تورکیه و امریکا قوشمه ایالتلری نینگ اورته سیده گی بحران

تحلیل و تیکشیروو 34

تورکیه و امریکا قوشمه ایالتلری نینگ اورته سیده گی بحران

تورکیه و امریکا قوشمه ایالتلری نینگ اورته سیده گی بحران

تورکیه و امریکا قوشمه ایالتلری اورته سیده یوز بیرگن بحران نینگ هم ساختار همده دوره ای سببلری بولگنینی کورماقده میز. ساختاری معناده امریکا قوشمه ایالتلری نینگ 1952 ییلی ناتو اعضالیگی دن بیری تورکیه بیلن مستقیم و غیر مستقیم بیر مناسبت قورماقچی بولگن لیگی کوریلماقده. بیراق تورکیه اینیقسه عدالت و توسعه حزبی نینگ اقتداری بیلن مستقل تشقی سیاست آلیب باریشی تورکیه نینگ منفعتینی مرکزی بیر ساحه جایگاهی گه ایگه بولگن لیگی امریکا قوشمه ایالتلری تامانیدن حلی گچه هضم (قبول) بولالمه ی تورگن.  

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

دوره ای جهتیدن ایسه امریکا قوشمه ایالتلری نینگ فتو باشقرووچیسی فتح الله گولننی تسلیم بیرمه یشی حقوقی جریان باشله تمه یشی و پنسیلوانیاده آزادانه یوروگن لیگی گه امکانیت بیریشی اوز ارا مناسبت گه زیان ییتکیزگن مهم موضوعلردن حسابلنه دی. امریکا قوشمه ایالتلری عیندمده ترور تشکیلاتی پی کاکانینگ سوریه ده گی ترماغی بولمیش YPG بیلن بیرگه لیکده حرکت ایتیشی، اولرنی محلی متفق اوله راق کوریشی، تربیه لب قوراللی لشتیریشی، تورکیه تامانیدن قبول قیلینه دیگن بیر وضعیت ایمس. بناً ترور تشکیلاتی پی کاکانینگ تورکیه نینگ جنوبی چیگره سیده بونقه ییره ییب ساحه قولگه کیریتیشی تورکیه اوچون ملی بیر تهدید دیر. ایککی اولکه اورته سیده گی بو بحرانگه قوشیمچه سونگی برونسون و F-35  بحرانی یوز بیرماقده دیر.

امریکا قوشمه ایالتلری سناتو اعضالری سونگی پیتلرده تورکیه گه قرشی برونسون نینگ قماقده بولیشینی و تورکیه نینگ روسیه دن ایس -400 مدافعه تیزیمی آلیشینی مطرح قیلماقده ایدی. سناتو اعضالری نینگ برونسوننی آزاد ایتیلیشی بیلن تیگیشلی ایسته گی عین دمده آق اوی تامانیدن هم مطرح قیلینماقده دیر. بناً امریکا قوشمه ایالتلری دولت باشلیغی دونالد ترامپ جمهور باشلیغی رجب طیب ایردوغان بیلن اوتکزگن اوچره شوولریده راحب برونسوننی آزاد ایتیلیشینی طلب قیلگن ایدی. باشقه تاماندن امریکا قوشمه ایالتلری دولت باشلیغی ترامپ، برونسوننی آزاد ایتیلیشینی طلب قیلووچی تویتر هم آتگن ایدی. تورکیه ده حیات کیچیریب تورگن راحب برونسون 15 – جولای فتوچی تونتروو تشبثی نینگ آرتیدن فتو و پی کاکا ترور تشکیلاتلری بیلن بولگن ارتباطی باعث محکمه بولماقده دیر.

امریکا قوشمه ایالتلریده گی ایوانگلیستلرنینگ حمایه سینی قولدن بیرمس لیک اوچون امریکا قوشمه ایالتلری دولت باشلیغی اورینباسری مایک پنس بیرگن بیاناتیده تورکیه ده ایککی ییلدن بیری محکمه سی نهایی بولمه گن برونسون نینگ آزاد ایتیلیشینی طلب قیلدی و تورکیه نی چیکلاو آرقه لی تهدید ایتدی. اونینگ آرتیدن ترامپ اوز اورینباسری پنس نینگ بیاناتینی حمایه قیلدی و تورکیه گه قره ته تهدیدلرینی تکرار قیلدی. تورکیه تشقی ایشلر وزیری مولود چاووش اوغلی ایسه امریکا قوشمه ایالتلری نینگ تهدیدلر بیلن تورکیه گه زوروانلیک قیلگن لیگینی قبول قیلمه گنلیکلرینی و تورکیه ده گی قضا جریانی نینگ مستقل بیر شکلده ایلگری بارگن لیگینی و امریکا قوشمه ایالتلری نینگ طلب لری قضانینگ مستق لیگی گه ضد ایکن لیگینی افاده ایتدی.   

امریکا قوشمه ایالتلری تامانیدن تورکیه گه قره ته آلینگن تحریم قرارلری بیلن عدالت و ایچکی ایشلر وزیرلری چیکلاو رویخطی گه آلیندی و تورکیه گه قره ته قسمی بیر کریدیت محدودیتی کیلتیریلدی. شو قرار بیلن امریکا قوشمه ایالتلری تورکیه گه قره ته اقتصادی اوروش باشله تگن بولدی. تورکیه بازاری و اسعارنرخی تبلیغلر بیلن مداخله قیلیندی. اقتصاد هجوملر باعث بهاسینی قولدن بیردی. تورکیه گه قره ته آلیب باریلگن اقتصادی هجوملر باعث تورکیه مرکز بانکی مهم بیر قرار آلدی و تورک لیره سی نینگ ارزشینی قولدن بیریشی گه مانع بولیب، دالرگه قرشی ارزیشی نینگ یوقاری باریشی گه باعث بولدی. بناً 7 لیره دن یوقاری بارگن دالر 6 لیره نینگ آستی گه توشیب کیلدی.

تورکیه گه قره ته آلیب باریلگن اقتصادی هجوملر کوپ بولگن کونلرده خزینه و مالیه وزیری برات آل بیراق تورکیه نینگ ینگی اقتصادی گذرگاهینی معلوم قیلدی. تورکیه نینگ ینگی اقتصادی مودلی معلوم بولگنده امریکا قوشمه ایالتلری دولت باشلیغی دونالد ترامپ تورکیه قره ته المونیم و تیمیر وارداتی گه قوشیمچه جزا مالیه لری کیلتیردی. ترامپ نینگ بیاناتلری اسعار بازاریگه مهم درجه ده تاثیر قالدیرگن بولسه هم تورک لیره سی تکرار اوز بهاسینی تاپدی. ترامپ تورکیه گه قره ته تحریملر عملی قیلرکن عین دمده چین بیلن هم بیر اقتصادی حرب دوام ایتگن لیگی مهم بیر حادثه دیر. شونده ی قیلیب ترامپ تامانیدن تورکیه گه قره ته جزا مالیه سی اعلان قیلینیشیدن بیر نیچه کون کیین چین، تورکیه و روسیه دن محلی پول بیلن المونیم و تیمیر وارد قیله جکلری اعلان قیلیندی. تورکیه نینگ امریکا قوشمه ایالتلری تامانیدن اقتصادی هجوملرگه دوچ قالگن لیگی نینگ آرتیدن روسیه و ایراندن حمایه قیلووچی بیاناتلر ییتیب کیلدی.

بیراق اقتصادی جهتدن تورکیه اوچون مهم بولگن اروپا بیرلیگی نینگ یانداشووی امریکا قوشمه ایالتلری چیکلاولریگه قرشی جوده مهم ایدی. اروپا بیرلیگی اینیقسه آلمان تورکیه نینگ اقتصادی جهتدن ضعیف بولیب بحرانگه دوچ کیلیشینی خواهله مه گن لیکلرینی و تورکیه بیلن مناسبتلرینی دوام ایته جکلرینی اعلان قیلدی. تورکیه بحرانگه دوچ کیلگن تقدیرده بو اروپا بیرلیگی گه هم مهم درجه ده تاثیر قالدیریشی ممکن ایدی. شونده ی بولیب تورک لیره سی نینگ بهاسی نینگ قوییگه باریشی اروپا بورسالریده دالر-یورو نرخیده سلبی تاثیر قالدیردی. اینیقسه ایتالیا و اسپانیا بانکلری نینگ تورکیه گه مهم درجه ده قرض بیرگن لیگی اروپا بیرلیگینی تورکیه ده گی احتمالی بیر بحران گه قرشی قیغوگه تشله گن دیر. 

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 

 


لیبل: تحلیل

علاقه لی ینگی لیکلر