لبنان تورکمن لری توغریسیده بیر نظر

سیاسی تحلیل

لبنان تورکمن لری توغریسیده بیر نظر

لبنان تورکمن لری

اورته شرقده ترکمن لرنینگ کوپ سانده نفوسی بولگن اولکه لردن بیرته سی لبنان دیر. بیز هم بو پروگرامده لبنان ترکنلرینی تیکیشیریب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز.

لبنان ده تورک موجودیتی نینگ تاریخی 12. عصرگه باریب تیانماقده. بیراق تورکیه جمهوریتی رسمی اوله راق لبنان تورکلریدن بیرینچی مرته 1989 – ییلی خبر بولدی. لبنان اردوسیگه عسکرلیک وظیفه سینی آلیب باراتگن تورکمن خالد اسدنینگ وظیفه جریانیده تورکچه گپ لشگنینی قومندانی بیلیب قاله دی. مذکور صاحب منصب خالد اسدنی تورکیه بویوک ایلچی لیگی گه آلیب باریشی بیلن بیرینچی مرته تماس قوریلگن بوله دی. بیروت بویوک ایلچیسی ابراهیم دیجله لی کوریشگن اسد، کواثرا قشلاغیدن اصلیتی نینگ تورکمن ایکن لیگینی ایته دی. بویوک ایلچی کوثرا قشلاغینی یقیندن باریب کوره دی و بیرینچی تماس ایجاد بوله دی. 1989 – ییلی لبنان ده گی ایچکی اوروش باعث بویوک ایلچی لرنینگ قیتیش سفرلریده قوریقچی لیکلرینی تورکمنلر آلیب باریب طرابلس گچ بیرگه لیکده باره دیلر. اوشبو بیرینچی تانیشوونینگ آرتیدن بیروتگه تعیین بولیب بارگن ینگی بویوک ایلچی نینگ عكار منطقه سیده گی ایککی تورکمن قشلاغینی باریب کوریشی رواج بولیب قاله دی. اوزاق مدت تورکمنلرنینگ فقط عكار قشلاغیده گیلردن عبارت ایکن لیگی بیلینر ایکن، کوثزا قشلاغی نینگ رهنمالیگی بیلن بال بیک منطقه سیده گی تورکمن لر بیلن میلادی 2007 – ییلی دینیه منطقه سیده گی تورکمنلر بیلن 2011 – ییلی مناسبت ایجاد ایتیلگن دیر.

بوگون لبنانده گی تورک موجودیتی و عثمانلی میراثینی 8 عنوان آستیگه تیکشیریب چیقیش ممکن:

عكار تورکمنلری، بال بیک تورکمنلری، دینیه تورکمنلری، کیریت تورکمن لری لبنانده حیات کیچیریب تورگن تورکیه تبعه لری، اناطولی اصلیتی بولگن عایله لر، سوریه تورکمنلری و چرکزلردیر.

عكار، لبنان نینگ شمالی ولایتی نینگ ایچیده جایلشگن دیر. عكارده کواثرا و آیدامون آتیده ایککی تورکمن قشلاغی بار. کواثرا تورکچه نی محافظه قیلگن لیگی و تورکه بیلن بیرینچی مرته مناسبت برقرار قیلگن قشلاق بولگن لیگی اوچون اولویت گه قرا تاپگن دیر و نفوسی ایسه تقریباً 3 مینگ کیشی بولیب همه تورکمن دیر. تقریباً 5  مینگ نفوسی بولگن آیدامون ده تقریباً 3500 تورکمن بار. اونینگ یقینیده گی 5 مینگ نفوسی بولگن ماستا حسن ده تقریباً 350 تورکمن بار. 1200 نفوسی بولگن الدبابیه ده 50 تورکمن بار. 2500 نفوسی بولگن الدواسی قشلاغیده تقریباً 50 کیشی حیات کیچیرماقده. عكارده حیات کیچیریب تورگن تورکمن نینگ سانی 7 مینگدن کوپراق دیر. بال بیک قشلاغی بیلن تورکه نینگ مناسبت گه اوتیشی عكار تورکمن لری نینگ تورک اداره چیلرنی بال بیک تورکمن قشلاق لریگه رهنمالیک قیلیشی بیلن 2007 – ییلی عملگه آشدی. بو منطقه ده گی تورکمنلر 5 تورکمن قشلاغی و حرمل یقینیده گی بیر قشلاقده جابجا بولگن. دوریسده 700، سیمیه ده 1200، نانانیه ده 900، حدیدیه ده 600 مساری القا ده 500 کیشی توپلم بال بیک ده 4 مینگ تورکمن یشه ماقده.

دینیه ده گی تورکمنلر بیلن تورکیه تورکیه نینگ مناسبتی بال بیک تورکمنلریدن کیین 2011 – ییلی ایجاد بولگن. اوشه پیت گچه نی تورکیه نینگ نی ایریم تورکمن منطقه لری نینگ دینیه تورکمنلری توغریسیده معلوماتی یوق ایدی. دینیه و هواره ده 600 غورهایه ده ایسه تقریباً 100 کیشی تورکمن بار.

بوگون تقریباً 10 مینگ کیریت لیک تورک نینگ لبنان ده حیات کیچیریب تورگن لیگی تخمین ایتیلماقده. عین دمده اقتصادی سبب لر باعث بیروت گه کوچ قیلگن تقریباً 50 مینگ تورک تبعه سی موجود. طرابلس و عكارده شهرنینگ مهم عایله لری دیب تنیلگن؛ عثمانلی دوریدن قالگن بویوک عائله لر بار. طرابلس ده فقط تورکمانی تخلصی گه ایگه بیر بیری بیلن قرینداش 200 عایله موجود. تورکمانی عایله سی اعضالری قورگن "لبنان تورکمانی جمعیتی" هم فعالیتلرینی آلیب بارماقده. عثمانلی – روس حربی (1877-78) دن کیین اورته شرقده جایلشتیریلگن چرکزلر هم تورکه بیلن مناسبت لرینی تامین ایتیب دوام ایتماقده.

سوریه ده گی ایچکی اوروشلر باعث مهم سانده لبنانگه تورکمن عایله کوچ قیلیب باردی. حلب و لاذقیه ده حیات کیچیریب تورگن تورکمنلر، تورکیه گه کوچ قیلدی. حموص و طرابلس ده گی تورکمنلر هم جغرافی اوله راق یقین بولگن و قرینداشلیک مناسبت لری بولگن عکار و بال بیک ده گی تورکمن منطقه لرینی ترجیح ایتدیلر. مینگ لب تورکمن عکار منطقه سیگه کوچ قیلرکن، بیر قطار تورکمن بال بیک تامان قره ب باردی. دمشق ده گی تورکمنلردن هم کوپ سانده کیشی بیروت و طرابلس گه کوچ قیلدیلر.

لبنان تورکمن لریگه علاقه رجب طیب ایردوغان نینگ 2010 – ییلی لبنان سفریده کواثرانینگ یقینیده اویوشتیرگن نمایش بیلن باشلندی. تورکیه نینگ تورکمنلرنینگ یانیده ایکن لیگی تصویرینی بیریشی تورکمنلرنینگ اعتبارینی یوقاری آلیب باردی. 2013 – ییلی بیروتده افتتاح بولگن یونس امره کلتور مرکزی و 2014 – ییلی آچیلگن تیکا لبنان اداره سی هم تورکمنلرگه قره ته علاقه و همکارلیک لری نینگ کوپه یشی جهتدن مهم حصه قوشدی. تورکمنلرنینگ وضعیتی یخشی راق بولسه هم لبنان ده هنوز هم هیچ بیر سیاسی نماینده لیکلری ویا کوچلی بیر ملکی جمغرمه لری موجود ایمس. کیلگوسی جریانده بو توغریده هم فعالیت آلیب باریلیشی کیره ک.   



علاقه لی ینگی لیکلر