ایردوغان نینگ موفقیتی و تورکیه نینگ تشقی سیاستی بوییچه بیر تحلیل

تحلیل و تیکشیروو 26

ایردوغان نینگ موفقیتی و تورکیه نینگ تشقی سیاستی بوییچه بیر تحلیل

ایردوغان نینگ موفقیتی و تورکیه نینگ تشقی سیاستی

تورکيه‌ده 24-جون کونی جمهور رئیسلیک و پارلمان سیلاوی بولیب اوتدی. دنیا جمعیتی تامانیدن کتّه‌ قیزیقیش بیلن کوزه‌تیلگن سیلاو نتیجه‌لریده جمهور رئیس رجب طیب ایردوغان 52.6 فایزلیک رای بیلن بیرینچی باسقیچده‌ ینگی تیزیم نینگ بیرینچی جمهور رئیسی ایتیب سه‌یلندی. شو باعث عدالت و ترقیات حزبی بیلن ملیتچی حرکت حزبی تامانیدن تشکیل ایتیلگن «جمهور اتفاقی» مجلسده‌گی کوپچیلیک ا‌وریننی قولگه کیریتدی. تورکيه‌ نینگ مذکور سیلاو نتیجه‌لری بیلن بیرگه‌لیکده عملده ینگی تیزیمگه اوتیلگن بولدی. ایتیب اوتیش جایزکی تورکيه‌ده‌گی بو سیلاوده سیلاوچیلر نینگ 87 فایزی اشتراک ایتر ایکن، دنیا جماعتی هم سیلاولرنی یقیندن کوزه‌تیب باردی. تورکيه‌ده‌گی سیلاولردن ایردوغان نینگ و «جمهور اتفاقی» نینگ غالبیتنی قولگه کیریتیشی هم تشقی سیاستده، هم ده تروریزمگه قرشی کوره‌شده «دوام» دیگن نتیجه ده دیر. 

(سیاست، اقتصاد و جمعیت تدقیقات بنیادی) یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.

آخرگی وقتلرده تورکيه تشقی سیاستگه ثمره‌لی و فعال یونه‌شدی و تورکيه‌ نینگ ملي منفعتی اوچون کوپ قیرّه‌لی فعالیت آلیب باریلدی. شو دایره‌ده بیر تاماندن ناتو ترکیبیده‌گی دولتلر، ایکّینچی تاماندن روسیه و ایران بیلن بیرگه‌لیکده ایش آلیب بارگن تورکيه عینِ وقتده یقین شرقده، بالقانلرده، آسیا و افریقاده فعال تشقی سیاست کوزه‌تماقده. تورکيه‌ نینگ فعال تشقی سیاستینی قوللب-قوّتله‌گن اینگ مهم‌ عنصرلر آره‌سیده بشری یاردم و مدافعه‌ صناعتی آلدینگی ا‌ورینده دیسه‌ک مبالغه‌ بولمه‌یدی. دنیا بویلب اقتصادي ساحه‌ده اون اوچونچی ا‌وریننی ایگلله‌گن تورکيه، بشری یاردمده ایسه بیرینچی ا‌ورینده‌دیر. تورکيه آرتیدن دنیا نینگ اینگ ییریک اقتصادیگه امریکا قوشمه‌ شتاتلری ایگه‌دیر. تورکيه‌ نینگ بشری یاردم فعالیتلری، تورکيه‌ نینگ انسان لیک که بیرگن اهمیت نینگ کورسه‌تکیچی حسابلنه‌دی.   

اوندن تشقری تورکيه‌ نینگ مدافعه‌ صناعتیده آلیب بارگن فعالیتلری تورکيه‌ نینگ تشقی سیاستده‌گی رولینی کورسه‌تگن مهم‌ منبعه‌لردندیر. تورکيه‌ نینگ پاکستانگه « ATAK» حربي تیک اوچر ساتیشی، کورفز مملکتلریگه زره لی ترانسپورت صادر قیله آلیشی و اوزی ایشلب چیقرگن قوراللی و قورالسیز اوچووچیسیز هوا ترانسپورتلری اوچون خریدار تاپیشی، تورکيه قولگه کیریتگن تکنالوژیک یوتوقلرنینگ کورسه‌تکیچیدیر.

24-جونده بولیب اوتگن سیلاو نتیجه‌لری تورکيه‌ نینگ بشری یاردم و مدافعه‌ صناعتی باش بولیش بیلن بیرگه‌ تشقی سیاستده‌گی یاندا‌شوو نینگ دوام ایتیشی نینگ طلبیدیر. تورک خلقی اصلیده سومالیالیک یاردمگه محتاج انسانلرگه بیریلگن یاردم نینگ دوام ایتیشینی خواهله‌دی.

تورکيه‌ده‌گی سیلاو نتیجه‌لری عینِ وقتده تروریزمگه قرشی کوره‌ش اوچون کتّه‌ اهمیت کسب ایته‌دی. «فرات قلقانی» عملیاتی آرقه‌لی تورکيه چیگره‌سیده‌گی داعش ترور تشکیلاتی نینگ یوق قیلینیشی آرتیدن «زیتون یاله‌سی» عملیاتی آرقه‌لی عفرین، YPG/PKK ترور تشکیلاتیدن قوتقریلدی. عراقده دوام ایتگن و پی کاکانینگ عراقدن تورکیه گه قره ب دوام ایتگن اکمالات گذرگاهینی کیسیب تشله گن و مملکت نینگ قندیل منطقه سینی بوتونله‌ی تروریستلردن قوتقریشنی ریجه‌لشتیرگن «قرارلیلیک» حرکتی، سیلاو نتیجه‌لری بیلن بیرگه‌ قالگن جاییدن دوام ایتیشی ممکن. تورکيه تامانیدن تروریزمگه قرشی کوره‌ش دایره‌سیده اعلان قیلینگن ینگی دوکتیرین اساسیده ترور تشکیلاتلری بیلن کوره‌ش آلیب باریش مسأله‌سی تورکيه چیگره‌سی بیلن چیکلنیب قالمه‌یدی و چیت ایلده‌گی تروریستلرنی هم یوق قیله‌دی. ینگی دوکتیرین اساسیده عملگه آشیریلگن اوچ عملیات آرقه‌لی عینِ وقتده تورکيه چیگره‌سیده‌گی ترور فعالیتلری انچه‌ کمه‌یدی. تروریستلر نینگ اوز اورنیده یوق قیلینیشی بیلن تورکيه‌ده‌گی ترور نینگ برطرف قیلینیشی مقصد قیلینگن.

اوندن تشقری تورکيه تامانیدن امریکا قوشمه ایالتلری بیلن بیرگه‌لیکده بیلگیلب آلینگن یول خریطه‌سی دایره‌سیده YPG ترور تشکیلاتی منبیجنی ترک ایته‌دی و ایکّله‌ ناتو اتفاقی منبیجده خوفسیزلیکنی بیرگه‌لیکده تأمینلب، تینچ اهالی ترکیبیدن باشقروو تیزیمی تشکیل ایته‌دی. سیلاودن آلدین کیلیشیب آلینگن یول نقشه‌سی جمهور رئیس رجب طیب ایردوغان نینگ بیرینچی باسقیچد ینگی تیزیم نینگ بیرینچی جمهور رئیسی ایتیب سه‌یلنیشی نتیجه‌سیده آقسه‌مسدن دوام ایته‌دی. سوريه‌ده‌گی بحراننی کمه‌یتیریش و تینچلیکنی اورنه‌تیش اوچون تورکيه، روسیه و ایران ضامن لیگیده تشکیل ایتیلگن و دوام ایتگن آستانه‌ جریانی هم تورکيه‌ده‌گی سیلاولر آرتیدن توخته‌مه‌ی دوام ایتیشی ممکن. چونکه‌ تورکيه‌ده سیلاو آرتیدن نا انیقلیک یوز بیرمه ی برقرارلیک نینگ دوام ایتیشی، تورکيه بیلن توزیلگن برچه‌ شرطنامه‌لر اوچون ایجابي حادثه دیر.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 



علاقه لی ینگی لیکلر