع بیلن علاقه لی یازووینی تقدیم ایته میز.

اروپاده اسلامي نقطه‌ی نظردن، غربده اَیریم یازووچی و دولتلر مسأله‌گه اوز جهتیدن قره‌گنی و خوفسیزلیک مسأله‌سیگه ایلنتیرگنیگه توخته‌لیب اوتگن ایدیک. اونلر و میدانگه کیلتیرگن اسلام کینگشی کبی تشکیلاتلر آرقه‌لی اوزلریگه کوره‌ معمالرنی کون ترتیبیگه کیلتیرماقده. اصلیده بو و بونگه اوخشه‌ش مسأله‌لر و نظریه لر کوپینچه‌ مسلمانلر تامانیدن اوزلشتیریلگن ویا مسلمانلر تامانیدن معما کبی کوریلمسلیگی ممکن. گپ شونده‌کی مسلمانلرنینگ اوزیگه کوره‌ دارلزرب موضوعلرینی تیلگه آلیشی کوتیله‌دی. مین بولر اهمیتلی دیب حسابله‌گن مسلمان ضیالیلر کنگره سی حقیده صحبت ایته‌من.

ییللیک کنگره لر..

گلوبال لشوو جریانی و امپریالیزمدن جبر کورگنلر (سوريه‌ده بولگنی کبی) انسانی کوچلر یوز بیرماقده. بو جریانده اوّلدن فلکوریک بیر عنصر دیب توشونیلگن فرقلی حیات طرزلری ایندی اوزلشگن وضعیتده. بو اوزلشگن وضعیت، معلوم نسبتده ناانیقلیک، قورقوو و ناراضی چیلیککه سبب بولماقده. شونده‌ی محیطده، مهاجرلر نینگ اوزینی آچیق افاده‌ ایته آلیشی، هم یامان احوالگه توشمسلیک هم قیغولرینی کمه‌یتیریش اوچون فایده‌لی بوله‌دی. بو دایره‌ده اروپاده یشه گن مسلمان ضیالیلر، تشکیلاتله نیب، هر ییل کنگره اوتکزیشلری ممکن. اوشبو کنگره لر پاریس، لندن، برلین، بروکسیل کبی جایلرده ییلده بیر مرته‌ اوتکزیلیشی ممکن. کنگره لرده مسلمانلر اوزلرینی یخشی افاده‌ ایتیشی یاکه فرقلی موضوعلرده بولگنی کبی اروپا و انسانلیک مسأله‌لرینی محاکمه‌ قیلیشلری ممکن. بو جهتدن ترور، عرقچیلیک، اسلام دشمنلیگی، افاده‌ ایرکینیکی، تعلیم-تربیه‌، عایله‌، یاشلیک، بیرگه‌ یشه ش، نرکوتیک، مکتبده صادر ایتیلگن جنایتلر، باله‌لرنی زورغه‌ عایله‌لریدن آلیش کبی موضوعلر کون ترتیبیگه کیلماقده.

کنگره ده مسلمان ضیالیلر بیلن علاقه‌لی مهم‌ سیمالر، کنگره اوتکزیلگن شهر، محلی رهبرلری بیلن مذکور مملکت نینگ تیگیشلی تشکیلاتلری و دولت  اربابلری نینگ اشتراک ایتیشی نینگ اهمیتی کتّه‌ بوله‌دی. شونده‌ی قیلیب کنگره لر فقط مسلمانلر آره‌سیده اوتکزیلمه‌گن بوله‌دی. مسأله‌لر مشتر‌ک بولسه بونگه بیرگه‌ ییچیم تاپیش توغری بوله‌دی.

نیمه‌ اوچون مسلمان ضیالیلر؟

البته‌‌ بو کنگره لرگه مسلمان عالِملر، نادولت تشکیلات وکیللری، ایش، مدنیت، سیاست دنیاسیدن هم اشتراک ایتگنلر بولیشی ممکن. اونلردن قتنه‌شگنلر بولسه ایجابي ثمره‌ بیره‌دی. بو بیلن بیرگه‌ بیر جمعیتگه ضیالیلر او جمعیتدن فرقلی گروهلر بیلن کوریشیب توریب دیالوگده بوله‌ دیگن تامانلر ویا شونده‌ی بولیشی کوتیله‌دی. کنگره لرده کون ترتبیگه کیلگن موضوعلر نینگ دیني، اجتماعی، روانی، دولت اورگانلری، سیاسي، اقتصادي، مدني و باشقه‌ تامانلری موجود. شونینگ اوچون کنگره نینگ ضیالیکر اوچره‌شووی و ییغیلیشلریده دیني رهبرلر، نادولت  تشکیلات وکیللری، مدنیت، سیاست اربابلریگه ا‌ورین بیریش توغری بوله‌دی.

کنگره نیمه‌ حصه‌ قوشه‌دی؟

مسلمان ضیالیلر، تیگیشلی دولت وکیللری نینگ و تیگیشلی تامانلر اشتراکیده اوتکزیلگن بیر کنگره کوپ تاماندن ایجابي نتیجه‌لری بولیشی ممکن.

مسلمان جمعیتلر جهتیدن: اروپاده یشه گن مسلمان ضیالیلر افسوسکی بیرگه‌ حرکت قیلمه‌یدی. کوپراق محلي، اولکه‌گه کوره‌، دیني تشکیلاتلر کبی میدانلرده اوزلرینی افاده‌ ایتماقده‌لر. اروپاده‌گی مسأله‌لر مشترک بولیشیگه قره‌مه‌سدن، ییچیم یوللری ایسه محلي ویا اولکه‌گه کوره‌ ایزلنماقده. کنگره مسلمانلرگه اوّلا اوز مسأله‌لرینی کینگ کولملی محاکمه‌ قیلیشگه امکانیت یرا‌ته‌دی. مسلمانلر بیر جایگه اوزلشیش جهتیدن اولکه‌ آیدیولوژیسی، اتنیک، مذهب، سیکولر، جماعتگه منسوب بولیب یشه‌ماقده. اَیریملری کیلگن دولتلری اوچون معنالی ییچیم یوللری، عنعنه‌ و عرف-عادتلرینی بولگنی کبی اروپاگه، (امریکا قوشمه ایالتلریگه، آسترليا‌گه) یشه شگه اینتیلماقده. بونده‌ی بیر کنگره، مشترک بیر نظریه یراتیش اوچون یخشی بوله‌دی.

باشقه‌ تاماندن بو کبی بیر کینگش ویا ساحه، مسلمانلر نامیدن سوز حقیگه ایگه‌ بولگن سیمالرنی اونگه چیقیشیگه حصه‌ قوشه‌دی. کنگره، باشقه‌لری نینگ ایمس، مسلمان آیدینلر نینگ اوزلری اوچون نیمه‌ معما بولگن و ییچیم صفتیده نیمه‌نی مصلحت قیلگنینی بیلگیلش امکانی بیرگنی اوچون اوزلریدن باشقه‌ یوللر هم کورسه‌ته‌دی.

تیگیشلی دولتلر جهتیدن: اولکه‌سیده کوپچیلیک مسلمان بولگن دولتلردن اَیریملری توشونیش، ییچیم تاپیش مقصدیده، اَیریملری ایسه باستیریش و اسیمیله‌ قیلیش اوچون مسلمانلر مسأله‌سینی کون ترتیبیگه  کیریتمه‌یدی. بونده‌ی بیر کنگره بیرگه‌ یشه ش فرصتی و مسأله‌لرگه ییچیم تاپیشنی ایسته‌گن دولتلرگه یاردم بیریشی ممکن. بیلیب ویا بیلمه‌ی مسلمانلر نامیدن مسأله‌نی بیلگیلش و اونلر ایسته‌مه‌گن شکلده ییچیش، توغریسی زورغه‌ قبوللنتیریشنی آلدینی آله‌دی.

ایچیده یشه گن جمعیت نقطه‌ی نظریدن:  تاریخده فرقلی مدنیتلر بیلن یشه ش تجربه‌سی ایگه‌ بولمه‌گنی اوچون، غربده دولتدن تشقری اکتورلر، نادولت تشکیلاتلر، ضیالیلر، فردلر مسلمان جمعیتلر بیلن علاقه‌لی مراقلنیب قیغولنماقده. مسلمان ضیالیلر کنگره لر آرقه‌لی اوزلرینی، نظریه لرینی، دارلزرب موضوعلرگه آیدینلیک کیریشی بو مراق و قیغولرگه جواب بوله‌دی. قَیغولرگه مسلمان ضیالیلر آچیق آیدین جواب بیرمسه‌، بونلرگه باشقه‌لری بیر شکلده و ناتوغری جواب بیریشی ممکن. بو کبی کنگره لر، فقط اروپا جهتیدن ایمس، مسلمانلر کوچیب کیلگن ویا یشه گن جمعیتلریده مسلمانلر آزچیلیک بولگن برچه‌  جغرافیه‌لرده معنادار بیر تجربه‌گه ایگه‌ بولیشی ممکن. امریکا قوشمه ایالتلریده ایسه، توغریدن بو معناده  بولمسه‌ هم، اَیریم کنگره لر بونگه  اوخشه‌ش نتیجه‌لر  توغدیریب حصه‌  قوشماقده.

انقره ییلدیریم بیاضید عالی بیلیم یورتی سیاست علملری بوییچه فاکولته سی باشلیغی پروفیسور دوکتور قدرت بلبل نینگ موضوع بیلن علاقه لی یازووینی تقدیم ایتدیک.



علاقه لی ینگی لیکلر