آستانه تورتینچی اوچره شوولری و سوریه بحرانی نینگ کیلجگی

ترکیه نینگ نگاهیده اورته شرق 19

آستانه تورتینچی اوچره شوولری و سوریه بحرانی نینگ کیلجگی

 

آستانه تورتینچی اوچره شوولری و سوریه بحرانی نینگ کیلجگی

سوریه بحرانینی حل قیلیش اوچون آلیب باریلگن آستانه اوچره شوولری نینگ 4 – سی بولیب اوتدی.

بیز هم موضوع بیلن تیگیشلی اوله راق آتاترک عالی بیلیم یورتی اسیستانت لریدن جمیل دوغاچ ایپک نینگ یازووینی تقدیم ایته میز.

سوریه ده انسانی بحران 6 ییلدن بیری دوام ایتماقده. بوگونگچه یریم ملیوندن کوپراق انسان حیاتینی ییتیرگن. جان بیرگنلرنینگ کوپراغی (اسد حکومتی نینگ هجوملری نتیجه سیده) اولگن ملکی اهالیدن عبارت. سوریه ده گی ایچکی اوروشنی نهائی قیلیش مقصدی بیلن ترکیه، روسیه و ایران نینگ فعالیتلری بیلن آستانه اوچره شوولری دوام ایتماقده.

سونگ پیتلرده ترامپ پوتین تیلفونی صحبتلری، ایردوغان پوتین صحبتی و آستانه 4- اوچره شووی دنیانینگ دقتینی تکرار سوریه قره تدی. 2016 – ییل نینگ آخریده سوریه جریانی باشله گن دن بیری اساسی هدف سوریه ده گی معمانینگ دائیمی حل قیلیش اوچون سیاسی جریاننی باشله تیش ایدی. بونینگ ایلک مرحله سی ایسه توقنه شوولرنی توخته تیش ایدی. بیش آی بوییچه توقنه شوولرنینگ توخته تیلیشی اوچون انیق بیر میکانیزم ایجاد ایتیش اوچون فعالیت آلیب باریلدی. سوریه ده ایچکی اوروشنی نهائی قیلیش نی آماجله گن ژنو اوچره شوولرینی تکمیل قیلووچی بولگن آستانه اوچره شوولریده شوپیله گچه انیق بیر شکلده موفقیت قولگه کیریتیلمه گن. بو بار انیق بیر موفقیت قولگه کیریتیش اوچون آستانه اوچره شوولری نینگ تورتینچیسی بیر نیچه کون آلدین قزاقستان نینگ پایتختی آستانه ده بولیب اوتدی.

آستانه 4 نینگ آرتیدن ترکیه، روسیه و ایران مکافاتچی اولکه لر اوله راق بیر کیلیشوو امضاله دیلر. بونگه کوره ادلب ولایتی و قوشنی اولکه لرنینگ معلوم منطقه لریده (لاذقیه، حلب و حما ولایتلری) حمص ولایتی نینگ بعضی بیر منطقه لریده شرقی گوتا منطقه سیده جنوبی سوریه نینگ بعضی بیر منطقه لریده، توقنه شووسیز منطقه ایجاد ایتیله دی. توقنه شووسیزلیک و خوفسیز منطقه لرنینگ ایجاد ایتیلیشی موقتی دیر. مدتی ایلک مرحله ده 6 آی بوله دی. ضامن اولکه لرنینگ قبول ایتیشی بیلن بو مدت نینگ تمدید ایتیلیشی ممکن.

کیلیشووگه کوره، توقنه شووسیز منطقه لر ایچیده؛ توقنه شووگه ایجاد ایتگن تامانلر (بشارالاسد حکومتی و آستانه گه اشتراک ایتگن/ اشتراک ایتووچی معتدل مخالف گروه لر) آره سیده هوائی حرکات لر داخل تورلی شکلده قورال استفاده قیلیش توخته تیله دی. عاجل و انسانی یاردم عملگه آشیریله دی. ایچیله دیگن سوو و الکتریک قاله ویرسه ایریم اساسی ضرورتلر خدماتی نینگ تکرار عملی قیلینیشی بیلن علاقه لی آدیم لر آتیله دی. سوریه لیکلرگه طبی یاردم عملگه آشیریلیشی و ابتدائی ضرورت لرنینگ آلیب باریلیشی کبی شرط لر تأمین ایتیله دی. اولکه نینگ ایچکری و تشقریسیگه بدرغه بولیب کیتگنلرگه قیتیش لری اوچون شرایط تأمین ایتیله دی. توقنه شووسیز منطقه لرده قورال سیز ملکی اهالی نینگ راحت حیات کیچیریشی اوچون و انسانی یاردم لرنینگ تسلیم بیریلیشی و اقتصادی فعالیت لرنی آسان قیلیش مقصدی بیلن کوزه تووچی نقطه لر ایجاد ایتیله دی. آتش کیس نینگ مراعات قیلینیشی اوچون کوزه تووچی و کنترول نقطه لری قوریله دی و بولرنینگ اداره سی ضامن اولکه لرنینگ تصدیق قیلیشی بیلن بولرنینگ کوچلری تامانیدن آلیب باریله دی. ضرور بولگنده اوچونچی اولکه لرگه هم وظیفه تاپشیریله دی.

یینه مطابقت گه کوره، تامانلر آره سیده یوز بیره دیگن حادثه لر و عسکری توقنه شوولرگه مانع بولیش مقصدی بیلن توقنه شووسیزلیک حدودی بوییچه خوفسیز منطقه ایجاد ایتیله دی. ضامن اولکه لر تامانلرنینگ آتش کیس نی مراعات قیلیش لری اوچون کیره ک لی برچه تدبیرلرنی آله دی. ضامن اولکه لر مطابقت امضالنیشی بیلن ایککی هفته جریانیده جزئیات نی معلوم قیلیش اوچون بیر ایش آلیب بارووچی تیم ایجاد ایته دیلر. بو مشترک فعالیت گروهی آستاده ده ییغیله دیگن سوریه بیلن علاقه لی خلق ارا جلسه لرده راپور تقدیم ایته دیلر. هدف گه ییتیب بارگنده توقنه شووسیز منطقه لرنینگ نماینده لری آرقه لی سیاسی بیر کیلیشووگه باریش آماج لنماقده. بناً بو پلان سوریه ده گی معمانینگ حل یولی ایمس دیر. لیکن موفقیت قولگه کیریتیلگنده معمانی حل قیلیش اوچون بیر یول بوله دی.

ایردوغان پوتین اوچره شوویدن کیین آستانه اوچره شوولریده ینگی بیر مرحله گه اوتیلدی. توقنه شووسیزلیک منطقه لری، ترکیه اوچون بو اصطلاح "خوفسیز منطقه لر" تکلیفی گه باره دیگن بیر یول دیر و بو منطقه لر موفقیت لیک بیلن عملی بولگنده سوریه ده بحران نینگ حل بولیشی اوچون جوده مهم بیر آدیم آتیلگن بوله دی. مطابقت نینگ موفق بولیشی اوچون ضامنلرنینگ اوستیگه تأثیری بولگن گروه لرنی کنترول آستیگه آلیب، پلانگه ماس حرکت قیلیش گه سوق ایتیشی کیره ک. خصوصاً روسیه نینگ ملکی اهالی گه قره ته هوائی هجوملرینی توخته تیشی و بشارالاسد حکومتی بیلن ایران نینگ گروه لرینی آتش کیس نی عملی قیلیشلریگه قانع قیلیشی کیره ک.

سوریه ده حل یولی اوچون کلیدی نقطه ده ترکیه بار. تصویر نینگ اینق اوله راق نمایان بولیشی اوچون 16-17 می ده گی ترامپ ایردوغان اوچره شووینی و نتیجه لرینی کوتیب توریش کیره ک.

 



علاقه لی ینگی لیکلر