آستانه نینگ آرتیدن: توجه یینه ادلب گه قره تیلدی

تحلیل و تیکشیروو

آستانه نینگ آرتیدن: توجه یینه ادلب گه قره تیلدی

آستانه نینگ آرتیدن: توجه یینه ادلب گه قره تیلدی

آستانه اوچره شوولری نینگ 15 – جولایده نهائی بولگن تامانیدن بیرینچی موضوع ادلب بولدی.  بیز هم بو پروگرامده ادلب ده گی موجود وضعیتینی و ینگی لیک لرنی تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن دوکتور جمیل دوغاچ ایپک نینگ یازووینی تقدیم ایته میز.

 آستانه اوچره شوولری نینگ 15 – جولایده نتیجه لنگن بولیمیده توقنه شووسیزلیک نینگ تامین ایتیلیشی توغریسیده گی همجهت لیک بیر اندازه انیقلندی. توقنه شووسیزلیک منطقه لری در اصل سوریه ده تورت منطقه نی اوز ایچیگه آله دی. لیکن بو آستانه جلسه سی نینگ مرکزیده ادلب بار ایدی. ادلب ایریم منطقه لرگه کوره، کوپراق گروه نی اوز ایچیگه آلگن و گروه لر آره سیده گکی توازن کوپ حساس دیر. بناً توقنه شووسیزلیک جریانیده ینگی بیر توقنه شوو یراتیش خطری بار.

تورکیه، روسیه و ایران بو جلسه نینگ نتیجه سیده ادلب ده توقنه شووسیزلیک منطقه سی نینگ حدودی و چیگره نی کیم تامان محافظه ایتیلیشی توغریسیده کیلیشدی. مطبوعات گه انعکاس قیلگنیچه اوچ اولکه نینگ هربیریدن 500 عسکر، توقنه شووسیزلیک خطی اوستیگه ایجاد ایتیله یاتگن کنترول نقطه لریده جایلشیب آتش کیسنی کنترول قیله دیلر. لیکن بو تشبث یکه اوزی هیئت تحریر شام گه قرشی کوره شده ییترلی بولمسه ممکن. در اصل ایلک مرحله ده ایجاب ایتگن هیئت تحریر شام گه قرشی کوره ش ایمس. حاضرچه توقنه شووسیزلیک منطقه سی نینگ تشقی جبهه سیگه جایلشیش و هیئت تحریر شام گه محدودیت کیلتیریش ریجه لنگن.

ادلب و اطرافی ده گی منطقه ده روسیه، تورکیه و ایران توقنه شووسیز فضاسینی ایجاد ایتیب محافظه قیلیشنی ریجه له ماقده. بو وضعیت تورکیه جهتیدن جدی خطرلرنی اوز ایچیگه آلماقده. چونکه تورکیه نینگ توقنه شوو سیزلیکنی تامین ایتیشی اوچون عسکر جونته دیگن منطقه لرنینگ بیر قسمتیده هیئت تحریر شام کوپ حاکم دیر. در حقیقت متوجه بولگنده آزاد سوریه اردوسی نینگ منطقه ده موجودیتینی کوچلی قیلیشی اوچون منطقه گه تورکیه نینگ کیریشی اوزاق مدتدن بیری کوتیلماقده. بناً تورکیه نینگ منطقه گه عسکر سوق ایتیشی نینگ آرتیدن اولاً آزاد سوریه اردوسی بیلن هیت تحریر شام آره سیده، کیین تورک اردوسی و هیئت تحریر شام آره سیده توقنه شوو یوز بیریشی احتمالی کوپ. تامانلرنینگ عسکری تیارگرچیلیگی هم بونی کورسته دی.

تورکیه ادلب ده رادیکال گروهلر بیلن کوره شیده هر تامانلمه بیر استراتیژی عملی قیلیب تورگن. بو استراتنیژی نینگ بیرینچی بولیمی، نصرا جبهه سی باشقروویده ایجاد ایتیلگن هیئت تحریر شام نینگ اوز ایچیده ضعیف بولیب کیتیشی دیر. بو چوکاتنده بیر قطار گروپ لرنینگ هیئت تحریر شامدن جدا بولیشی اوچون فعالیت آلیب باریلماقده. تورکیه نینگ جدی فعالیت لری نتیجه سیده هیئت تحریر شامدن جدا بولیش جریانی باشله دی. تورکیه نینگ ادلب استراتیژیسی نینگ ایککینچی بولیمی ایسه معتدل مخالفت نینگ بیرلشتیریلیشی و کوچلی قیلیب باریلیشی دیر. بو چوکاتده ادلب ده آزاد سوریه اردوسی گروپلرینی بیر سقف آستیده ییغیشتیرلیشی اوچون حرکت قیلینماقده. تورکیه نینگ همکارلیگی بیلن ادلب ده آزاد سوریه اردوسی نینگ بویوک بیر قسمی بیرلشیب تورگن. بو ینگی ساختار مخالفلرنینگ حکومت قرشی سیده گی کوچلی بولیش فعالیتیدن کوپراق احتمالاً هیئت تحریر شام گه قرشی توازننی برقرار قیلووچی بیر ساختار بوله دی.

آستانه جریانی نینگ اساسی هدفلری شو شکلده 1) سوریه ده رادیکا و معتدل قوراللی کوپلرنی انیق اوله راق بیراوی بیلن اجره تیش، 2) رادیکاللرنی برطرف ایتیش، 3) حکومت بیلن معتدل مخال لر آره سیده اولاً آتش کیسنی تامین ایتیش، آرتیدن سیاسی ییچیم گه الیب باریش. بو پلان نینگ عملی بولیشیده اینگ کتته معمالردن بیرته سی ادلب دیر. چونکه، مخالفلر بیر پارچه اوله راق کگنترول قیلیب تورگن کتته بیر جغرافیه دیر و بو جایده گی قوراللی گروهلرنینگ اینگ کوچلی گروهی النصرا جبهه سی دیر. بونگه مقابل ادلب ده گی گروپلردن بیر قطاری آستانه جریانی نینگ هم بیر پارچه سی دیر. بناً ادلب ده تماماض مداخله قیلیش ممکن ایمس. بناً اولاً ادلب ده رادیکال گروه بیلن معتدللر اره سیده بیر تفکیک قیلیش کیره ک. تورکیه اختیارنی قولیگه آلمسه، ادلب ده کنترول منطقه نینگ تشقریسیده گی کوچلر ویا تورکیه گه تهدید ایجاد ایتووچی عنصرلرنینگ قولیگه توشیشی ممکن. بنا تورکیه نینگ ادلبده الدینی الووچی بیر حمله قیلیشی مجبوری دیر.

کیلگوسی جریانده، تورکیه قیسقه مدت جریانیده ادلب ده قیزیق توقنه شوو ایچیده کیریشی ممکن. ادلب ده گی توقنه شوولر جغرافیه و موصوم شرطلری باعث فرات قالقانی عملیاتیدن کوپراق دوام ایتیشی ممکن. بناً ادلب ده تورک اردوسی نینگ جایلشیشی تورکیه نی ایچیگه الگن بیر توقنه شوو فضاسی یراتیشی ممکن. تورکیه توقنه شوو خطینی کوزگه آلیب عسکری موفقیت قولگه کیریتالسه، حاکم بولگن ادلبده فرات قالقاتنی گه اوخشش بیر خوفسیز منطقه ایجاد ایتیشی ممکن. بو هم سوریه دوسیه سیده تورکیه نینگ قولینی بیرآز قوی راق قیله دی. سوریه ده روسیه و ایران بیلن همکارلیک الیب بارگن و اوز مسؤلیتینی ادا قیلگن تورکیه نینگ PKK/YPG  گه قرشی مجادله ده بعضی بیر سهولتلر قولگه کیریتیشی ممکن. بو جهتدن یگانه احتمال روسیه نینگ عسکری موجودیتی بولگن عفرین منطقه سی دیر. ادلب نینگ آرتیدن تورکیه نینگ ایریم بیر ترور تشکیلاتی PKK/YPG  کنترولی آستیده گی  عفرین گه قره ته بیر عملیات باشله تیشی نینگ کوتیلمه گن حادثه دیب ایتیلمه یدی.



علاقه لی ینگی لیکلر