قطر بحرانی

ترکیه نینگ نگاهیده اورته شرق

قطر بحرانی

قطر بحرانی

سعودی عربستان، بیرلشگن عرب امیرلیک لری و مصر داخل بیر قطار عرب اولکه لری تورلی عیبلاولر بیلن قطر بیلن دیپلوماتیک مناسبت لرینی توخته تیب قویدیلر. بیز هم بو هفته قطر بحرانی و منطقه گه انعکاس لرینی ایشلب چیقه میز.

منه ایندی شو توغریده آتاترک عالی بیلیم یورتی خلق ارا علاقه لر بولیمی اسیستانت لریدن جمیل دوغاچ ایپک نینگ یازووینی تقدیم ایته میز.

سعودی عربستان، بیرلشگن عرب امیرلیکلری و مصر داخل بیر قطار عرب اولکه لری نینگ تورلی عیبلاو بیلن قطر بیلن دیپلوماتیک علاقه لرینی کیسیب قویگن لیگی کورفزب منطقه سیده سونگی پیتده گی اینگ بویوک دیپلوماتیک بحرانگه باعث بولدی. دیپلوماتیک مناسبت نینگ تماماً کیسیلیشی امریکا قوشمه ایالتلری نینگ ترامپ اداره سی آرقه لی "قطر بیلن مناسبت لرنی تیکشیریب چیقینگ" دیگن فشار وارد بولگن بیر دور بولدی. سعودی عربستان و اونینگ یانیده گی عرب اولکه لری قطرنی تروریزم نی حمایه قیلگن لیگی بیلن عیبله ماقده. لیکن بو اولکه لرنینگ قولیده بیر دلیلی یوق.

قطر، بصره کورفزیده کیچکینه گینه بیراق منطقه سیاستی و اقتصادی اوله راق تأثیر قالدیرووچی بیر اولکه دیر. 330 مینگ اوز وطنداشی توپلم 3 ملیون کیشی یشه ماقده. دنیانینگ 3 نچی گاز ذخیره سی قطرنینگ دیر. مهم عالی بیلیم یوراتلری، توشونچه موسسه لری و الجزیره کبی مهم بیر خلق ارا میدیاگه ایگه دیر. توپراقلریده جایلشگن خارجی عسکر و مرکزلر هم بار. ترکیه بیلن مناسبتی جوده یخشی گینه. قطرنینگ منطقه ده ترکیه بیلن انرژی ساحه سیده همکارلیک توغریسیده آتگن آدیملری، ترکیه بیلن عسکری مناسبتی، حتی ترکیه نینگ قطرده گی عسکری مرکزی نینگ کورفز اولکه لرینی ناراحت قیلگن لیگینی کورماقده میز.

کورفز نینگ اینگ بای اولکه سی بولگن قطر منطقه ده گی دموکراتیک لشوو حرکت لری قیلگن همکارلیگی باعث عرب جامعه سی نینگ اوستیگه یخشی تأثیر قالدیرگن. هم منطقه همده خلق ارا جامعه ده تأثیر قالدیرگن بیر اولکه دیر. اینیقسه انگلیسچه و عربچه نشرات قیلیب تورگن الجزیره میدیا گروهی بیلن قطر هم منطقوی همده گلوبال سویه ده علاقه لرنی اوزیگه جلب قیلیب آلماقده. قطر کورفزنینگ ایریم اداره لریگه کوره کوپراق لیبرال سیاستی بیلن دقت ترتماقده. عرب بهاری جریانیده کتله وی مخالفت گه و ینگی لیکچی گروهلرنی حمایه قیلگن لیگی کورفز سلطنت لری نینگ قطرگه قره ته بولگن عکس العملی نینگ اساسینی تشکیل ایتماقده. قطرنی سعودی عربستان، بیرلشگن عرب امیرلیکلری، مصر و امریکا قوشمه ایالتلری تامانیدن آماج قرار بیریلیشی گه باعث بولگن دوحه اداره سی نینگ سیاسی ترجیح لری و سیاست ده گی تأثیراتلری دیر. بناً ترکیه و قطرنینگ سوریه ده اسدگه قرشی معتدل مخالفت نی حمایه قیلگن لیگینی بیله میز. ژنو و آستانه جریانیده مخالفت نی میزنینگ اطرافی گه اولتیریشی گه قانع قیلگن ترکیه بیلن قطر بولدی.

نفت صادر قیلیب تورگن اولکه لر بیرلیگی OPEC نینگ اعضالریدن بیرته سی بولگن قطرگه عملی قیلگن دیپلوماتیک تحریملر، نفت نرخی نینگ یوقاری باریشی گه سبب بولدی. برنت نفت نینگ بیرل نرخی تقریباً 2 % یوقاری کیتیب 50 دالر سویه سی نینگ اوستیگه چیقدی. منطقه ده گی بحران نینگ کتته بولیب کیتشی بیلن قطرنینگ OPEC دن جدا بولیش احتمالی بار. بو نفت نرخی نینگ یوقاری کیتیشی گه باعث بوله دی. بو کورفز بحرانی ترکیه کبی منطقوی اکتورلرنینگ فعالیتی بیلن قیسقه مدت جریانیده حل بوله دی دیب امید قیله میز. و منطقه ده یینه بیر کورفز اوروشی یوز بیرمه یدی. بیراق اوروش اوزاق هم بولسه احتمالی بار. سعودی عربستان نینگ ینگی رهبریتی نینگ یمن مسئله سی نینگ اداره شکلی گه قره گنده بو بحران نینگ منطقوی بیر اوروش گه اینلیش احتمالی کم بولسه هم اما موجود.

ترکیه اولاً عنعنوی تشقی سیاستی ماس ا.له راق منطقه ده شیعی – سنی کبی مذهب چی قطب لشوودن اوزاق توره دی. لیکن منطقه ده مهم متفق لریدن بیر قطرنینگ منطقوی تجرید گه دوچ قالگن لیگی گه هم دوست لیگین کورسته دی. اسلام همکارلیک تشکیلاتی نینگ دوره ریاستی قولیده بولگن ترکیه جمهور رئیسی ایردوغان آلیب باراتگن هر تامانلمه دیپلوماسی بو توغریده یشخی بیر ایش دیر. جمهور رئیس رجب طیب ایردوغان نینگ قطر بحرانی باشله گندن بیری آلیب بارگن دیپلوماتیک فعالیت لر بحران نینگ کوپراق ییره ییب بارمس لیگی گه تأثیر قالدیردی. قطر اداره سی نینگ بحران نینگ ابتداسیدن بیری آلیب بارگن مثبت معناده گی سیاست هم، بحران نینگ کتته بولیب کیتیشی گه مانع بولدی. ترکیه کورفز منطقه سی نینگ استقرارینی اوز استقراری اوله راق کورماقده. داعش گه قره ته، داریکالیزم گه قره ته، مذهب چیلیک و اسلام دشمن لیگی کبی موضوعلرگه قره ته مجادله توغریسیده منطقه ده گی برچه اولکه لر بیلن همکارلیک ایچیده بولیشگه اهمیت بیرماقده. البته اولکه لرنینگ تورلی مسئله و فکرلری بولیشی ممکن. لیکن هر شرایط ده اوچره شوولرنینگ دوام ایتیشی کیره ک. موجود وضعیت دن اینگ کوپ متأثیر بولگن اولکه لرقطاریده ترکیه بیرینچی اورینده توره دی. بناً کیلگوسی جریانده ترکیه وضعیت نینگ نورمال لشووی اوچون هم قولیدن کیلگننی قیله دی و تورلی همکارلیک قیله دی.     



علاقه لی ینگی لیکلر