شمالی عراق ده ریفراندوم یقین

سیاسی تحلیل

شمالی عراق ده ریفراندوم یقین

شمالی عراق ده ریفراندوم یقین

شمالی عراق منطقوی اداره سی بیر مدت دن بیری بحث موضوعسی بولیب تورگن خودمختارلیک ریفراندومی نینگ 25 سپتمبر 2017 ده بولیب اوتیشینی اعلان قیلدی.  بیز هم بو هفته پروگرامده شمالی عراقده بولیب اوته دیگن ریفراندوم و منطقه گه انعکاس لرینی ایشلب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز.

جون آیی جریانیده شمالی عراق منطقوی اداره سی باشلیغی مسعود بارزانی خود مختارلیک ریفراندومی نینگ 25 سپتمبر 2017 ده بولیب اوتیشینی رسماً اعلان قیلدی. شمالی عراق منطقوی اداره سی ریفراندوم اوچون حلی گچه ایچکری و تشقریدن ییترلی همکارلیک قولکه کیریتالمه دی. کوردستان دموکرات حزبی خارج ایریم بویوک حزب لر، ریفراندوم نی حمایه قیلیش لری بیلن علاقه لی حلی گچه رسمی بیانات بیرمه گنلر. منطقه ده بویوک بیر نفوسی بولگن ترکمنلر و عربلر هم ریفراندوم گه مثبت قره مه یدی.

بارزانی عائله سی نینگ خودمختارلیک طلبی تازه بیر حادثه ایمس. 25- سپتمبرده بولیب اوته دیگن ریفراندومی هم کوردلر اوچون ینگی بیر سیاست ایمس، چونکه خودمختارلیک ایسته گی 100 ییلدن بیری بار. 1921 – ییلی یوزه گه چیققن انگلیس منده اداره سی آستیده گی عراققه کوردلر مثبت قره مه دی. 1932 ییلی ملا احمد بارزانی رهبریتیده خودمختارلیک اوچون حرکت باشلتدیلر لیکن موفق بولمه دیلر. عراق نینگ امریکا قوشمه ایالتلری تامانیدن اشغال ایتیلیشی نینگ آرتیدن هم بو موضوع کوردلرنینگ کون ترتیبیده ایدی.

شمالی عراق منطقوی اداره سی سونگی ایککی ییلدن بیری معاش لرنی بیرالمه یدی. اقتصادی یمان وضعیتده. عین دمده داعش نینگ یوزه گه چیقیشی بیلن 1 ملیوندن آرتیق عراق لیک توقنه شوو منطقه لریدن شمالی عراق منطقوی اداره سی کنترولیده گی منطقه لرگه کوچ قیلدی. برچه بو سلبی حادثه لرگه بناً شمالی عراق منطقوی اداره سی گه امید بیرگن ایریم ینگی لیکلر هم یوز بیردی. داعش گه قرشی ایجاد ایتیلگن ائتلاف پشمرگه نی 2 ییلدن بیری تعلیم بیرماقده. بوگون شمالی عراق منطقوی اداره سی نینگ ایککی ییل آلدینگی وضعیتی گه کوره، یخشی انسجام بولگن قوراللی کوچ موجود. عین دمده پشمرگه؛ داعش چیقرتیلگن منطقه لرگه جایلشتی و بوجایلردن چیقمه یدی. عراق مرکزی اداره سی بیلن شمالی عراق منطقوی اداره سی آره سیده 2005 – ییلی دن بیری دوام ایتیب تورگن کیلیشماوسیز منطقه لرنینگ مهم بیر قسمتی بوگون شمالی عراق منطقوی اداره سی نینگ کنترولی آستیده دیر. بو منطقه لر آره سیده موصل نینگ شمالیده گی نفت بای لیگی بولگن منطقه لر و کرکوک نینگ نفت ذخیره لرینی اوز ایچیگه آلگن ساحه لر هم بار.

بارزانی نینگ ریفراندوم قراری نینگ اساسی سبب لریدن بیرته سی خودمختارلیک نی اعلان قیلیب، ریفراندوم دن کیین بوله دیگن سیلاوده اوزینی کاندید قیلمه ییشی دیر. آرتیدن موقتی بیر باشلیغنی حمایه قیلیب، 2018 – ییلی عراق ده کوچلی بولیب بارگن ملیش سیاستی نینگ مالکی ویا بو کبی سیاستچینی اقتدارگه کیلتیرگن شرایطده مستقل لیک نی تشویق قیلیب کورد دولتی نینگ باشلیغی بولیش دیر.

منطقه نینگ قدیمی خلق لریدن و مهم بیر نفوس گه ایگه عراق ترکمن لری و عرب لر، شمالی عراق منطقوی اداره سی نینگ ریفراندوم قراریگه قتتیق بیر شکلده عکس العمل کورستدی.  بیراق ریفراندوم گه مانع بولیش اوچون قوللریده هیچ بیر سیاسی ویا قوراللی کوچ یوق. عربلر و ترکمنلر ایلگری پیتلرده کوچلی بولگنده توپراقلرینی تکرار آلیش اوچون فعالیت قیله دیلر.

منطقه اولکه لریگه قره گنده آلدینگی ییللرگه کوره تغییرات کیلگن. قطر بحرانی نینگ آرتیدن سعودی عربستان شمالی عراق منطقوی اداره سی نینگ خودمختارلیگینی حمایه قیلیش اوچون فعالیت قیلماقده. اسرائیل ایسه ایسکیدن بیری موجود بولگن حمایه سینی علنی بیر شکلده کورستماقده. منطقهخ نینگ مهم ایککی اولکه سی ترکیه و ایران ایسه ریفراندوم فکرینی تنقید ایتماقده.

عراق و اورته شرق ده گی حادثه بارزانی گه کتته فرصت یره تگن. داعش گه قرشی کوره ش جریانی بارزانی گه خلق ارا مقیاسده فایده کیریتدی. ضعیف عراق حکومتی، اورته شرق ده انچه اوروش یوز بیرگن لیگی باعث منطقه کوچلری نینگ دقت لری نینگ ایریم ساحه لرگه جلب بولیشی احتمالاً بارزانی گه خود مختارلیک اوچون باشقه بیر فرصت بولمه گن لیگینی کورستماقده. عراقده کوپ جدی مسئله لر موجود ایکن، آلینگن بو ریفراندوم تصمیمی منطقه ده گی بحراننی کوپراق قیله دی. عین دمده ریفراندوم عراق اساسی قانونی گه ضد و یک طرفه قراردیر. ریفراندوم دن قیسی نتیجه چیقسه هم منطقه گه تینچ لیک حاکم بولرلیگی کوریلمه یدی. عکسینچه منطقه ده ینگی توقنه شوولرنینگ یوز بیریشی ممکن.

شمالی عراق منطقوی اداره سی نینگ جدا بولیش حرکتی عراق مرکزی اداره سینی و ترکیه بیلن ایراننی جدی بیر شکلده تحریک ایته دی. اپریل آییده ترکیه جمهور رئیسی رجب طیب ایردوغان، کوردلرنینگ کرکوک بیلن علاقه لی حق ادعالرینی قتتیق بیر شکلده تنقید ایتیب، منطقه ده گی کورد بیراغی نینگ توشیریلیشینی خواهله گن ایدی. ایردوغان "کرکوک کوردلرنینگ دیر دیگن نامعقول گپ گه ترکیه اوله راق بیز قوشیلمه ی میز. کرکوک او جایده گی ترکمن، عرب و کوردلری بیلن همه سی نینگ دیر. بناً بیزنینگ دیر دیب بونقه ادعا قیلمنگ. بونینگ بدلی قتتیق بوله دی"، دیب ایتدی. ایکیدن آلیب باریلگن همکارلیک که بناً آلینگن ریفراندوم قراری ترکیه بیلن شمالی عراق اداره سی آره سیده گی مناسبت نینگ یمان بولیشی گه باعث بوله دی. نتیجه ده عراق نینگ تمامیت ارضی و سیاسی بیرلیگی نینگ محافظه ایتیلیشی ترکیه نینگ تشقی سیاستی اوچون مهم دیر. ریفراندوم دن قیسی نتیجه چیقسه هم شمالی عراق منطقوی اداره سی نینگ موفق بولیشی ممکن ایمس.               



علاقه لی ینگی لیکلر