ادلب ده آخر باسقیچ گه قره ب باریلماقده

تحلیل و تیکشیروو

ادلب ده آخر باسقیچ گه قره ب باریلماقده

ادلب ده آخر باسقیچ گه قره ب باریلماقده

ادلب ده اوزلوکسیز دوام ایتیب تورگن توقنه شوولر و سوریه کورفزیگه قوشیلگن بعضی بیر تامانلرنینگ ادلب بیلن تیگیشلی بیاناتلری منطقه ده دقت لرنی ادلب گه قره تیب قویدی.  بیز هم بو هفته پروگرامده ادلب ده گی ینگی لیکلرنی و منطقه گه انعکاس لرینی ایشلب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز.

ادلب ده گی مخالف گروپ لرنینگ اوز آره توقنه شوولری، عاموی مطبوعاتده ترکیه نینگ ادلب گه عسکر جونه تیشی ممکن دیگن خبرلر و امریکا قوشمه ایالتلری تامانیدن ادلب بیلن علاقه لی بیریلگن بیاناتلر منطقه ده دقت لرنی ادلب گه جلب قیلدی. ادلب ده مخالف گروپ لر آره سیده بیر مدتدن بیری اوزلکسیز دوام ایتگن ایچکی توقنه شوونینگ او سببی بار. بولردن بیرته سی سوریه لیک مخالفلر اوچون قلعه اوله راق کوریلگن شهرده اداره نینگ قیسی گروپ نینگ کنترولی آستیگه آلینیشی دیر. ایریم موضوع آستانه جریانی نینگ تأثیری بیلن منطقه ده گی مخاف گروپ لرنینگ بیراوینی تهدید قیلیش توشونچه سی دیر. اوچونچیسی ایسه تشقی یاردم لرنینگ کمه ی گن لیگی باعث ضعیف منبع لرنینگ حیاتی اهمیت گه ایگه بولیب قالگن لیگی دیر.

آستانه جریانی ادلب اوچون مهم بیر حادثه بولدی. جنوری اییدن بیری ادلب ده اوچ جهت لیک بیر تیزیم موجود. النصرادن جدا بولگن دمشق نینگ قورتولیش هیئتی احرارالشام و قیته دن قوریلگن آزاد سوریه اردوسی آره سیده احرارالشام بیلن دمشق قورتولیش هیئتی منطقه ده کوچلی بولگن گروهلردیر. بو ایکّی سیدن تشقری ادلب ده آستانه جریانیگه قتنشگن آزاد سوریه اردوسی هم اضافه بولدی. آزاد سوریه اردوسی سان اوله راق ایریم گروهلرگه کوره کم بولسه هم ترکیه و بیر قطار منطقوی کوچلرنینگ حمایه سینی آلماقده. مخالفلردن عبارت "ملی اردو پروژه سی" نینگ اساسی پایه لریدن سنلگن ینگی آزاد سوریه اردوسی نینگ آماجی ادلب ده القاعده ساختارینی اورته دن کوتاریش دیر. بو هدف ترکیه اوچون هم مهم دیر. چونکه دمشق قورتولیش هیئتی ادلب نی تاماً اوز کنترولی آستیگه آلگنده ترکیه نینگ ادلب چیگره سیده القاعده بیلن تماسی بولگن دمشق قورتولیش هیئتی بیلن بیر کوچ بولیب قاله دی. بو وضعیت ترکیه نینگ سوریه سیاستی و ایچکی خوفسیزلیگی جهتیدن تهدید ایجاد ایتیشی ممکن.

امریکا قوشمه ایالتلری نینگ داعش گه قرشی کوره ش خاص نماینده سی برت مک گورک ادلب بیلن تیگیشلی بیرگن بیاناتی مهم بیانات دیر. مک گورک که کوره ادلب القاعده نینگ پناهگاهی گه اینلگن و امریکا قوشمه ایالتلری بو تهدیدگه دقت قره تماقده. بو بیانات ادلب گه بیر عملیات نینگ ممکن ایکن لیگینی اشاره قیلماقده. بو نقطه ده عقل گه کیلگن یگانه سناریو امریکا قوشمه ایالتلری نینگ ادلب گه قره ته رقه پروژه سینی عملی قیلیشی دیر. یعنی PKK/YPG بیلن بیرگه لیکده بیر عملیات آلیب باریشی دیر. بو سناریو ترکیه نینگ عفرین گه مداخله قیلیشی نینگ آلدینی آله دی، YPG  نینگ ساحه سینی وسعت بیره دی و امریکا قوشمه ایالتلری نینگ سوریه ده گی موجودیتینی بو منطقه گه هم انتقال بیره دی. امریکا قوشمه ایالتلری، PKK/PYD  بیلن بونقه بیر عملیات گه قول اورگنده اساسی مقصدلری شو بوله دی: ترکیه چیگره بوییچه ایجاد ایتماقچی بولگن خوفسیز حلقه سینی برهم اوریش؛ فرات نینگ غرب تامانیده گی کوچلی معتدل مخالف ساختارگه مانع بولیش؛ روسیه نینگ هومیمیم مرکزینی نا راحت قیلیش؛ YPG نینگ عفرین ده گی سیقیشگن لیگینی آزاد قیلیش دیر. بو حرکاتنی ترکیه بیلن روسیه نینگ قبول قیلیشی آسان بیر حادثه ایمس.

ادلب مسئله سی نینگ بیر بعُدی هم کورفز بحرانی بیلن علاقه لی دیر. قطرگه قرشی چیکلاو حرکاتی باشله تگن سعودی عربستان و متفقلری سوریه ساحه سیده هم قطرنینگ ساحه سینی تار قیلیب قوییشنی ریجه له ماقده. دمشق قورتولیش هیئتی نینگ راسیده گی سیمالرنینگ جولای آییده ادلب ده یوز بیرگن توقنه شوولر جریانیده نشر قیلینگن سیس لریده قیلگن چقیریش لرینی سعودی عربستان و متفق لری نینگ ایتگنلری و کون ترتیبی ایکن لیگی معلوم.

ترکیه جمهوریتی جمهور رئیس لیک سوزلاوچیسی ابراهیم قلین ادلب گه ترک و روس عسکرلرنینگ مسقر بولیشی ممکن ایکن لیگینی ایتدی. در حقیقت توقنه شووسیز منطه لرگه تیکشیرووچی اوله راق تورلی اولکه لرنینگ عسکرلری نینگ مسقر بولیشی قرار قیلینگن ایدی. روسیه نینگ ادلب ده گی القاعده طرفداری گروهلرگه قرشی قتّیق کوره ش نی کوپ وقتدن بیری شرط قیلگن.

ادلب آرقه لی یوز بیره دیگن بو بحرانگه چاره ج تدبیر آلینیشی توغریسیده ترکیه بیلن روسیه نینگ همکارلیک و همجهت لیگی مهم دیر و توقنه شووسیزلیک منطقه لرینی اورته گه چیقرووچی اراده نی محافظه قیلیش لری کیره ک. بو نقطه ده ترکیه حمایه قیلیب تورگن معتدل گروپ لرگه کتته مسؤلیت توشه دی.

ترکیه تامانیدن داعش قاله ویرسه برچه ترور تشکیلاتلریگه قره ته فرات قالقانی عملیاتی نینگ مهم نتیجه لری بولدی. ترکیه جنوب تامانده گی چیگره سی بوییچه ترور تشکیلاتی PKK/YPG گذرگاهینی کیسیب قویدی. بو منطقه ده معتدل مخالفلر جایلشتیریلدی. فرات دریاسی نینگ غرب تامانیده منبیچ دن تشقری مهم بیر ساحه نی کنترول آستیگه آلیب حدود خوفسیزلیگینی برقرار قیلدی. عفرین عملگه آشیریلیشی کوتیلگن حرکات بیلن ترکیه، امریکا قوشمه ایالتلری و PKK/YPG  نینگ قولیده گی ساحه بیلن بو گذرگاه نینگ احتمالی نهائی نقطه سی عفرین بشارلاسد حکومتی آره سیده گی مناسبتنی انیق اوله راق کیسیب قوییشی ممکن. ادلب ده ترکیه و معتدل مخالف کنترول نی انیق اوله راق اوز قولیگه آلگنده، PKK/YPG  نینگ گذرگاه خیالی، ترکیه نینگ سوریه دن چیقریلیش پلانی و ترکیه بیلن عرب دنیاسی نینگ مناسبتی نینگ کیسیب قوییش فعالیت لریگه مانع بولیش ممکن.


لیبل: تحلیل

علاقه لی ینگی لیکلر