ایندی ایران نشان آلینماقده

تحلیل و تیکشیروو 33

ایندی ایران نشان آلینماقده

ایندی ایران نشان آلینماقده

امریکا قوشمه ایالتلری ایران نینگ هسته یی پروگرامی باعث احمدی نژاد دوریده عملی قلیب باشله تگن چیکلاو، ایران نینگ اقتصادی گه کتته زیان ییتکیزگن ایدی.

بیراق 2013 – ییلی جمهور باشلیغی ایتیب سیلنگن و معتدل – ریفورمیست دیب اتلگن حسن روحانی ایران خلقی اوچون کتته امید ایدی. روحانی دوریده P5+1  مملکتلری بیلن آلیب باریلگن مذاکره لر نتیجه سیده ایران نینگ هسته یی قورال پروگرامی گه محدودیت کیلتیریشی و تیکشیرووگه آچیشی گه قرشی عملی قیلینگن تحریملرنینگ کمه یتیریلیشی گه قرار بیریلگن ایدی. بیرلشگن ملتلر تشکیلاتی حضوریده امضالنگن کیلیشوو ایران خلقی و ایران اقتصادی اوچون بویوک امید منبعی بولگن ایدی. خوددی شو حادثه ایران نینگ اقتصادی نینگ کم هم بولسه توسعه قیلیشی گه سبب بولگن بولسه هم دونالد ترامپ نینگ امریکا قوشمه ایالتلری نینگ دولت رهبری ایتیب سیلنیشی نینگ آرتیدن ایران بیلن تکرار قتیق بیر شکلده تارتیشوولر یوز بیریش گه باشلنگن ایدی. امریکا قوشمه ایالتلری 2018 – ییلی 8 – می کونی بیر تامانلمه اوله راق کیلیشوودن قول ترتگنینی بیلدیرگن ایدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

امریکا قوشمه ایالتلری ایران بیلن آلیب باریلگن کیلیشوودن چیققن لیگینی اعلان قیلیشی بیلن بو وضعیت ایران اقتصادیگه سلبی معناده تاثیر قالدیرگن دیر. ایران دولتی دالرنینگ نرخینی رسمی اوله راق 42 مینگ ریال اوله راق تعیین قیلگن حالده آزاد بازارده امریکا قوشمه ایالتلری دالری نینگ نرخی یوقاریگه قره باردی. ایران ریالی نینگ نرخی جنوری آییده بهاسینی قولدن بیریش گه باشله دی و آزاد بازارده 150 فایز بهاسینی قولدن بیردی. ایرانده 1 دالر جنوری آییده 44 میگ ریال ایکن سونگی کونلرده 110 مینگ ریال گه چیقیب باردی.

امریکا قوشمه ایالتلری ایرانگه قرشی چیکلاولرینی عملی قیلمسدن آلدین ایران اقتصادی نینگ بونقه دالغه لنیب بارگن لیگی ایرانگه قره ته تحریم نینگ عملی بولیب باشله ییشی نینگ آرتیده گی وضعیتنی کورستماقده ایدی. امریکا قوشمه ایالتلری باشلیغی دونالد ترامپ نینگ ایرانگه قره ته عملی قیلیب باشله گن چیکلاولرنینگ آرقه سیده ایرانده گی تیزیم گه اوزگریش کیلتیریش قاله ویرسه ایران نینگ اورته شرقده گی ییره ب باریش سیاستینی توخته تیش و ایرانگه منطقه ده محدودیت کیلتیریش ایکن لیگینی ایتیش ممکن. بناً کورفز اولکه لری و اسرائیل ایران نینگ منطقه ده گی ییره ب باریش سیاستیدن راحتسیز ایکن لیکلرینی و امریکا قوشمه ایالتلری بیلن بیرگه لیکده ایرانگه محدودیت کیلتیرماقچی بولگن لیکلرینی یشیرمه یدیلر. ایراننی چیکلاولر آرقه لی اوروب منطقه ده گی نماینده دیگن عنصرلریگه بیرگن فندلرگه و منبعلرگه محدودیت کیلتیریلیشی و شونده ی قیلیب ایرانگه محدودیت کیلتیریلیشی آماجلنماقده دیر.

امریکا قوشمه ایالتلری تامانیدن عملی قیلینگن چیکلاولر آرقه لی ایران نینگ امریکا دالری، آلتین و ایریم قیمت بها معدنلر بیلن تجارت قیلیشی گه مانع بولیش آماجلنماقده دیر. آلیب باریلگن چیکلاولر ایرانده گی اتوموتیف سکتورینی هم آماج قرار بیرماقده دیر.

امریکا قوشمه ایالتلری نینگ تحریم تهدیدی باعث ایرانده گی سرمایه گذارلیکلرینی توخته تیب قویگن شرکت قطاریده دایملر شرکتی هم بار. مذکور شرکت ایرانده گی سرمایه گذارلیکلریگه وسعت بیریب ایرانده کامیون (لاری) تولید قیلیشنی پلانله گن حالده امریکا قوشمه ایالتلری دولت باشلیغی دونالد ترامپ نینگ ایرانگه قره ته چیکلاو عملی قیلیش پلانی خوددی شو شرکت نینگ ایرانده گی ریجه لرینی توخته تیشی گه سبب بولدی. امریکا قوشمه ایالتلری دولت باشلیغی دونالد ترامپ تویتر ارقه لی نشر قیلگن بیاناتیده چیکلاوگه قره مه ی ایران بیلن تجارتگه دوام ایتگن شرکتلرنینگ امریکا قوشمه ایالتلریده تجارت قیلالمس لیگینی افاده ایتگن ایدی.

بیراق امریکا قوشمه ایالتلری دولت باشلیغی دونالد  ترامپ نینگ قتتیق بیر شکلده بیرگن بیاناتلریگه قره مه ی اروپا بیرلیگی اولکه لری چیکلاولرگه مخالفت قیلماقده دیرلر. مثال اوچون آلمان تشقی ایشلر وزیری هیکو ماس بیرگن بیاناتیده ایرانده فعالیت قیلیب تورگن اروپالیک شرکتلرگه همکارلیک قیلیشنی وعده قیلدی. ایران بیلن تجارت توغریسیده پول انتقالی اوستیده فعایلت آلیب بارگن لیکلرینی ایتگن ماس، امریکا قوشمه ایالتلری تامانیدن ایرانگه قره ته آلیب باریلگن تحریملرنی قیغو بیلن کوتیب آلگن لیکلرینی افاده ایتدی. هیکو ماس عین دمده ایران بیلن آلیب باریلگن تجارتلری نینگ فایده بیلن تیگیشلی ایمس ایکن لیگینی و ایرانده گی انسانلرنی اویله گن لیکلرینی ایتگن بولسه هم اروپا بیرلیگی نینگ ایرانده بویوک بیر سویه ده فایده قولگه کیریتیشنی ریجه له گن لیگی و ایراندن نفت و گاز آلیب روسیه گه بولگن وابسته لیگینی کمه یتیریشنی مقصد قیلیب آلگن لیگی معلوم دیر. امریکا قوشمه ایالتلری نینگ ایریم اروپا اولکه لرینی کورمه ی ایران بیلن الیب باریلگن کیلیشوونی فسخ قیلیب تشله یشی اروپا بیرلیگی و امریکا قوشمه ایالتلری اورته سیده مهم بیر مسابقه گه ایلنیشی ممکن.

امریکا قوشمه ایالتلری نینگ سونگی پیتلرده چیکلاولرینی کوپه یتیریب تشله گن لیگی در حقیقت امریکا نینگ تشقی سیاستی گه اوزگریش یوز بیرگن لیگینی کورستماقده دیر. تورکیه نی برونسون دعواسی آرقه لی چیکلاو بیلن تهدید قیلگن امریکا قوشمه ایالتلری عین دمده روسیه گه هم تحریم عملی قیلماقده دیر. باشقه تاماندن چین گه قره ته عملی قیلیب باشله گن جزا مالیه لرینی هم شو دایره دن کوریش کیره ک. فلسطین مسئله سیده بیرلشگن ملتلر تشکیلاتی نینگ ستیژیدن برچه دنیانی تهدید قیلگن امریکا قوشمه ایالتلری نینگ چیکلاو سیاستی قیسقه مدتده اوچون مثبت نتیجه لرگه باعث بولگن بولسه هم اوزاق مدتلیک جریان اوچون امریکا قوشمه ایالتلری نینگ دنیاده گی جایگاهینی خطرگه مواجه قیله جگی و امریکا قوشمه ایالتلرینی یکه قیلیب قویه جگینی تخمین قیلیش ممکن.      

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 

 


لیبل: تحلیل

علاقه لی ینگی لیکلر