مجلس سیلاوی نینگ آرتیدن عراق منطقوی کُرد باشقرووی

مجلس سیلاوی نینگ آرتیدن عراق منطقوی کُرد باشقرووی

6 میلیون اطرافیده نفوس گه ایگه عراق منطقوی کُرد باشقروویده 3 میلیوندن آرتیق سیلاوچی 30 سپتامبر یکشنبه کونی سیلاوگه اشتراک ایتیب رای بیردی. ملت وکیل لیک سیلاویده اشتراک 57 فایز اطرافیده ایکن لیگی بیلدیریلدی. سیلاو جریانی نینگ صلح آمیز و تینچلیک بیلن اوتگن حالده بعضی بیر منطقه لرده قوراللی کیشی لرنینگ و پشمرگه کوچلری نینگ بولیشی مهم تارتیشوولرگه سبب بولدی. KYB و KDP بیراوینی سیلاوده فسادگه قولگه اورگن لیگی بیلن عیبله ماقده ایکن،گورران و یشیل نسل حرکتی ایسه اینیقسه KYB نی سیلاوده فسادگه قول اورگن لیگی بیلن عیبله دی. آلیب باریلگن برچه بیاناتلرگه قره مه ی عراق منطقوی کُرد باشقرووی سیلاوی عمومیت گه قره گنده موفقیت لیک بیلن نتیجه لنگن دیر. تشقی ایشلر وزیرلیگی سوزچیسی حامی آقسوی شونده ی بولیب " عراق منطقوی کُرد باشقرووی پارلمان سیلاوی نینگ صلح آمیز بیر شکلده اوتگن لیگی باعث ممنون میز. سیلاو نتیجه لری نینگ عراق نینگ بیرلیک و برابرلیگی نینگ قوریقلشی و مملکتده استقرارنی تامین ایتیلیشی اوچون خیرلرگه وسیله بولیشینی تیله میز" دیدی.  

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

غیر رسمی نتیجه لرگه کوره، KDP بویوک موفقیت قولگه کیریتیب رایلرنینگ 45 فایزینی آلدی. KYB  ایسه سیلاوده ناکام قالیب 19 فایز رای آلدی. گوران حرکتی 12 فایز ینگی نسل حرکتی 8.5 اسلامی حزبلر 7 و 5 فایز اطرفیده رای آلرکن، سردم اتفاقی 1 فایز رای آلدی.

غیر رسمی نتیجه لرگه کوره، کتته موفقیت قولگه کیریتگن KDP عین دمده KYB  نی مغلوبیت گه اوچره تیب، ایریم بیر بویوک حزب بیلن حکومت قوریش امکانیتی گه ایگه بولدی. رایلرنینگ سنش جریانی دوام ایتماقده ایکن، عراق پارلمانیده ایسه جمهور رئیس لیک سیلاوی دوام ایتماقده ایدی. عراق اساسی قانونی گه کوره کُردلردن سیلنگن جمهور رئیس لیک کاندیدلری KYB و KDP نینگ مشترک کاندید بیرالمه گن لیگی باعث ایککی حزب اورته سیده بیر رقابت و بحرانگه سبب بولدی.

KDP جمهور رئیس لیک اوچون فواد حسین نی، KYB ایسه برهم صالح نی کاندید بیردی. عراق مجلسیده گی ایککینچی دور یشیرنچی رای بیریش پروسه سیده 329 ملت وکیلیدن 272 سی اشتراک ایتدی. KYB نینگ کاندیدی برهم صالح 219 رای آلیب عراق نینگ 4 – جمهور باشلیغی بولدی. KDP نینگ کاندیدی فواد حسین ایسه 22 رای آلالدی. جمهور رئیس لیک سیلاوی نینگ بیرینچی دو.ریده 7 کاندیددن هیچ بیرته سی ییترلی بولگن 220 رای آلالمه گن لیگی باعث سیلاو ایککینچی دورگه قالدی. جمهور رئیس لیک سیلاوی نینگ بیرینچی دوریده برهم صالح 165 فواد حسین 89 رای آلگن ایکن مستقل خاتین سیاستچی سیروه عبدالواحد ایسه 18 رای آلگن ایدی.

جمهور رئیس لیک سیلاویده KYB نینگ جمهور رئیس لیک کاندیدی برهم صالح نینگ قازانیشی عین دمده عراق منطقوی کُرد باشقرووی نینگ ایچکی سیاستیده هم تاثیر قالدیریشی ممکن. شونده ی قیلیب بیر کونده اوتکزیلگن سیلاولرده بویوک بیر موفقیت قولگه کیریتگن KDP ، ایچکی سیاستده KYB گه قرشی کوچلی راق و قتتیق بیر سیاست آلیب باریشی ممکن.

عراق منطقوی کُرد باشقرووی ده گی سیلاولرنینگ نتیجه سی تورکیه - عراق منطقوی کُرد باشقرووی مناسبتینی و تورکیه نینگ ترورچیلیک که قرشی کوره شی گه هم تاثیر قالدیره دی. عراق منطقوی کُرد باشقرووی  نینگ مستقل لیک ریفراندومی نینگ آرتیدن عراق مرکزی حکومتی نینگ قتتیق جوابی بیلن کرکوک کبی قولگه کیریتگن موفقیتلرنی قولدن بیرگن عراق منطقوی کُرد باشقرووی اداره سی تورکیه بیلن مناستینی توزه تیشنی خواهله ماقده دیر. اینیقسه KDP اقتصادی ساحه ده تورکیه بیلن بولگن تجارتنی تکرار حرکت گه اوتکزماقچی دیر. تورکیه نینگ KYBکنترولیده گی سلیمانیه قونلغه سیگه قره ته چیکلاولرنی دوام ایتتیرگن لیگی تورکیه نینگ KYB گه قرشی یانداشووینی کورستگن مهم بیر نتیجه دیر. KDP نینگ سیلاولرده موفقیت لیک بیلن چیقیشی تورکیه - عراق منطقوی کُرد باشقرووی مناسبتلریگه مثبت معناده تاثیر قالدیریشی کوتیله دی.

تورکیه نینگ ترورچیلیک که قرشی کوره شیده شمالی عراقده توسعه بیرگن عسکری عملیاتلر پی کاکانینگ شمالی عراق آرقه لی تورکیه گه کیریشی گه مانع بولیش گه حرکت قیلماقده دیر. تورکیه شمالی عراقده پی کاکاگه قرشی آلیب بارگن کوره ش، KDP نینگ سیلاولرده موفقیت قولگه کیریتیشی بیلن کوپراق کوچلی بولیشی ممکن. شونده ی بولیب، KYB و پی کاکا اورته سیده گی مناسبت یخشی راق بولیب کوریلماقده پی کاکا و KDP اورته سیده گی مناسبت یمانراق بولیب کوریلماقده دیر. تورکیه عراق منطقوی کُرد باشقرووی بیلن مناسبتینی توسعه بیرماقده ایکن عین دمده KDP دن پی کاکانینگ تورکیه اوچون یراتگن تهدیدگه قرشی عملی آدیملر طلب ایتیشی ممکن.

عراق سیلاولریدن آیلر اوتگن حالده عراق مرکزی حکومتی نینگ قوریلمه گن لیگی ه8م عراق همده تورکیه اوچون مهم معمالر یراتماقده ایکن، عراق منطقوی کُرد باشقرووی ده گی سیلاو نتیجه لری نینگ تیزلیک حکومت قوریلیشی بیلن نتیجه لنگنده عراق منطقوی کُرد باشقرووی عراق و تورکیه کوچلی بولگن لیگی اوچون مثبت نتیجه لرگه باعث بولیشی کوتیلماقده دیر. عراق مرکزی حکومتی قوریلگنده ایدی عراقده گی انچه معماگه قرشی کوره ش داها کوچلی بیر شکلده آلیب باریلیشی ممکن.      

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.