هندوستان مسلمانلری

اوشبو مطلب پروفیسر داکتر قدرت بلبل نینگ تورک تیلیده یازیلگن مقاله سی نینگ اوزبیک تیلیده گی ترجمه سیدن عبارت

هندوستان مسلمانلری

تورکیه و جهان کوز قره شی 36

اجتماعی بیلیم لر متخصصی دیوید هاروی, "پُست مدرن لیک نینگ وضعیتی" نامیده گی اثریده موجود چاغ نی زمان- مکان اورته سیده گی مناسبت اوله راق بهالنتیرماقده.  حاضرگی کونده گی جهانی له شیش پروسه سی نینگ, جوده اوزاقده گی لر نی یقین لشتیریب قویرایکن, یقین لرنی هم اوزاق لشتیریب اورتاق تاریخی اوتمیش لر نی اونوتتیریب قویشی ممکن. 

بو مقاله ده هندوستان مسلمان لری باره سیده بحث ایتماقچی من.  اجتماعی جهت دن آلیب قره گنده حاضرگی کونده هندوستان بیز اوچون مکسیکو قدر اوزاق.  تاریخده هم شونده ی می ایدی؟   

هندوستان نینگ اونوتیلگن اسلامی اوتمیشی

هند یریم قاره سی (هندوستان, پاکستان و بنگلدیش) حضرت عمر (رض) دوریده مقدس اسلام دینی گه مشرف بولدی. 

تورکیه نینگ سیسی رادیوسی آرقه لی نشر قیلینیاتگن "چشم جهان" پروگرامیم گه اشتراک ایتگن ینگی دهلی مشرق سنتر تحقیقات مرکزی باشلیغی و تورکیه جمهوریتی پایتختی انقره ده جایلشگن ییلدیریم بایزید عالی بیلیم یورتی سیاست بیلیم لری فاکولته سی مهمان استادی دوکتور عمر انس مقدس اسلام دینی نینگ هندوستانگه اوچ یول بیلن کیلگن لیگی نی معلوم قیلماقده.  بیرینچی دن اسلام مسلمان تجار لر واسطه سی بیلن کیریب کیلگن.  ایشانرلی ایش لر قیلگن مسلمان تجار لر هندوستانده مقدس اسلام دینی نینگ کینگ قولاچ یاییب کیتیشی بوییچه کتته رول اوینه گن. 

ایککینچی یول ایسه اورته آسیادن کیلگن صوفی لر دن عبارت.  دوکتور انس اینیقسه مولانا جلال الدین رومی بلخی نینگ هند یریم قاره سیده جوده یخشی بیلینگن لیگی نی بیلدیرماقده.  او هندوستانلیک مسلمان لر و اینیقسه صوفی لرنینگ تورکیه گه کیلگن پیتلریده مولانا اوچون قونیه گه باریاتگن لیک لری نی معلوم قیلماقده.  دوکتور انس, مولانا نینگ ایککی اولکه اورته سیده اوته مهم بیر کوپریک دن عبارت بولیشی نینگ ممکن ایکن لیگی نی بیلدیرماقده. حضرت مولانا نینگ هندوستان گه جوده یقین منطقه دن عبارت افغانستان نینگ بلخ شهریدن کیلگن لیگی سببلی اوشبو خصوصده گی رولی نی ینه ده آرتیره دیگن لیگی نی معلوم قیلماقده دوکتور انس.  حقیقت دن هم بلخ شهریده توغیلیب تورکیه نینگ قونیه شهریده اولغایگن بولیشی گه قره مسدن مولانا پیام لری نینگ جهان بویلب کینگن ترقه لیب کیتگن لیگی کورینماقده.  شونده ی قیلیب مولانا هر دایم جغرافیه لر و انسان لرنی بیرلشتیریب کیلگن.  حاضرگی کونده هم وضعیت خوددی شونده ی دوام ایتیب کیلماقده. 

اوچینچی یول اوشبو جغرافیه نینگ بیر نیچه عصر مسلمان لر تامانیدن باشقریلگن لیگی دن عبارت. تورک مسلمان حکمدار لر میلادی 1000 نچی ییلیدن کیین هندوستانده اوز تاثیری نی کورسه ته باشله گن.  مذکور حکمدار لر یخشی نیتلی و فرقلی لیق لر گه حرمت کورستگن نظام لر قورگن.  اوشبو خصوصده عثمانی دولتی و اندلس سیاستی نی مثال قیلیب کورسه تیش ممکن.  خوددی شوو نظام لر هندوستان یریم قاره سیده منطقه خلقی بیلن بیر یقه دن باش چیقریب یشه گن. 

هندوستان یریم قاره سیده ییریک مسلمان عالم لر ییتیشیب چیققن.  "مکتوبات" نی یازگن امام ربانی (1564-1624), "حجته الله البالغه" نی یازگن شاه ولی الله دهلوی (1602-1662) و "مسلمان لرنینگ قالاق بولیب قالیشی آرتیدن دنیا قنده ی موفقیت سیزلیک لر گه دوچ کیلیب قالدی؟" اثری نی یازگن ابوالحسن النّدوی (1914-1999) کبی عالم لرنی اوشبو خصوصده مثال قیلیب کورسه تیش ممکن. 

هندوستان نینگ انگلیس لر تامانیدن اشغال ایتیلیشی آرتیدن اوشبو جغرافیه نینگ اسلامی اوتمیشی اوچیریله باشلندی.  اوشبو خصوصده انگلیس اشغالی بیلن بیر قطارده, هندوستان, پاکستان و بنگلدیش نینگ اوز دولت لرینی قوریش لری پروسه سیده اوز ملت لری و تاریخ لری نی یره تیش فعالیت لری نینگ هم اساسی رول اوینه گن بولیشی ممکن.

حاضرگی کونده هندوستانده 200 میلیون دن آرتیق مسلمان یشه ماقده. اوشبو جهت دن آلیب قره گنده هندوستان مسلمان نفوسی جهتی دن اندونزیادن کیین ایککینچی اوریننی ایگلله ماقده.  هندوستان یریم قاره سی اوله راق بهالنتریلگنده ایسه اوشبو جغرافیه ده 600 میلیون مسلمان یشه ماقده.  هندوستان 1,3 میلیارد نفوس گه ایگه.  بیراق هندوستانده گی مسلمان لرنینگ حاضرگی کونده گی وضعیتی نینگ اونچه لیک یخشی ایمس لیگی کورینماقده.  آسام ایالتیده مسلمان لر گه قره تیلگن باسیم لر میزانی کونساین آرتیب بارماقده. 

700 ییل دوام ایتگن تورک حکمدارلیگی

هندوستان یریم قاره سی میلادی 1000 نچی ییلیدن باشلب میلادی 1857 نچی ییلی گه قدر تورک حکمدار لر تامانیدن باشقریلدی.  اوشبو جغرافیه ده ایلک حاکم بولگن تورک حکمدارلیگی غزنوی لر دن عبارت بولدی.  بابر امپراتورلیگی نینگ بابر و اوغلی جهانگیر شاه دوری تورک حکمدارلیگی جهتی دن اینگ پارلاق دوردن عبارت بولدی اوشبو جغرافیه ده.

بابر امپراتورلیگی نینگ اینگ سونگگی پادشاهی بولگن بهادر شاه نینگ میلادی 1857 نچی ییلیده انگلیس لر تامانیدن مغلوبیت گه اوچره تیلیشی آرتیدن خوددی شوو جغرافیه ده تورک حکمدارلیگی دوری اداققه ییتگن بولدی. 

عثمانی دولتی پادشاه لری بیلن هندوستان ده گی پادشاه لر اورته سیده جوده هم یخشی مناسبت لرنینگ موجود ایکن لیگی بیلینماقده.  عثمانی عایله سی نینگ تورکیه دن هیده لیشی آرتیدن عثمانی فامیل لری قیز لری هندوستان شهزاده لری بیلن اویلنگن. 

انگلیس لر هندوستان نی آلدین اشغال قیلسه یاکه مسلمان لر امریکا قوشمه ایالتلری نی کشف قیلگن بولسه ایدی نیمه بولر ایدی؟

بوگونگی کونده هندوستانده 18 رسمی تیل, 22 ایالت و تقریباً 400 تیل بیلن لهجه موجود.  هندوستان نینگ دین, تیل, فرهنگ و عقیده لر جهتی دن دنیا نینگ اینگ بای اولکه سی ایکن لیگی نی ایسله تیب اوتیشی میز ممکن.  خوددی شوو بای لیک نینگ بوگونگی کون گه قدر ییتیب کیلیشی بوییچه مسلمان حکمدار لرنینگ اوشبو جغرافیه ده عصر لر دوامیده حاکمیت قیلیب کیلگن لیگی نینگ تاثیری بیلینگن بیر حقیقت دن عبارت.  اوشبو حکمدار لر خوددی شوو جغرافیه ده دین لر, تیل لر و فرهنگ لرنی یوق ایتیب قویش اورنیگه اولر نی اوز مدنیتی نینگ بیر بولگی گه ایلنتیردی.  عثمانی دولتی نینگ اوز توپراق لریده و عرب لرنینگ اندلسده آلیب بارگن سیاست لرینی اوشبو خصوصده مثال قیلیب کورسه تیش ممکن.  شوباعث مسلمان حکمدار لرنینگ اقتداری نینگ اداققه ییتیشیشی آرتیدن هم اوشبو دین لر, تیل لر و فرهنگ لر اسره لیب قالیندی. اوزاق بیر مدت بیلن مسلمان حکمدار لرنینگ حاکم بولیشی گه قره مسدن بالکان لرده تورک تیلی و اندلسده ایسه عرب تیلی گپریلمس ایکن, انگلیس تیلی نینگ هندوستان, پاکستان و بنگلدیشده رسمی تیل ایکن لیگی کورینماقده.  امریکا قوشمه ایالتلریده ایسه محللی خلق تیلی, دینی و فرهنگ لری تقریباً یوق بولیب کیتگن وضعیتده. 

اوشبو وضعیت ایسه, "انگلیس لر میلادی 1857 نچی ییلیده ایمس بلکه امریکا قوشمه ایالتلریده بولگن لیگی دیک میلادی 1400 نچی ییلیده کیلگن بولیشی تقدیرده نیمه بولگن بولر ایدی؟" دیگن بیر سئوال نینگ توغیلیشی گه سبب بوله دی.  بونده ی بولیشی تقدیرده, هندوستان هم امریکاده گی آق تنلی لرنینگ تیلی و دینی نینگ تحمیل قیلینگن و محللی فرهنگ لر, دین لر و عقیده لرنینگ یوق بولیب کیتگن بیر اولکه دن عبارت بولر ایدی. ایندی کیلینگ مسئله نینگ تیسکری سی نی اویلَیلیک. امریکا قوشمه ایالتلری نینگ غرب لیک لر ایمس, بلکه مسلمان لر تامانیدن کشف ایتیلیشی تقدیرده بومی امریکالیک لرنینگ وضعیتی قنده ی بولر ایدی؟ محللی تیل لر, دین لر و عقیده لرنینگ یوق بولیب کیتیشی ممکن می ایدی؟ یاکه حاضرگی کونده امریکا قوشمه ایالتلری اولر تامانیدن باشقریلگن بولر می ایدی؟

انگلیس لر تامانیدن اشغال ایتیلیشی آرتیدن هند یریم قاره سیده فقط گینه غرب فرهنگی حاکم بولمه دی.  یره قاره هندوستان, پاکستان و بنگلدیش شکلیده اوچ بولَک بولیب قالدی.  اوشبو جغرافیه مسئله نینگ انگلیس لرنینگ "بولیب باشقر" سیاستی دن می یاکه مسلمان لرنینگ چاره سیزلیگی دن می منشا آلگن لیگی مهم بیر بحث موضوعی دن عبارت.  اوشبو یریم قاره نینگ بولینمس لیگی تقدیرده, اکثریت بوله دیگن مسلمان لرنینگ هم تاثیری بیلن منطقه ده تینچ لیک و برقرار لیک نینگ حاکم بولیشی ممکن ایدی.

تورکیه ده ملی نجات اوروشی و هندوستان مسلمان لری

بیرینچی دنیا اوروشی جریانیده انگلیس لر نینگ عثمانی توپراق لریگه حمله قیلگن لیگی گه قرشی هندوستانلیک مسلمانلر قتتیق عکس العمل کورستدی.  بیراق اوز لری هم انگلیس لرنینگ اشغالی آستیده ایدی.  عثمانی دولتی نینگ هم اشغال ایتیلیشی تقدیرده, امید لری نینگ توگَیدیگن لیگی و اولکه لریده گی اشغال تامیر لری نینگ ینه ده مستحکم بوله دیگن لیگی نی اویله دی.  شونده ی قیلیب عثمانی دولتی نی قوللب- قوتلش اوچون جناح و گاندی تامانیدن حمایت قیلینگن خلافت حرکتی نی باشلتدی.  جدی ناراضی چیلیک نمایشلری اوتکزدیلر.  حرکت نینگ اینگ مهم شخصیت لری اوشه دورده انگلیس باش وزیری بیلن اوچره شدی.  ملی نجات اوروشی نی حمایت قیلیش اوچون پول توپله شیب تورکیه گه جونتدی. 

جهانی له شیش بیلن باشله گن ایدیک. ایندی کیلینگ اوشبو مطلب بیلن بیتیرَیلیک مقاله میزنی.  جهانی له شیش دنیا منطقه لری نی یقین لشتیررایکن, بیز گه یقین جغرافیه لر, اورتاق اوتمیش لر و مشترک تاریخی تامان لری میز نی اونوتتیرمس لیگی کیره ک.  اوشبو یقین لیق لرنینگ 21 نچی عصرده اینگ مهم اولکه لردن بیری بولیب کیلگن هندوستان بیلن بولگن مناسبت لر نینگ یخشی لشتیریلیشی گه سبب بولیشی ضروری.             



علاقه لی ینگی لیکلر