کارل بیلدت: اروپا، ایردوغان اوچون ایاقده تیکیلیب تور

کارل بیلدت: اروپا، ایردوغان اوچون ایاقده تیکیلیب تور

دموکراتیک ارزشلر اوستیده بنا ایتیلگن بیر منطقه ده کودتاگه اورین یوق دیر.

بروکسیل اویقوده می، ویا معلوماتی یوق می؟ اروپالیک رهبرلرنینگ 15 نچی جولای ده ترکیه ده یوز بیرگن کودتا تشبثی گه قرشی کورستگن عکس العمل نینگ آرتیدن شو سوالنی مطرح قیلیش ممکن.

عصیانچی گروه نینگ موفقیت قولگه کیریتگن لیگینی و بیر خیل عسکری – سیاسی کوچ نینگ ترکیه ده گی دولت کوچینی قولگه کیریتگن لیگینی تصور قیلینگ...

میلادی 1967 نچی ییل اپریل آییده، آتن ده دگروال لرنینگ تانکلر نینگ کوچی بیلن  قولگه کیریتگن لیگی، مینگ لب کیشینی اوشلب، یونان و اروپا اوچون تقریباً 10 ییل دوام ایتگن بیر بحران باشله تگن دور کبی آسان بولرلیگی گه ایشانمه ی من.

کودتا کوچلری مخالف لرنی توختتماقچی بولیب، انقره و استانبول کوچه لریده یوز بیره دیگن بویوک قتل عام لرگه شاهد بولیشیمیز ممکن ایدی. جولای 2013 نچی ییل ده گی کودتانینگ آرتیدن قاهره ده یوز بیرگن شدتلی قتل حادثه لرینی ایسلب قویینگ.

ترکیه ده موفق بولگن بیر کودتا حرکتی، یوکسک احتمال اولکه نی بیر حرب نینگ ایچیگه آتیب برباد قیلردی. بونقه بیر وضعیت نینگ تخمین ایتیلمه یاتگن درجه گه باریشی ممکن.

شدت، بحران و اولیمدن قاچگن ملیونلب کیشی ترک وطنداشی شو پیتده ترکیه ده مهمان بولیب تورگن 2 ملیون دن آرتیق سوریه لیک مهاجرلرگه قوشیلیب، اروپا گه قره کیتردی. اروپا بیرلیگی 2015 ده گی مهاجر فاجعه سیدن داها بویوک بیر قاچقین بحرانی گه دوچ کیلیب قالردی.

نی اروپا بیرلیگی گه اعضا اولکه لریگه نی قوشیلیش مذاکره لری جریانیده بولگن اولکه لرده جدی بیر عسکری کودتا حرکتی یوز بیرمه گن. هنگری و یا ایریم بیر جایده بیزنینگ قانون استوارلیگی میزگه عملگه آشیریلگن هجوم، تلویزیون استیشن لرینی اشغال قیلیب، پارلمان بناسی گه بمب آتگن و اولکه نینگ سیلاو بیلن کیلگن جمهور رئیسینی قولگه کیریتیب اوشله ماقچی بولگن بیر کودتا تشبثی بیلن مقایسه قیلیش ممکن ایمس.

خطر برطرف ایتیلگن ایدی، بیراق 265 کیشی نینگ اولیشی و 1100 کیشی نینگ یره لنیشی گه باعث بولدی. ترکیه نینگ سیاسی حزب لری سرعت لی بیر شکلده بیردم لیک بیلن کودتا تشبثی گه لنت ایتدیلر. بو مثالسیز همکارلیک، ترک دموکراسی سینی داها خوفسیز بیر فضاگه آلیب باریشی ممکن.   

بیراق کودتا یوز بیرگن کیچه سی اروپا بیرلیگی نینگ حادثه نی محکوم ایتیشی کیچراق عملی بولدی و اساسی قانون ترتیبی گه عملگه آشیریلگن اینگ بویوک تهدید بیلن دوچ کیلگن و اعضالیک ایشلری دوام ایتیب تورگن ترکیه گه یوکسک مرتبه لی اروپا بیرلیگی نماینده لری نینگ حمایه قیلیش اوچون کیلیش لری بیلن علاقه لی هیچ بیر اشاره یوق ایدی.

بونینگ جاییده اروپالیک رهبرلر ترک اداره چیلرنینگ دولت ایچیده گی گولن حرکتی گه باغلیغ ملازیملرنینگ تمیزلش جریانینی سوراغلب باشله دیلر.

ترکیه اروپا انسان حقلری بوییچه اعلامیه سینی توختتماقچی بولگنده اروپا بیرلیگی رهبرلری بونی تأیید ایتمه گنلیکلرینی بیان ایتدیلر. بیراق فرانسه نینگ نومبر آیی پاریس ده یوز بیرگن تروریستیک هجوم نینگ آرتیدن بونی قیلگن لیگینی اونوتگن ایدیلر. ترکیه نینگ اساسی قانون ترتیبینی برهم اورماقچی بولگن کوچلرگه قره ته اوزیدن مدافعه قیلیش اوچون بعضی بیر آدیملر آتیش گه حقی بار و بونی قیلیشینی سوراغلش ممکن ایمس.

صمیمیت بیلن ایتماقچی من اروپا شوراسی و اروپا انسان حقلری محکمه سی حادثه لر برطرف ایتیله دیگن مدت جریانیده وضعیت نی دقت لی بیر شکلده قولگه آله دی. کودتانی حمایه قیلیش احتمالی جده آز بولگن ژورنالیستلر اوشلندی و البته بو تنقید ایتیله دیگن بیر موضوع دیر.

اروپا شوراسی عمومی منسی سی توربیان یاگلان نینگ جاری هفته جریانیده انقره گه سفر قیلرلیگی یخشی بیر خبر دیر.

اگر اروپا کودتا تشبثی گه قرشی مجادله قیلمه گن صورتده اروپانینگ اخلاقی ارزشلری بوییچه سوال خلق بوله دی و اروپانینگ 2013 نچی ییل مصرده یور بیرگن کودتاگه قره ته شرمنده لی حرکتی نینگ بو جیهتده گی جایگاه سینی خطرگه دوچ کیلتیرگن لیگی گه شبهه یوق.

کودتادن بیرنیچه کون کیین جمهور رئیس رجب طیب ایردوغان نینگ سوزلاوچیسی ابراهیم قلین نینگ حکومت نینگ کودتاگه قرشی فعالیت لریگه قره ته غرب نینگ تنقیدلریگه بناً شو تیویت لرنی یازگن لیگی اهمیت گه سزاواردیر. "اگر کوتا موفقیت لیک بیلن اوز نهایه سیگه ییتیب بارسه ایدی – عینی مصرده بولگن دیک – سیز اونی حمایه قیلر ایدینگیز. سیز بو ملت نی تنیمه ی سیز. اما بو ملت سیزنی تنیدی.

اروپا بیرلیگی رهبرلری کوتانینگ آرتیدن ترکیه گه باریب، کودتانی محکوم ایته دیگن پیاملر بیرسه ایدیلر، ترکیه ده گی انسانلرنی کودتانی برطرف ایتگن لیکلری اوچون تبریک ایتگن بولسه لر ایدی، جمهور رئیس، حکومت، مجلس ده گی رهبرلر و و باشقه لری بیلن اولتیریب، ترکیه اوچون دموکراتیک بیر اروپا یولینی بیرگه لیکده قنداغ قیلیب بنا ایترلیکلرینی بحث قیلسه لر ایدی، اروپا بیرلیگی شو پیله کوپ یخشی وضعیت ده بولردی.

البته بو حرکت لرنینگ اولکه نی استبداد تامان آلیب باریشی گه مانع بولرلیگی توغریسیده کفالت یوق. بیراق اروپا کمیده سیاسی توشونچه لرنی و دموکراتیک ارزش لرینی مدافعه قیلیش فعالیتلرینی کورستگن بولردی.

شو پیله پوتین کودتانینگ آرتیدن ایردوغان بیلن اوچره شه دیگن ایلک رهبر بوله دی. اوشبو اوچره شوو عملی بولگنده، بو حادثه اروپا اوچون بیر شرمنده لیک بوله دی.