قازانگنده آلمان مغلوبیتده پناهنده بولدیم

تحلیل و تیکشیروو 32

قازانگنده آلمان مغلوبیتده پناهنده بولدیم

قازانگنده آلمان مغلوبیتده پناهنده بولدیم

اروپاده عرقچیلیک و اسلام دشمن لیگی کون سایین آرتیب بارماقده. اروپا بیرلیگی نینگ اوچون مهم اولکه لردن بیرته سی بولمیش آلمانده ناسیونل سوسیالیست حرکتیده گی ترندلرگه اوخشه گن بیر جریان کوریلماقده. عرق چیلیک و اسلام دشمن لیگی نورمال لشیب بارگن آلمانده یوز بیرگن مسعود اوزیل بحرانی و اونینگ آلمان ملی جماعه سیدن چیتلنیشی عرق چیلیک و اسلام دشمن لیگی نینگ قنچه ایلگری کیتیب بارگن کورسه تووچی مهم حادثه دیر.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته میز.

مسعود اوزیل جمهور باشلیغی رجب طیب ایردوغان نینگ انگلستان سفری چوکاتیده تورکیه جمهور باشلیغی بیلن بیرگه لیکده تصویرگه توشگن لیگی آلمان میدیاسی و آلمانده گی سیاسیلر تامانیدن آلمان جمعیتیده جهان کپ پروسه سی آلدی کتته بحران گه ایلنتیریلگن دیر. 2010 – ییلیدن بیری جمهور باشلیغی رجب طیب ایردوغان بیلن کوریشیب تصویرگه توشگن اوزیل بو اوچره شوو اوچون عرقچی هجوملرگه دوچ قالگن دیر. آلمان ملی جماعه سی نینگ یولدوزی بولمیش مسعود اوزیل حقارت و تهدیدلرگه دوچ قالگن حالده سیس چیقرمه گن بیراق آلمان فوتبال فدراسیونی باشلیغی رینهارد گریندل نینگ طلبی نینگ عکسینچه جمهور باشلیغی رجب طیب ایردوغان بیلن تصویرگه توشگن لیگی اوچون عذر سوره مه گن دیر.

آلمان ملی جماعه سی نینگ جهان کپدن چیتله نیب کیتیشی نینگ آرتیدن آلمان نینگ برچه میدیا ارگانلری آلمان نینگ پروسه دن چیتله نیش خبرلرینی مسعودنینگ عکسی بیلن نشر قیلیشلری و آلمان فوتبال فدراسیونی باشلیغی رینهارد گریندل نینگ جهان کپدن چیتله نیب کیتیشینی مسعودنی مسؤل دیب کورستگن لیگی صبرنی تاشیریب یوباردی. حال بوکی مسعود اوزیل جمهور باشلیغی رجب طیب ایردوغان بیلن تصویرگه توشمسدن آلدین عمره حج مراسمیدن تصویرلر پایلشگنلیگی اوچون اسلام دشمن لیگی هجوملریگه دوچ قالگن ایدی.

مسعود اوزیل سکونتینی برهم اوروب اوچ بولیم لیک بیر اعلامیه نشر قیلدی. درحقیقت مسعود اوزیل تویتر آدرسی آرقه لی انگلیسچه اوله راق نشر قیلگن اعلامیه آلمانده عرق چیلیک و اسلام دشمن لیگی نینگ قیسی صفحه گه کیلگن لیگینی نمایان قیلماقده ایدی. " قازانگنده آلمان مغلوبیتده پناهنده بولدیم" دیب نشر قیلگن اعلامیه سی بیلن فوتبال نینگ محمد علیسی بولدی. آلمان اینیقسه آلمان فوتبال فدراسیونینی قتتیق قاره له گن مسعود اوزیل آلمانده حیات کیچیریب تورگن تورک و مسلمان اقلیتلرنینگ هم سیسی بولگن دیر.

بو اعلامیه بیلن آلمانده گی عرقچیلیک و ضدیت چیلیک که دقت قره تگن دیر و اوزی نینگ هم تورکیه نی همده آلماننی یخشی کورگن لیگینی کورستگن دیر. مسعودنینگ جمهور باشلیغی رجب طیب ایردوغان بیلن تصویرگه توشگن لیگیدن مدافعه قیلیشی و آلمان اوچون قولگه کیریتگن انچه موفقیت لیکلرگه قره مه ی عرقچی هجوملرگه دوچ کیلگن لیگینی تینیق بیر شکلده اظهار ایتیشی، در حقیقت آلمانده حیات کیچیریب تورگن تورکلرنینگ توشونچه و تویغولرینی هم انعکاس بیرماقده دیر. حال بوکی اینیقسه آلمانده حیات کیچیریب تورگن تورکلر اجتماعی ترماق آرقه لی مسعود اوزیلنی قهرمان کبی قوتله گنلردیر.

اوزیل نینگ اعلامیه سی قنچه هم آلمانده گی تورکلر ومسلمانلرنینگ سیسی بولیب اولرنینگ توشونچه و تویغولرینی عکس ایتتیرگن دیر. لیکن نیمه اوچون بیر فوتبالچی و ملت وکیل نینگ تورک و مسلمان اقلیتی نینگ تویغو و توشونچه لریدن نماینده لیک قیلمه گن لیگی سوالی اهمیت گه سزاواردیر. آلمان مجلسیده بولگن تورک ملت وکیللر و آلمانده گی سیاسی حزبلرنینگ تورک و مسلمان اقلیتلردن نماینده لیک قیلیشی و اولرنینگ دردلریگه دعوا بولمس لیکلری آلمان اوچون کتته معما دیر. بیر تاماندن آلمانده عرق چیلیک و اسلام دشمن لیگی ییره ب بارماقده، باشقه بیر تاماندن آلمانده گی تورکلر بیلن مسلمانلردن نماینده لیک قیلووچی هیچ ملت وکیل یوق.

اینیقسه آلمانده گی بو ضد وضعیت باعث، آلمانده حیات کیچیریب تورگن تورکلر و مسلمانلرنینگ حقلریدن دفاع قیلیب اولرگه ایشانچ بیریش اوچون تورکیه نینگ آلمانده کوپراق باریب اکتیف سیاست آلیب باریشی کیره ک دیر. تورکیه نینگ آلمان جمعیتی ایچیده موجودیتینی حس قیلیشی و آلمانده گی تورکلر بیلن مسلمانلر اوچون کوره شیشی، آلمانده گی تورکلر بیلن مسلمانلرگه جسارت بیره دی و حقیقتلرنی جمعیت نینگ یوزیگه چیقرگن ینگی مسعود اوزیل لرنینگ چیقیشی گه سبب بوله دی. تورکیه آلمانده کوپراق باریب اکتیف سیاست آلیب بارمه گنده آلمانده گی تورکلر ومسلمانلر کون سایین عرق چیلیک و اسلام دشمن لیگی اوج آلگن آلمان جمعیتی بیلن دوچ کیله دی.    

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 

 


لیبل: تحلیل

علاقه لی ینگی لیکلر