2016-ییلی 15 –جولای؛ بیرملت نینگ تیریلیش داستانی یازیلگن بیر کون

خاص پروگرام

2016-ییلی 15 –جولای؛ بیرملت نینگ تیریلیش داستانی یازیلگن بیر کون

2016-ییلی 15 –جولای؛ بیرملت نینگ تیریلیش داستانی یازیلگن بیر کون …!

اوزاق ییللردن بیری سیزدیرمه ‌ی ترک قورالی کوچلریگه کیریب آلگن، فتو اعضالری، 2016 ییلی 15 جولای آقشمی ترکيه وقتی بیلن ساعت 21:00 اطرافیده تونترووگه تشبث ایتدیلر. اوزاق وقت مابینیده‌ باشقه ‌لری بیلن ریجه ‌لشتیریلگن خلق‌ ارا بیر لایحه‌ مقصدیگه ایریشمه‌ دی؛ ترکيه‌ نینگ مستقل لیگینی، جمهور رئیس رجب طیب ایردوغان، ترکيه عالي ملت مجلسی و حکومت محافظه‌ ایتدی. تونتروو انقره ‌ده‌ گی آقینجیلر حربي مرکزیدن باشله ‌دی. خایین تشبث انقره و استانبولده عینِ پیتده باشله ‌گن.

تونترووچیلر آلدیندن توزگن ریجه ‌لری دایره‌ سیده استانبولده، بوغازایچی و فاتح سلطان محمد کوپریگی، استانبول ولایتی خوفسیزلیک مدیرلیگی، آتا‌ترک قونلغه سی، TRT بنالری کبی استراتیژیک جایلرنی هدف آلدی. انقره ‌ده ایسه ملی استخبارات تشکیلاتی MİT، انقره خوفسیزلیک مدیرلیگی، گولباشی مخصوص حرکت باشقرووی، هواچیلیک دایره‌ سی، مخصوص کوچلر قومندانلیگی، TRT باش مدیرلیگی، ترکيه عالي ملت مجلسی، جمهور رئیسلیک مجتمعی و قوراللی کوچلر باش رهبرلیگینی باسیب آلیش اوچون حرکتگه اوتگن. بو پست تشبث ده قوراللی کوچلری مرکزیده ‌گی اوچاق، تانک و باشقه‌ اسکونه ‌لردن فایده‌ لنیشگه حرکت قیلگن. اوچاقلر و هلیکوپترلر شهرده نشانگه آلگن جایلرنی بمبا‌ردمان قیلدیلر‌، تانک ‌لر ایسه کوچه ‌لرده انسانلرنی ایزیب اوتدی، اَیریم جایلرده حربي کییملر کيگن «فتو اعضالری» تاشینماقده ایدی.

استانبول و انقره ‌ده TRT بنالری اشغال قیلینیب، اوزینی «یورتده صلح کینگشی» صفتیده تعریف ایتگن تونترووچیلر تیارله‌گن بیلدیروو زوروانلیک بیلن‌ اوقیتیلدی. عینِ بیلدیروو قوراللی کوچلر قومندان لیگی رهبریتی نینگ انترنیت سایتیده هم نشر ایتیلدی. متنده قوراللی کوچلری نینگ باشقروونی مصادره‌ ایتگنی، کوچه ‌گه چیقیش من قیلینگنینی و برچه‌ میدیا اورگانلری نینگ بو بیلدیروونی تیزلیک بیلن نشر ایتیشی کیره ‌کلیگی بویوریلدی. کیینچه ‌لیک گولباشی پولیس‌ مخصوص حرکتی، ترکیه بویوک ملت مجلسی، جمهور رئیسلیک مجتمعی، ترکسا‌ت، انقره ولایتی خوفسیزلیک بنالری بمباردمان قیلیندی.

بو اشغالچیلر همه‌ نرسه‌ نی ریجه له‌گن لیکن شونی ایسدن چیقردیلر؛ بو الله تعلی نینگ تقدیری، خلق نینگ کوچی و جسارتیدیر. قرآن، نماز، بیراق بیلن یازیلگن تاریخ، آنگ و اِیمان ترک ملتی نینگ قراری ایدی. فوق العاده بیر حالتنی سیزگن ییگیت و قهرمان ترک خلقی اجتماعی میدیا آرقه ‌لی تشکیلاتلنیشگه باشله ‌گن ایدی. آرتیدن باش وزیر بن علی ییلدیریم «بو قوشین ایچیده  خایین بیر گروه نینگ ایشی دیر. جزالنتیریله‌ دی» دیب ایتدی. کیینچه‌ لیک بیلال حبش اوقیگن لیگی، تخمین ایتیلگن بیر سیس بیلن مناره ‌لردن ییره گن صَلواتلر… و نشانگه آلینگن  ملت نینگ کوز قاره‌چیغی، جناب ایردوغان نینگ بیر تلویزیون‌ کانالیدن خلقگه قیلگن خطابیدیر. شهر میدانلریده،  قونلغه لرده، ملتیمیزدن باشقه‌ اوستون بیر کوچ یوق» منه‌ او آقشم نینگ قاره‌ حرکتی،  بو خایین تشبثنی تارو-مار ایتگن بیر حرکت بولدی.  جمهور رئیس ایردوغان خلقدن کوچه ‌لرگه چیقیب قرشیلیک کورسه ‌تینگ دیگندن کیین خلق آقیم ایتدی. قیلنگن طهارت، ایشانگن یوره ک تیللرده تکبیر بیلن بیر یوره‌ ک بولگن انسانلر،  اوچاق، تانک، هلیکوپتر، زره‌ واسطه‌ لرگه قرشی چیققن جنگ آور قهرمانلرنی تونترووچی خایینلر بمباردمان قیلدی. باشده استانبول، انقره بولیب تونترووگه قرشی ناراضی چیلیک و قرشیلیک کورسه ‌تگن عسکرلر، پولیس‌ و ناحربي 248 کیشی شهید بولدی و 1537 کیشی ایسه تن جراحتی آلدی.

ترکيه 16 جولای کونی تونترووگه تشبث ایتگنلر تسلیم بولگن تصویرلری، آقینجی هوا مرکزیده گروگه آلینگن قوماندانلر نینگ آزادلیک خبرلری بیلن باشله ‌دی. 15 جولای بو ملت نینگ قَیته تیریلیش داستانیدیر، ترک ملتی چانا‌قلعه اوتیلمس دیگنی کبی بو گل ترکيه بولینمس، ملت یینگیلمس دیدیرتتیرگن بیر  کون.

او کون بیراغیمیز هیلپیره‌ دی.

صلوات لر مدحیه میز ایدی

تکبیرلر رمزیمیز ایدی

اناطولی ینه‌ بیر بار شهیدلری و  قهرمانلری بیلن بیر وطن بولدی. 15 جولای بیر رهبر نینگ اطرافیده توپلنیش نینگ برکتی و مظفرلیگیگه گواه بولدیک. او کون دشمنلر تارو-مار ایتیلدی. او کون بیرلشیب وطننی حمایه‌ قیلیشنی اورگندیک. او کون ینه‌ بیر بار بویوک ملت، بویوک دولت نینگ قنده‌ی بولگنینی همه‌ گه کورسه ‌تدیک.

اوکون بیز دنیاگه داستان یازدیک!



علاقه لی ینگی لیکلر