تروریزم گه قرشی قاطعانه کوره ش دوام ایته دی

تحلیل و تیکشیروو 24

تروریزم گه قرشی قاطعانه کوره ش دوام ایته دی

تروریزم گه قرشی قاطعانه کوره ش دوام ایته دی

تورکيه تامانیدن 15-جولای کونگی تۉنتریش تشبثیدن کیین اعلان قیلینگن ینگی تروریزمگه قرشی کوره‌ش فعالیتی دایره‌سیده تورکيه بوندن بویان ترورگه قرشی فقط‌گینه اوز چیگره‌سیگه کوره‌ش آلیب بارمه‌ی عینِ وقتده ترورنی اوز منبع ویا جاییده یوق قیله‌دی. ینگی تروریزمگه قرشی کوره‌ش فعالیتی دایره‌سیده تورکيه فرات قلقانی عملیاتی یاردمیده اوز چیگره‌سینی داعش ترور تشکیلاتیدن قوتقرگنیدن کیین زیتون نوده‌سی عملیاتی آرقه‌لی عفریننی هم ترور عنصرلریدن قوتقریش بختیگه ایگه‌ بولدی. تورکيه‌ نینگ YPG/ PKK ترور تشکیلاتیگه قرشی کوره‌شی عفرین آرتیدن قندیل، سینجار و منبیجده دوام ایتدی. قندیلگه قره‌تیلگن حربي عملیاتلر بیر نیچه‌ آی آلدین باشله‌گن بولیب، منبیج اوچون امریکا قوشمه ایالتلری بیلن دیپلوماتیک جریان نتیجه‌سیده یول خریطه‌سی چیزیب آلیندی. سینجار اوچون ایسه هم دیپلوماتیک هم ده حربي عملیاتلر تیارلندی.

(سیاست، اقتصاد و جمعیت تدقیقات بنیادی) یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.

تورکيه‌ نینگ تروریزمگه قرشی کوره‌شینی قیسقه‌چه‌ قولگه آلگن جمهور باشلیغی رجب طیب ایردوغان، «میدانده‌گی عسکرلریمیز تروریستلرنینگ سُملری تامان استه-سیکین ایلگریلب بارماقده. مخالف گروه خواهله‌مسه‌ هم عفریننی، جرابلوسنی، البابنی، عزیزنی قنده‌ی قیلیب قاتللردن قوتقرگن بولسه‌ک قندیلده‌گی ترور اویه‌سینی هم انه‌ شونده‌ی قیلیب خدا خواهله‌سه قوتقره‌میز. ترور تشکیلاتی نینگ سیاسي قناتلری بیلن تیل تاپیشگنلرنینگ راحتسیز‌ بولیشیگه قره‌مه‌ی ترورنی بو مملکت نینگ کون ترتیبیدن بوتونله‌ی چیقره‌میز. البته‌‌ اوّلا بار عفرین عملیاتیگه، آرتیدن ایسه قندیلگه اعتراض بیلدیرگنلرگه اساسي جوابنی سیلاو کونی بیره‌میز» دیگن افاده‌لرگه ا‌ورین بیردی. 

جمهور باشلیغی ایردوغان نینگ 11-جون کونی، «قندیل، سیناجرده‌گی تروریستلرگه قرشی هم عملیاتلریمیزنی باشله‌تدیک. ایگیرمه‌ اوچاغیمیز آرقه‌لی 14 ته مهم‌ نقطه‌نی یوق قیلدیک. یوق قیلیب قَیتدیلر، حلی هنوز اوز نهایه‌سیگه ییتمه‌دی، دوام ایته‌دی» دیگن افاده‌لرگه ا‌ورین بیریشی بیلن رسمي روشده اعلان قیلینگن قندیل عملیاتی اوچون تیارگرلیکلر و ساحه ده‌گی عملیاتلر بیر نیچه‌ آی آلدین باشله‌گن ایدی. تورکيه‌ نینگ مخصوص کوچلری تامانیدن سیس سیز‌گینه آلیب باریلگن عملیات آرقه‌لی قندیلگه 24 کیلومترچه یقینلشیب قالیندی و 11 ته نظارت نقطه‌سی تشکیل ایتیلدی.

تورکيه عراقده‌گی عملیات آرقه‌لی نه‌فقط قندیلنی بلکه‌ ترور تشکیلاتی تامانیدن سوريه و عراق اورته‌سیده اوتیش یولی اوله‌راق فایده‌لنیلگن سینجارنی هم پی کاکا و YBŞ کبی ترور تشکیلاتلریدن قوتقرماقچی. عراق مرکزي حکومتی و امریکا قوشمه ایالتلری نینگ سینجارگه کیلیب جایلشیشیدن کیین، پی کاکا/ YBŞ معلوم مقدارده منطقه‌نی ترک ایتگن ایدی. لیکن پی کاکا/ YBŞ ترور تشکیلاتی نینگ منطقه‌ده‌گی بارلیگی حلیگچه دوام ایتماقده. 

تورکيه تروریزمگه قرشی کوره‌شینی فقط‌گینه حربي عملیاتلر بیلن چیکله‌گنی یوق. عینِ وقتده کینگ کولملی دیپلوماتیک اوچره‌شوولر هم آلیب بارماقده. عراق مرکزي حکومتی و شمالي عراق منطقه‌سی باشقرووی نینگ عراقده دوام ایتگن عملیاتگه جدّي روشده اعتراض بیلدیرمسلیگی، تورک دیپلوماسیسی نینگ موفقیتی حسابلنه‌دی. سوريه‌ده PKK / YPG بیلن بیرگه‌لیکده فعالیت آلیب بارگن امریکا قوشمه ایالتلری بیلن هم منبیج مسأله‌سیده کینگ کولملی دیپلوماتیک اوچره‌شوولر عملگه آشیردی. 

امریکا قوشمه‌ ایالتلری بیلن تورکيه اورته‌سیده‌گی دیپلوماتیک اوچره‌شوولر نتیجه‌سیده ایکّله‌ مملکت منبج اوچون یول خریطه‌سی چیزیب آلدی. مذکور یول خریطه‌سیگه کوره‌ PKK / YPG ترور تشکیلاتی اعضالری منبجدن فرات نینگ شرقیگه کیته‌دی. تورکيه، امریکا قوشمه ایالتلری و فرانسه ایسه منطقه‌ده بیرگه‌لیکده مشترک کشفیات فعالیتلری آلیب باره‌دی. اینگ آخریده منبجده ینگی محلي مجلس و ینگی مدافعه‌ بیرلیگی تشکیل ایتیله‌دی. 

تورکيه‌ نینگ منبج مسأله‌سیده امریکا قوشمه ایالتلری بیلن آلیب بارگن دیپلوماتیک علاقه‌لری یاردمیده یول خریطه‌سی بیلگیلب آلیشی، منبج بیلن چیکلنیب قالمه‌گن. عینِ وقتده فرات نینگ شرقیده‌گی تروریستلر اوچون هم نمونه‌ تشکیل ایتیشی ممکن. منبج یول خریطه‌سی نینگ موفقیتلی روشده یولگه قوییلیشی؛ رقه، دایرالزور و تل ابیا‌ددیک حدودلرده هم بیر خیل یول نینگ کوزه‌تیلیشیگه یول آچیشی ممکن. چونکه‌ رقه، دایرالزور و تل ابیاد نینگ محلي اهالیسی YPG ترور تشکیلاتی ظلمیدن بیزار‌.  

عمومي جهتدن آلیب قره‌گنده‌‌ تروریزمگه قرشی کوره‌ش فعالیتی دایره‌سیده بیر نیچه‌ موفقیتنی قولگه کیریتگن تورکيه، کیله‌سی جریانده ینه‌ بیر نیچه‌ عملیاتلر آرقه‌لی ترور معماسینی حل قیلیش یاکه کمه‌یتیریش اوچون مهم‌ شخدم قدملر تشله‌ماقده. YPG/ PKK ترور تشکیلاتی نینگ آخرگی ییللرده عراق و سوريه‌ده‌گی ترتیبسیزلیکدن فایده‌لنگن حالده اهالی نفوس ساحه سینی کینگه‌یتیریشی نینگ آرتیدن، تورکيه‌ نینگ چیت ایلده‌گی عملیاتلری ترور تشکیلاتی نینگ بارلیگینی چیکله‌دی و تورکيه‌ده‌گی ترورچیلیک هجوملری نینگ سانی کمه‌یدی. تورکيه کیله‌سی جریانده ترورنی بوتونله‌ی یوق قیلیشگه قره‌تیلگن قرارلی فعالیتلر بیلن ایلگریله‌یدی.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 


لیبل: تحلیل

علاقه لی ینگی لیکلر