قطر بحرانی نینگ بیرینچی ییل لیگی و تورکیه نینگ اورنی

تحلیل وتیکشیروو 21

قطر بحرانی نینگ بیرینچی ییل لیگی و تورکیه نینگ اورنی

قطر بحرانی نینگ بیرینچی ییل لیگی و تورکیه نینگ اورنی

قریب بیر ییل آلدین قطر رسمي خبر آژانسی سایتی نینگ نامعلوم تشکیلات تامانیدن هکله نیشی و قطر امیری نامیدن یالغان بیانات چاپ ایتیلیشی بیلن باشله‌گن عامه‌وي خبر واسطه‌سی کمپاینیگه گواهلیک قیلدیک. بو عامه‌وي خبر واسطه‌سی کمپاینی وقت اوتیشی بیلن بیرلشگن عرب امیرلیگی و سعودی عربستان رهبرلیگیده، امریکا قوشمه ایالتلری نینگ هم قوللب-قوّتلشی بیلن تشکیل ایتیلگن بیر‌ ائتلاف نینگ قطرنی توغریدن-توغری نشانگه آلیشیگه یول آچدی. مذکور ‌ ائتلاف شو دایره‌ده قطرنی حربي، سیاسي و اقتصادي جهتدن بوتونله‌ی قورشه‌ب آلیب، اوزلریگه تسلیم بولیشگه مجبور قیله‌یاتگندیک ایدی.

(سیاست، اقتصاد و جمعیت تدقیقات بنیادی) یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایته‌میز.

واقعه‌ یوز بیرگن وقتگه نظر تشله‌گودیک بولسه اونده قطرگه قره‌ته‌‌ باشله‌تیلگن حرکت نینگ 2017-ییل نینگ 21-می کونی سعودی عربستان پایتختی ریاضده، امریکا قوشمه ایالتلری دولت باشلیغی دونالد ترامپ هم اشتراک ایتگن بیر خلق‌ارا ییغیلیش آرتیدن یوز بیرگنلیگی نینگ گواهی بوله‌میز. شو دایره‌ده محمد بن سَلمان و محمد بن زاید، ریاض جلسه سی چاغیده ترامپ نینگ قوللب-قوّتلشینی گرنتی گه آلگنیدن کیین ایش باشله‌دی. اسرائیل بیلن بیرگه‌لیکده تشکیل ایتگن ینگی منطقه‌ توشونچه‌لری ایچیده قطرنی جدّي خوف حسابلب، نیمه‌ بولیشیدن قطعي نظر مذکور خوفنی یوق قیلیش پَییگه توشدی. قطر نینگ تورکيه‌دیک اکتورلر بیلن بیرگه‌لیکده منطقه‌ده‌گی اوزگریش و قرشیلیکلرنی شو جمله‌دن عرب بهاری جریانینی قوللب-قوّتلشی، قولیده‌گی اقتصادي کوچ بیلن عامه‌وي خبر واسطه‌سی کوچی نینگ نشانگه آلینیشیده‌گی اینگ اساسي عنصر صفتیده کوزگه تشلنه‌دی. لیکن آخرگی بیر ییلنی قولگه آلگنیمیزده قطرگه قره‌ته‌‌ عملگه آشیریلگن برچه‌ حرکت نینگ موفقیتسیز نتیجه‌لنگنلیگی کوزه‌تیلدی. تورکيه‌دیک یقین اتفاقچیلری تامانیدن بیریلگن یاردم و امکانلر، قطر تامانیدن عاقلانه آلیب باریلگن دیپلوماتیک فعالیتلر اوزیگه قره‌تیلگن حمله لرنی موفقیتسیزقیلر ایکن، نتیجه‌ده امریکا قوشمه ایالتلری نینگ بو باره‌ده‌گی اوز مناسبتینی هم بوتونله‌ی اوزگرتیره باشله‌گنلیگینی کوریب توریبمیز. بیرلشگن عرب امیرلیکلری و سعودی تامانیدن قطرگه نسبتاً کیریتیلگن چیکلاولر بوندن بویان اوزلری اوچون کتّه‌کان یوککه ایلندی دیسه‌ک مبالغه‌ بولمه‌یدی.

قطر بیلن بیرگه‌لیکده تورکيه هم نشانگه آلینگن ایدی

قطرنی نشانگه آلگن ‌ ائتلاف نینگ طلبلریدن بیری هم قطرده‌گی تورک حربي مرکزی نینگ یاپیلیشی و ایکّی مملکت اورته‌سیده دوام ایتگن حربي شرطنامه‌لرنینگ فسخ قیلینیشی مسأله‌سی نینگ ا‌ورین آلگنلیگی معلوم بولگن ایدی. مینیمچه بو نینگ ایکّیته سببی بار. اولردن بیری تورکيه‌ نینگ حربي یاردمی بولمه گن تقدیرده قطرنی ینه-ده‌ قوله‌ی نشانگه آلیشلریگه ایشاندی و تورکيه‌ نینگ قطرده‌گی حربي مرکزی و قطر اوردوسی بیلن توزیلگن حربي شرطنامه‌لر قطرنی اوزلری آلدیده ینه-ده‌ کوچلی اکتورگه ایلنتیره‌یاتگن ایدی. ایکّینچیسی ایسه تورکيه‌ نینگ منطقه‌ده‌گی حربي و سیاسي کوچی محمد بن سَلمان، محمد بین زاید و اسرائیل نینگ منطقه‌ سیاستی جهتیدن خوف تشکیل ایته‌یاتگن ایدی. نتیجه‌ده فلسطیندن قطرگچه بولگن کینگ کولملی اسلام جغرافیه‌سینی اوزلری خواهله‌گندیک ترتیبگه کیلتیرماقچی ایدی لیکن اولر نینگ بو ریجه‌سیگه قرشی چیقه آله‌دیگن اکتورلرنی یوق قیلیش یاکه ضعیفله‌تیش پَییگه توشدی. البته‌‌ تورکيه بیلن قطر بو طلبلرنی بوتونله‌ی رد ایتگن حالده ایکّی تامانله‌مه کوزلنگن منفعتلر اطرافیده حربي مناسبتلرینی دوام ایتتیردیلر. اینیقسه‌ تورکيه‌ نینگ ثمره‌لی سیاستی قطرگه قره‌تیلگن حرکتلرنینگ موفقیتسیز بولیشیده مهم‌ رول اوینه‌دی. تورکيه اوزینی سعودی عربستانگه قره‌گنده‌‌ کوپراق بیرلشگن عرب امیرلیکلری تامانیدن نشانگه آلینگندیک حس قیلماقده. اصلیده بو نینگ بیر نیچه‌ کانکریت سببلری هم بار. شو دایره‌ده بیرلشگن عرب امیرلیکلری‌ نینگ امریکا قوشمه ایالتلری ایلچیسی يوسف العتيبي نینگ عامه‌وي خبر واسطه‌لری قولیگه توشیب قالگن مایللری بیرلشگن عرب امیرلیکلری‌ نینگ تورکيه‌ نینگ منفعتیگه زیان ییتکزیش اوچون قنده‌ی کمپاینلر آلیب بارگنلیگینی یقّال کورسه‌تیب توریپدی. لیبیا، سومالیا، سوریه و ایریم منطقه لرده کمپاین دایره‌سیده بیرلشگن عرب امیرلیکلری اسرائیل و باشقه‌ بعضی اکتورلر بیلن همکارلیک قیلیش آرقه‌لی تورکيه‌نی نشانگه آلگنلیگی انیق. تورکيه البته‌‌ بیرلشگن عرب امیرلیکلری‌گه اوخشب خوددی اوزی نینگ افلاس اویینیدیک شو جمله‌دن پاره‌ بیریش، آدملر ساتیب آلیش، حتا بعضی ترور تشکیلاتلریگه یاردم بیریش یولی بیلن جواب بیرمه‌یپدی لیکن سامه‌لياده آخرگی مراتبه یوز بیرگن واقعه‌لرده بولگنیدیک بیرلشگن عرب امیرلیکلری‌گه اوزی خواهله‌گنیده اولر توشونگن تیل اوستیدن جواب قَیترماقده. تورکيه سیاسي تشکیلاتلری و اوردوسی بیلن قدیمي دولتلردن بیری حسابلنه‌دی. او اوز منطقه‌سی نینگ کیله‌جگی اوچون عراق و سوريه کبی دولتلرگه توغریدن-توغری کیریب باره آله‌دیگن کوچلی اکتور. قطر بیلن بیرگه‌ سامه‌ليا کبی بیر نیچه‌ منطقه‌ دولتیده حربي کوچینی مستحکمله‌ماقده. بیت المقدس مسأله‌سیده اوینه‌گن رولی بیلن اسلام دنیاسی و مظلوملر نینگ یخشیلیگی اوچون قنده‌ی کوره‌ش آلیب باریشینی کورسه‌تماقده.

سیاست، اقتصاد و جمعیت تدقیقات بنیادی یازووچی جا‌ن اجون نینگ موضوعگه دایر ملاحظه‌لرینی اعتبارینگیزگه تقدیم ایتدیک.

 



علاقه لی ینگی لیکلر