جلسه نینگ آرتیدن سوریه نینگ وضعیتی

تحلیل و تیکشیروو 44

جلسه نینگ آرتیدن سوریه نینگ وضعیتی

جلسه نینگ آرتیدن سوریه نینگ وضعیتی 44

تورکيه‌ نینگ استانبولده فرانسه، آلمان، روسیه و تورکيه اشتراکیده سوريه‌ده‌گی وضعیتگه بغشلنگن جلسه بولیب اوتدی. اونده سوريه‌ده تینچلیک اورنه‌تیش اوچون تیز کونلرده اساسی قانون کینگشی نینگ تشکیل ایتیلیشی کبی مهم‌ قرارلر قبول قیلیندی. قبول قیلینگن قرارلر تینچلیک تامان تشلنگن بیر قدم صفتیده علیحده‌ ا‌ورینگه ایگه‌ بولیشیگه قره‌مه‌ی سوريه‌ده حل قیلینیشی کیره‌ک بولگن ینه‌ کوپلب معمالر موجود. شو دایره‌ده سوريه-عراق چیگره‌سیده داعش بیلن YPG ترور تشکیلاتلری اورته‌سیده دوام ایتگن توقنه‌شوولر، سوريه-تورکيه چیگره‌ حدودیده YPG تامانیدن قول اوریلگن تجاوز اوق اوزیشلر و اونگه جواب طریقه‌سیده تورکیه قوراللی کوچلری تامانیدن بمباردمان قیلینگن YPG موضوعلری و ادلیبده‌گی گروهلر اورته‌سیده یوز بیرگن توقنه‌شوولر سوريه‌ده تینچلیک نینگ اورنه‌شی اوچون ینه‌ کوپ قدملر نینگ تشلنیشی، ینه‌ کوپلب فعالیتلر نینگ آلیب باریلیشی کیره‌کلیگینی کورسه‌تماقده‌دیر.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

استانبولده اوچره‌شوو اوتکزگن 4 مملکت رهبرلری سوريه‌ده تینچلیک اورنه‌تیش اوچون مهم‌ قرارلر قبول قیلدی. اینیقسه‌ انچه‌دن بیری ریجه‌لشتیریله‌یاتگن اساسی قانون کینگشی نینگ تشکیل ایتیلیشی حقیده گی قرار، سوريه‌ نینگ کیله‌جگیگه کتّه‌ تأثیر کورسه‌ته‌دی. ینگی قانون نینگ قلمگه آلینیشی سوريه‌ده تینچلیک نینگ اورنه‌شی اوچون قنچه‌لیک مهم‌ بولیشیگه قره‌مه‌ی حدودده‌گی معمانی بوتونله‌ی حل قیلینیشیگه یاردم بیرالمسلیگینی هم ایتیب اوتیش کیره ک.. چونکه‌ اساسی قانون‌ نینگ قلمگه آلینیشی آرتیدن اونینگ سوريه خلقی تامانیدن رای گیرلیک که قوییلیشی جریانی ایسه علیحده‌، حل قیلینیشی مرکّب کوپلب توسیقلیکلرنی اوزی بیلن بیرگه‌ آلیب کیلماقده. شو دایره‌ده میلیونلب سوريه تبعه سی نینگ چیت ایلده ایکنلیگینی، میلیونلب سوريه‌لیک نینگ سوريه ایچیده کوچیشگه مجبور قالگنلیگینی، میلیونلب سوريه‌لیک نینگ اسد تیزیمی نینگ مناسبتی یوزه‌سیدن پاسپورتسیز قالگنلیگینی یادگه آلسه‌ک اونده، «سوريه‌ده سیلاو اوتکزیش نیمه‌ اوچون بونچه‌لیک قیین؟» دیگن سوالگه جواب توپگن بوله‌میز. ادلیب اوچون یولگه قوییلگن اوق اوزیشنی توخته‌تیش قراری بیلن بیرگه‌ عینِ وقتده ترور تشکیلاتلریگه قرشی کوره‌ش آلیب باریش نینگ دوام ایتتیریلیشی هم البته‌‌ مهم‌دیر.  شو آرقه‌لی YPG کبی سوريه‌ نینگ حدود بیرلیگینی خوف آستیگه قویگن ترور تشکیلاتی نینگ عمللریگه توسیقلیک قیلیش اوچون تورکيه‌ نینگ سعی-حرکتلری دیپلوماتیک ترماقده هم موفقیتلی نتیجه‌لر بیرماقده.

 

سوريه‌ده‌گی آخرگی وضعیتگه توخته‌له‌دیگن بولسه‌ک اونده سوريه-عراق چیگره‌سیده YPG بیلن داعش ترور تشکیلاتی اورته‌سیده دوام ایتگن توقنه‌شوولرده ینگی واقعه‌لر یوز بیرگنلیگینی ایتیشیمیز ممکن. شو دایره‌ده YPG امریکا قوشمه ایالتلری، فرانسه و ایتا‌ليا‌ نینگ مخصوص تاپشیریقلی کوچلری نینگ یاردمیده داعش ترور تشکیلاتی نظارتی آستیده‌گی خاجین منطقه‌سیگه قرشی بیر نیچه‌ آی آلدین عملیات باشله‌تگن ایدی.  منطقه‌ده یوز بیرگن قوم طوفانیدن فایده‌لنگن داعش، نیچه‌ آیلردن بیری نظارت آستیگه آلیش اوچون YPG تامانیدن کوره‌شیلگن منطقه‌لرنی بیر نیچه‌ کون ایچیده قولگه کیریتدی. داعش قولگه کیریتگن منه‌ شو یوتوقلری آرقه‌لی جنگریلری تکرار عراق چیگره‌سیگه باریب آیاق تیره‌دی. عراق تامانیده ایسه هر احتمالگه قرشی داعش هجومیگه قرشی چاره‌ و تدبیرلر کوریلیب، منطقه‌گه هشدی شبی کوچلری یوباریلدی. داعش ترور تشکیلاتی نینگ منطقه‌ده‌گی ایلگریله شی بیلن بیرگه‌ منطقه‌گه قوشیمچه‌ کوچ یوبارگن YPG جنگریلری داعش نینگ ایلگریلشینی خلق‌ارا کلیتسیه‌ (ائتلاف) نینگ یاردملریگه قره‌مه‌ی توخته‌تالمه‌دی. داعش ترور تشکیلاتیگه قرشی کوره‌ش آلیب باریش بهانه‌سی بیلن اوزینی قانونيلشتیرگن YPG تشکیلاتی نینگ، «داعشنی بوتونله‌ی یوق قیلیش نقطه‌سیده قنچه‌لیک ایستکلی» ایکنلیگی حقیده‌گی سوال هم خلق بولماقده. 

YPG ترور تشکیلاتی نینگ سوريه‌ نینگ جنوب-شرقیده‌گی داعشگه قرشی کوره‌شی چاغیده مهم‌ یوقاتیشلرگه دچار بولیشی آرتیدن سوريه‌ نینگ شِمالیده، تورکيه بیلن بولگن چیگره‌ حدودیده بعضی کیچیک توقنه‌شوولر و تورک قوراللی کوچلری نینگ بمباردمانی قید ایتیلدی. عین العرب نینگ غربیده‌گی چیگره‌ حدودیده مهم‌ تیپه‌لیکلر اوستیده تورکيه‌گه خوف توغدیره آله‌دیگن YPG ترور تشکیلاتی، تورک توپچیلری تامانیدن نشانگه آلیندی و نتیجه‌ده یوق قیلیندی. آرتیدن ایسه تل ابیب چیگره‌ حدودیده تورک عسکری بیلن YPG تروریستلری اورته‌سیده توقنه‌شوو یوز بیردی. ایرته‌سی کونی ایسه تکرار عین العرب نینگ غربیده اوققه توتیلگن YPG موضیعلریدن تورکيه چیگره‌لری ایچیده‌گی زره لی واسطه‌گه قرشی باشقه‌ریله‌دیگن انتی-تانک راکتیدن فایده‌لنیلدی. YPG نینگ رسمي حسابلری آرقه‌لی هجوم تصویرلری حقیده‌گی معلوماتلر ترقه‌تیلگن. انه‌ شوندن کیین YPG تامانیدن خاجین منطقه‌سیده‌گی داعشگه قرشی اویوشتیریلیشی ریجه‌لشتیریلگن عملیاتینی تورکيه‌ نینگ بمباردمانی یوزه‌سیدن توخته‌تیلگنلیگی حقیده‌گی بیاناتی اصلیده YPG نینگ داعشنی اوز منفعتلری یولیده قنده‌ی قیلیب فایده‌لنه‌یاتگنلیگینی یقّال کورسه‌تماقده‌دیر.

کیینگی مسأله‌ ایسه ادلب منطقه‌سیده یوز بیرگن توقنه‌شوولر دیر. سوچی کیلیشووی بیلن بیرگه‌ ادلیبگه قرشی هجوم اویوشتیریلیشیگه مانعلیک قیلینگن ایدی. یقینده ایسه ادلیبده هیئت تحریر الشام ترور تشکیلاتی بیلن نورالدین زنگی حرکتی اورته‌سیده توقنه‌شوولر یوز بیردی. سوريه‌لیک مخالف گروهی نینگ هیئت تحریر الشام گه قرشی اویوشتیرگن توقنه‌شوولری اوزاق دوام ایتمسه‌ هم منطقه‌ده‌گی وضعیت نینگ قنچه‌لیک اره‌لش ایکنلیگینی کورسه‌تماقده. سوريه‌ده تینچلیکنی اورنه‌تیش اوچون اونینگ اینگ اوّلا و بوتونله‌ی ادلیبده تأمینلنیشی مهم‌ اهمیتگه ایگه‌دیر.       

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.



علاقه لی ینگی لیکلر