اورته شرق ده بحران، استراتیژیک مدافعه سیستم لری و ترکیه

سیاسی تحلیل

اورته شرق ده بحران، استراتیژیک مدافعه سیستم لری و ترکیه

اورته شرق ده بحران، استراتیژیک مدافعه سیستم لری و ترکیه

اورته شرق ده ییره ییب بارگن بحران ساحه لری و اورته گه چیققن دولت دن تشقری اکتورلر ترکیه کبی منطقوی کوچلرنی مدافعه سیستم لرینی توسعه بیریش اوچون مجبور قیلماقده. بیز هم موضوع بیلن تیگیشلی اوله راق آتاترک عالی بیلیم یورتی اسیستانت لریدن جمیل دوغاچ ایپک نینگ یازووینی تقدیم ایته میز.

ترکیه نینگ هم ایچیده بولگن اورته شرق جغرافیه سیده، سونگی 50 ییل جریانیده کوپ سانده، توقنه شوو، بحران و حرب یوز بیردی. بولر مابینیده دولتلر آره سیده اوروشلر بیلن ترکیبی اوروشلر هم بار. ترکیه بوگون کینگ بیر جغرافیه ده تورلی خوفلرگه دوچ قالگن. بناً 15 – جولای نینگ آرتیده گی جریانده هرتامانلمه و اساسی بیر مدافعه – خوفسیزلیک تدبیری کوزگه توتیلگن.

ترکیه 1960 ییل لردن بیر بالیستیک راکت تهدیدی آستیده دیر. ترکیه ناتو مدافعه چوکاتیده جای آلگن لیگی اوچون اوزاق مدت بو تهدیدگه قرشی تدبیر آلمه دی. بوگون ترکیه نینگ اطرافیده تورلی راکت تهدیدلری موجود. ایران نینگ قولیده 10 ییل دن بیری 1500 کیلو مترلیک سیستملر موجود. روسیه 2008 – نچی ییلی حربیده گرجستانگه بالیستیک راکت آتدی. بوگون هم 500 کیلومترلیک اسکندر راکتینی بیر تشقی سیاسی واسطه سی اوله راق قیریم و شرقی اروپاده استعمال قیلماقده. سوریه ده گی بحران و توقنه شوو فضاسی نینگ ایچکی اوروش گه اینلگن لیگی، عراق و سوریه ده داعش و پی کاکا کبی گروه لرنینگ موجودیتی، ترکیه نینگ بو فعالیتی گه سرعت بیریشی گه باعث بولدی. قوشنی جغرافیه سیده گی یوکسک خطرلرباعث راکت سیستم لری بیلن کیمیاوی قوراللرگه قرشی ترکیه نینگ هم تورلی تدبیرلر آلیشی شرط. ترکیه نینگ اورته شرق سیاستینی اولاً بو قیغو تعیین ایتماقده.

استراتیژیک هوا مدافعه سی، اولکه لرنینگ بویوک استراتیژیسی و تشقی سیاستی بیلن تیگیشلی بولگن بیر موضوع دیر. مدافعه سیستملری خصوصیت و قابلیتی، آتیلگن راکت نینگ خصوصیتی گه باغلیغ دیر. 1،500 کیلومتر و اوزاقراق مصافه ده بالیستیک راکتلرگه مانع بولیش امکانسیز. بولر اوچون فضاده جایلشتیریلگن آلدیندن تثبیت و معلوم قیلووچی ماهواره لر، ترکیه نینگ قاره ده گی رادار استیشنی کبی خاص سنسورگه ضرورت بار. بولرنی ریجه لب تولید ایتیلیشلری و استعمال قیلینیشلری جوده خرجتلی دیر. بالیستیک راکت ساحه سیده ینگی تکنالوژی و حل یوللری تاپیلماقده. کم پیتده خذمت گه قوییله دیگن سیستملر، موجود مدافعه لردن کوپ یخشی بولیشی ممکن.

راکت مدافعه سیستمی کوپ خرجت لی بیر ساحه دیر. لیکن فقط بودجه اجره تیش بیلن حل بوله یاتگن مسئله ایمس. مثال اوچون، امریکا قوشمه ایالتلری راکت مدافعه سیستمی اوچون سونگی 30 ییل جریانیده 350 ملیارد دالر مصرف بولگن. بو فقط دولت تامانیدن بولگن مصرفلردن عبارت. خصوصی سکتور و صنایع تامانیدن بولگن خرجت لر بوندن تشقری دیر. امریکا قوشمه ایالتلریده ییل لیق اورته چه 10 ملیارد دالر راکت مدافعه سیستمی اوچون مصرف قیلماقده.

ترکیه نینگ رادار ساحه سیده هم جدی شکلده سرمایه گذارلیک بولگن. بو ساحه ده گی مهم پروژه لردن بیرته سی ملی کیمه دیر. بو تالس شرکتی نینگ جوازی بیلن عسلسان تامانیدن تولید قیلینگن 3 بُعدلیک دینگیز آستی قیدیروو راداری SMART-S Mk2 پروژه سی دیر. بو پروژه ده ایلک رادارلرده گی آلووچی / بیرووچی تجهیزاتی تیار آلیندی. کیینگی لر ملی امکانیت بیلن ایشلب چیقریلگن لر استفاده قیلیندی. بوگون تالس ایریم اولکه لر اوچون تولید قیلگن رادارلرنینگ تجهیزاتلرینی ترک شرکتی عسلساندن آلماقده دیر. عین دمده 3 بُعدلیک آلدیندن خبر آلیش رادار سیستمی پروژه سیده فعالیت آلیب باریلماقده دیر. ترکیه ملی حربی اوچاق و ماهواره جایلشتیریلگن سار راداری پروژه لرینی هم عملی قیله دی.

نتیجه ده هوا مدافعه سی ایچ – ایچگه کیرگن طبقه لردن عبارت بیر ساختار دیر. هیچ بیر سیستم یککه اوزی مسئله نی حل قیلالمه یدی. اولکه نی هر تامانینی بیر مدافعه چطری آستیگه آلیش اوچون مانع بولیشنی اینیقسه فضاده عملگه آشیریش کیره ک. هوائی مدافعه؛ انسانسیز هوا واسطه لری، هلیکوپتر، اوچاقلر، راکت و بالیستیک راکتلرگه قرشی راکتلر و بولرگه جهت بیرووچی سیستم لری بیلن بیرگه لیکده دیر. ترکیه نینگ کوچلی و ملی بیر مدافعه سیستمی بنا قیلیشی منطقه ده گی تینچ لیک و خوفسیزلیک اوچون کوپ اهمیت گه سزاواردیر.

ترک مدافعه صنایع سی، اینیقسه 2002 نچی ییلدن بیری بویوک بیر ترقیاتگه اوتدی. کوپ سانده موفق پروژه لرگه قول قوییلدی. سکتورنینگ ایاق آستیگه توریشی اوچون فعالیت آلیب باریلگن بو جریانده انچه پروژه آلیب باریلدی. بو پروژه لرنینگ کوپراغی عملی بولیش جریانیده دیر. خودی شو وضعیتده ترک مدافعه صنایع سی، تولید، ایش آلیش- دوام ایتیش جریانینی هدف قیلگن. دوام ایتیش جریانی نینگ مهم مرحله سی صادراتده ترک مدافعه صنایع سی جدی بیر شکلده ایلگری بارگن.    

 

 


لیبل: تحلیل

علاقه لی ینگی لیکلر