ترکیه – لبیا مناسبت لری: خطرلر و فرصت لر

ترکیه نینگ نگاهیده اورته شرق

ترکیه – لبیا مناسبت لری: خطرلر و فرصت لر

 

ترکیه – مناسبت لری: خطرلر و فرصت لر

لبیاده 2011 – ییلی فبروری انقلابیدن 6 ییل بولدی. بیراق لبیاده بحران هنوز دوام ایتماقده.  

بیز هم موضوع بیلن تیگیشلی اوله راق آتاترک عالی بیلیم یورتی اسیستانت لریدن جمیل دوغاچ ایپک نینگ یازووینی تقدیم ایته میز.

لبیا 9 – عصردن بیری ترکلر یشه گن، ترکلر تامانیدن اداره قیلینگن و علاقه کورسه تیلگن بیر جای دیر. منطقه ده گی ترک موجودیتی طولون اوغول لری (886-905) بیلن باشلب، اخشیدیلر (935-969)، ایوبی لر (1171 – 1250)، مملوکی لر (1260- 1517) و 1912 ییلی گچه عثمانلی لر بیلن دوام ایتگن دیر. منطقه عثمانلی لر اوزاق مدت قولگه توتگن اولکه لبیا دیر. میلادی 1912- ییلی سویس نینگ اُوچی شهریده امضالنگن کیلیشوو بیلن منطقه نی ایتالیاگه ترک ایتگینچه ترکلر لبیادن محافظه ایتگن دیر. 1912 – سسلدن کسسن هم ترکلرنینگ لبیا بیلن مناسبتی کیسیلمه گن. لبیا آزاد لیگینی قولگه کیریتیشی بیلن تکرار کوچلنگن بو مناسبت اینیقسه 1970 – ییللردن کیین سیاسی، اقتصادی، تجاری و مدنی اوله راق دوام ایتگن.

عرب بهاری نینگ سیاسی نتیجه لری لبیا اوچون ویران قیلووچی بیر حادثه بولدی. اولکه ده کوپ قطب لی بیر اداره یره تیلدی. ترکیه جمهوریتی هم انقلاب جریانیده همده انقلاب دن کیین لبیا و لبیالیکلرگه قرشی دوستانه بیر یانداشوو ایچیده بولدی. 2011 – ییلی جون آییدن کیین ترکیه ملی موقتی شوراسینی لبیانینگ مشروع نماینده سی اوله راق تانیدی. ترکیه، قیته قوریلیش جریانیده لبیاگه همکارلیک قیلدی. بیراق 2014 – ییلی فبروری – می آی لریده خلیفه حفترنینگ کودتا تشبثی بیلن لبیا سیاستی شدت و زوروانلیک نی بیر ترجیح اوله راق استفاده قیلینگن بیر دورگه کیردی. بوگون حفتر اداره سیده گی قوراللی کوچلر، لبیانینگ شرق تامانینی باشقرماقده. اولکه نینگ غرب و جنوب تامانیده مستقل قوراللی گروه لر حاکم. اولکه ده اوچ ایریم مجلس و حکومت مشروعیت ادعاسی ایچیده دیر. ترکیه، بو بحران نینگ ایچیده توقنه شوولرگه طرف بولیشدن خوددارلیک قیلماقده. ایچکی توقنه شوولرنینگ ملی مطابقت اساسیده نهائی قیلیش و سیاسی جریاننی پیاده قیلیش کیره ک دیب ایتماقده. ترکیه بیرلشگن ملتلر تشکیلاتی نینگ تشبثی بیلن لبیاده گی برچه تامانلرنی اوز ایچیگه آلگن و اولکه ده گی پارچه لنگن ساختارنی نهائی قیلیش اوچون ایجاد ایتیلگن ملی مطابقت حکومتینی حمایه قیلماقده. لیکن ملی مطابقت حکومتی گه قره ته منطقوی و خلق ارا همکارلیک شو پیله گچه اونینگ مسئله لرینی حل قیله دیگن درجه ده عملگه آشیریلمه گن.

میلادی 2012-2013 ییل لریده، لبیا سیاستی نینگ تعیین قیلووچی اکتوری بولیش گه موفق بولگه گن خلیفه حفتر شو مدت جریانیده بعضی بیر منطقوی و خلق ارا اکتورلرنینگ حمایه سینی قولگه کیریتیش گه موفق بولدی. بو حمایه بیلن حفتر، مصرده گی عسکری اداره نی تقلید قیلیب، لبیانینگ شرق تامانیده بیر عسکری اداره ایجاد ایتدی. بو جدی بیر شکلده معما خلق قیلدی. بو هم لبیاده تکراردن قیته قوریش حادثه سیگه باعث بولماقده. ترکیه لبیا مناسبتی گه هم بو بحران تأثیر قالدیرماقده و همکارلیک ساحه سی تار بولیب بارماقده. بو نقطه ده روابط و همکارلیک اوچون معلوم اکتورلر بیلن تماس برقرار بولالمه گن لیگی اوچون ویزه، ترک شرکت لری نینگ لبیاگه باریشی، ترکیه لبیا آره سیده پول انتقالی و حواله سی و تجاری همکارلیک موضوع لریده جدی بیر شکلده قیین چیلیک که دوچ کیلینگن. منطقوی و خلق ارا اکتورلرنینگ همه سی بو معما بیلن دوچ کیلگن.

ترکیه لبیا خلقی بیلن تاریخی بیر مناسبت گه ایگه دیر. بناً ترکیه لبیا خلقی نینگ ترقیاتی کوپ اهمیت بیرماقده. 2011 – ییلی فبروری کودتاسی نینگ آرتیدن ترکیه، ملی موقتی شوراسینی لبیانینگ یگانه نماینده سی اوله راق تانیدی. 2 سپتمبر 2011 ییلی ترابلوس گه بویوک ایلچی تعیین قیلگن بیرینچی اولکه بولدی.

ترکیه، لبیاده گی بحران نینگ حل بولیشی اوچون موجود برچه مسئله لرگه دقت قیلیب، بحران نینگ نهائی بولیشیگه قره مه ی لبیاده گی دولت اداره لری نینگ قیته دن قوریلیشی اوچون آدیم آتیشی ممکن. بو نقطه ده دولت اداره سیده متخصص بیر ترک هیأت ایجاد ایتیب، لبیا دولتی نینگ قیته دن بنا قیلینیشی بیلن علاقه لی بیر قطار پروژه لر یره تیشی ممکن. چونکه بو منطقه ده جدی بیر شکلده قیته دن قوریش حادثه سی یوز بیرماقده و لبیا بو منطقه ده اینگ کوپ ضرورتی بولگن اولکه دیر. ترکیه نینگ لبیاگه خاص حصه قوشیشی منطقه ده بیر نمونه بولیشی ممکن.

ترکیه – لبیا سیاسی کیلیشووی اساسیده، تینچ لیک و کیلیشووگه قره ته آتیله دیگن آدیملر بیلن لبیانینگ تمامیت ارضی و ملی بیرلیگینی کوچلی بیر شکلده حمایه قیلیب دوام ایته دی. لبیاده بیر حکومت نینگ ایجاد ایتیلیشی بیلن خوفسیزلیک نینگ تأمین ایتیلیشی، استقرارنینگ تکرار تأمین بولیشی، نفت عایداتی نینگ آرتیشی بیلن ترکیه – لبیا اقتصادی مناسبتی نینگ تکرار باشله ییشی کوچلی بیر احتمال دیر. لبیاده ترکیه، قدیم بولگن دیک، مهم بیر اکتور بوله دی. بیراق موجود حادثه لرنی قولگه آلگنده بو قیسقه بیر مدت جریانیده ایمس، بیر مدت جریانیده عملی بولیشی ممکن کبی کوریله دی.       



علاقه لی ینگی لیکلر