تکنالوژی فستیوالی

مدافعه صنایع ده ملی پروژه لر 8

تکنالوژی فستیوالی

تکنالوژی فستیوالی

تورکيه سپتمبر آیی مابینیده‌ مدافعه‌، فضا، تکنالوژي‌ و هواچیلیک‌ ساحه‌سیده ایکّی مهم‌ پروگرام اویوشتیردی. پروگراملردن دستلبکیسی 2018- ییلی 20-23 سپتمبر کونلری آره‌سیده تورکيه‌ نینگ مهم‌ پروژه لریدن بیری بولگن 3- قونلغه ده اوتکزیلگن « TEKNOFESTİSTANBUL ». ایکّینچی پروگرام ایسه 2018- ییلی 27-30 سپتمبر کونلریده استانبول آتا‌تورک قونلغه سیده اوتکزیلگن « İSTANBULAIRSHOW». ایکّله‌  پروگرام بولیب اوتگن مکانلردن بیری یقین پیتده یاپیله‌دیگن آتا‌تورک قونلغه سی ایکن باشقه‌سی ایسه یقینده آچیله‌دیگن 3- قونلغه ایدی. تورکيه نینگ بیر هفته‌ آره بیلن مهم‌ ایکّی پروگرام اوتکزیشی هواچیلیک‌ و فضا موضوعسیده  باسیب  اوتیلگن مصافه‌ نینگ کورسه‌تکیچلریدن بیریدیر. پروگراملرگه ملتیمیز و اینیقسه‌ یاشلر نینگ قیزیقیشی  ایسه  کیله‌جک جهتیدن جوده‌ هم امیدوار قیلووچیدیر.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیله‌میز.

هواچیلیک‌، فضا و تکنالوژی  فستیوالی (TEKNOFEST İSTANBUL) تورکيه‌ده ایلک مراتبه اویوشتیریلدی. فستیوال، استانبول بویوک شهر بلدیه سی و T3 جمغرمه‌سی ییتکچیلیگیده اوتکزیلدی. فستیوال نینگ آچیلیشیده سوزگه چیققن T3 جمغرمه‌سی وصيلیک کینگشی باشلیغی بیراقدار، « بوگونکی کونده‌  تشکیل ایتگن بیر عایله‌ نینگ بیر خَیالی  حقیقت بولگن، بوگون ملي تکنالوژیک فعالیت  و  اوزاقنی   کوریش نظریه سی   بیلن اون مینگلب، یوز مینگلب یاشیمیز بیلن به‌هم کوریلگن بیر کوندیر، بوگون ایسه  یول آلگن یولیمیزده یالغیز ایمسلیگیمیزنی کورسه‌تگن بیر کون» دیدی. T3 جمغرمه‌سی نینگ تشکیل ایتیش مقصدی، ملي تکنالوژیک بورس پروگرامی و مددمعاش‌ دستوری حمایه‌سی و تکنالوژیک جماعه‌لر دستوری دایره‌سیده عالی اوقوو یورتیده  تکنالوژیک جماعه‌لر تجهیزات، زیر بنا، ترانسپورت و تخنیکي مصلحتچیلیک جهتیدن حمایه‌ قیلیش، جمغرمه‌ نینگ اینگ مهم‌ مقصدلریدن بیری هم 2023- ییلیگچه 1001 تکنالوژیک جماعه‌سینی و 1001 تکنالوژی تشبثلرینی حمایه‌ قیلیشدیر.

TEKNOFEST بیلله شوولری

جوده‌ کوپ سانده واسطه‌ و محصولات نمایش ایتیلگن فستیوالگه اشتراک ایسه  تیکین ایدی. هواچیلیک‌ فضا و تکنالوژیک موضوعلریگه اولکه‌  بویلب علاقه‌ اویغاتیش و فرقیگه باریش مقصدیده اوتکزیلگن فستیوالگه، 4 کونده‌ ریکارد سویه‌ده اشتراک عملگه آشدی. فستیوالنی 4 کون مابینیده‌  550 مینگ کیشی  باریب تماشا قیلدی.

یاشلیک و سپورت وزیرلیگی تامانیدن ایسه 42 ولایتدن 10 مینگ یاش نینگ اشتراکی تأمین ایتیلدی. 14 فرقلی کَتگوريده تکنالوژیک بیلله شوولر اویوشتیریلدی. بیله‌شوولرگه یاشلر کتّه‌ قیزیقیش کورسه‌تدی. فستیوال دایره‌سیده جوده‌ کوپ سانده بیلله شوو اویوشتیریلدی. اورته‌ مکتب، عالی اوقوو یورتی و بشریت فایده‌سیگه تکنالوژیک بیلله شوولر، لیسه‌، عالی اوقوو یورتی و اوچووچیسیز هوا واسطه‌سی بیلله شووی، اوچووچیسیز سوو آستی تیزیمی بیله‌شووی، مودل اوچاق  بیلله شووی، روبوت  بیلله شووی، روبوتیک فتیح، 1453 بیللشووی، راکت‌ بیللشووی، صنعي عقل تنلاوی، ایها حمایه‌لی اوچووچیسیز قوروقلیک واسطه‌سی بیلله شووی،   اوروشه‌یاتگن ایها بیلله شووی. عالی اوقوو یورتی و  مودل ماهواره بیلله شووی، اوشبو تکنالوژیک بیله‌شوولرگه 750دن آرتیق جماعه‌، 2000دن آرتیق بیللشووچی اشتراک ایتدی. بیللشوولرده یاشلر مهم‌ موفقیت کورسه‌تدی.  تورکيه‌ نینگ  تکنالوژي‌ ایشلب چیقرگن بیر جمعیتگه ایلنیشی و ملي تیکنالوژیک حرکتینی عملگه آشیریش مقصدی بیلن اویوشتیریلگن فستیوالده، یاشلرنینگ علاقه‌سینی و بیلله شوولرده کورسه‌تگن یوتوق مهم‌ ایدی. یاشلر علاقه‌سی کیله‌جکده تکنالوژي‌ ایشلب چیقرگن یاش لیدرلر نینگ اورته گه چیقیشیگه وسیله بوله‌دی.

ملي محصولاتلر یقیندن تماشا‌ قیلیندی

فستیوالده هواچیلیک‌ ساحه‌سیده محلي و ملي  محصولاتلری هم ایچیده ا‌ورین آلگن و دقّت قره‌تگن نمایشلر اوتکزیلدی. بو دایره‌ده تورک یولدوزلری، سولو تورک، پرا‌شوت  جماعه‌سی، 129 اتا‌ک  تیک اوچرلری، TB2 قورالی ایها و بیرینچی پروفیشنل ملي اکرابوسی پیلوتی بیلن قیزی نینگ اکرابوسی نمایشلری، هواده  ایرکین اوچیش تجربه‌سی و  عمودي شمال تونه‌لی فلاتفارمی، استانبول لیسه‌لر ارا مودل اوچاق بیلله شووی ایسه  یورتداشلر تامانیدن کتّه‌ قیزیقیش بیلن تماشا‌ قیلیندی. فستیوالده علیحده‌ جهان درونه بیلله شووی هک استانبول سیبر خوفسیزلیک بیلله شووی، Take-Off  خلق‌ارا تشبث جلسه سی، دنیا نینگ اینگ تیز 7 واسطه‌سی بیللشگن « بیله‌شوولر نینگ بیللشووی» تیک اوچرلر و اکرابوسی نمایشلری، تورک هوا یوللری سیاحت هکتانی پیله‌نیتريوم، پراشوت، هوا واسطه‌لری نمایشی، سیمولاسیون دستورلری، تکنالوژیک و تعلیم دستگاهلری کبی مهم‌ فعالیتلر اویوشتیریلدی. فستیوالده زیارتچیلر بوندن تشقری حربي ناحربي کوپلب هوا واسطه‌سینی  کوریش امکانیتیگه ایریشدی. ایچلریده انقه، ملي حربی اوچاق، T625 تیک اوچرلری، گوک تورک-2 ماهواره، جیت تعلیمی و یقین حمایه‌ اوچاق حُرجیت، ینگی نسل اساسي تعلیم اوچاق حُرکوش و اتا‌ک تیک اوچرلرینی زیارتچیلر یقیندن تماشا قیلدی. فستیوالده محلي و خارجي معروضه‌چیلر بیلن، تکنالوژی ساحه‌ده استقبال نینگ رواجلنیشی و احتیاجلری محاکمه‌ قیلینگن سمینارلر اوتکزیلدی.

جمهور باشلیغی ایردوغان نینگ  مهم بیاناتلری

جمهور باشلیغی رجب طیب ایردوغان تورموشی امینه ایردوغه‌ن بیلن بیرگه‌لیکده، 22- سپتمبر شنبه‌ کونی TEKNOFEST نی زیارت ایتدی.  TEKNOFEST دایره‌سیده اویوشتیریلگن بیلله شوولرده درجه‌ آلگنلرگه مکافاتلرینی بیرگن جمهور باشلیغی ایردوغه‌ن بو ییرده مهم‌ بیاناتلر بیردی. جمهور باشلیغی بیرگن بیاناتیده مدافعه‌ صناعت و تکنالوژیک ساحه‌ده قیلیشیمیز کیره‌ک نرسه‌لر بیلن علاقه‌لی مهم‌ بیاناتلر بیردی. جمهور باشلیغی ایردوغه‌ن سوزله‌گن نطقیده: « بوگونکی دنیامیزده حقیقي معناده مستقللیک نینگ بیرینچی شرطی  تکنالوژينی پروژه لشتیرگن، ایشلب چیقرگن و صادر قیلگن اولکه‌لردیر. هر ینگیلیک کبی  تکنالوژيده‌گی تشبثلر هم دستلبکی باسقیچده خَیال قیله آلیشدیر. « قیزیل آلمه‌» دیب افاده‌ ایتیلگن نرسه‌  افق نینگ تشقریسیده‌گی مقصدیمیز  ینگیلنگندیر. قچان خَیال قیلیشنی ترک ایتسه‌ک او پیت آرقه‌گه کیتیشگه باشله‌دیک. بیز هم تورکيه‌گه نیمه‌ حاصل قیلگن بولسه‌ک همیشه‌ خَیالیمیز نینگ ایزیدن کیتیب قازاندیردیک. بوگونکی کونده‌ خوفسیزلیک توشونچه‌سی نینگ معناسی عموماً اوزگردی. ایندی فزیکی خوفسیزلیگیمیز سایبر خوفسیزلیک بیلن، دیجتل صناعتی بیلن محلي دستورلر بیلن کوچه‌یتیرمسه‌ک دیمک اوزیمیزنی الده‌یمیز دیمکدیر. ملي تکنالوژیک حرکت  جهتیده آلیب باریلگن برچه‌ فعالیتلرنی حمایه‌ قیله‌میز. یاشلر نینگ  افقینی آچیشده قرارلیمیز. آخرگی ییللرده باشیمیزدن اوتگن هر حادثه‌ مستقللیک بیلن تکنالوژیک و اینیقسه‌ مدافعه‌ صناعت اورته‌سیده‌گی علاقه‌نی تکرار کورسه‌تماقده. تکنالوژينی محلي و ملي روشده رواجلنتیریش مستقللیگیمیزنی  مستحکملشتیره‌دی .» دیدی.

جمهور باشلیغی ایردوغا‌ن ملي تکنالوژي‌ حرکتینی اولکه‌ نینگ بقاسی و کیله‌جگی اوچون قنچه‌لیک مهم‌ ایکنینی ینه‌ بار تأکیدلب اوتدی.

تورک حربي-کسبه اویوشمه‌سی (صندوق تعاون) تعلیم بوییچه‌ مدیری ترکا‌ن زنگین نینگ موضوعگه دایره‌ فکر و ملاحظه‌لرینی اعتبارینگیزگه حواله‌  قیلدیک.



علاقه لی ینگی لیکلر